இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: விடாப்பிடியாக செயல்பட்டு காரியங்களில் வெற்றி பெறுவீர்கள். கணவன் -மனைவி இடையே மனம்விட்டு பேசுவீர்கள். சகோதரர் வகையில் நன்மை கிட்டும். பணவரவு திருப்தி தரும்.

ரிஷபம்: சவால்கள், விவாதங்களில் வெற்றி பெறுவீர்கள். உடன்பிறந்தவர்கள் உங்கள் நலனில் அதிக அக்கறை காட்டுவார்கள். பெரிய பதவிகள் தேடி வரும். கலைப்பொருட்கள் சேரும்.

மிதுனம்: கணவன் - மனைவிக்குள் அன்யோன்யம் அதிகரிக்கும். கடன் தொகையை திருப்பி செலுத்துவீர்கள். பிள்ளைகளின் கோரிக்கைகளுக்கு முக்கியத்துவம் தருவீர்கள்.

கடகம்: வாகனத்தை இயக்கும்போது கவனம் தேவை. கணவன் - மனைவி இடையே ஒருவருக்கொருவர் விட்டுக் கொடுத்து செல்லுங்கள். மின்சாதனங்கள் பழுதாகக் கூடும்.

சிம்மம்: குழப்பம் நீங்கி திடமாக சில முடிவுகள் எடுப்பீர்கள். குடும்பத்தில் கலகலப்பான சூழல் ஏற்படும். எதிர்பார்த்த பணம் வரும். மனைவிவழியில் உதவியுண்டு.

கன்னி: தடைகளை தாண்டி முன்னேறுவீர்கள். விஐபிகளின் உதவியால் சில காரியங்களை முடிப்பீர்கள். சோர்வு நீங்கி சுறுசுறுப்படைவீர்கள். பால்ய நண்பரால் நன்மை உண்டு.

துலாம்: உறவினர்கள், நண்பர்களின் சுபகாரியங்களில் கலந்து கொள்வீர்கள். புது வீடு, மனை வாங்குவதற்கான திட்டம் தீட்டுவீர்கள். கலை, இசை போன்றவற்றில் ஈடுபாடு அதிகரிக்கும்.

விருச்சிகம்: நெடுநாட்களாகத் திட்டமிட்டிருந்த காரியம் இப்போது கைகூடி வரும். அதிகாரப் பதவியில் இருப்பவர்கள் அறிமுகமாவார்கள். விலை உயர்ந்த ஆடை, ஆபரணங்கள் வாங்குவீர்கள்.

தனுசு: கணவன் - மனைவி இடையே நிலவிய கருத்துவேறுபாடு நீங்கும். புது வேலை கிடைக்கும். பூர்வீக சொத்து கைக்கு வரும். பிள்ளைகளின் பொறுப்புணர்வுகள் அதிகமாகும்.

மகரம்: பிரபலங்களின் சந்திப்பு நிகழும். குடும்பத்தில் சுபகாரியங்களுக்கு ஏற்பாடு நடக்கும். வரவேண்டிய பணம் இழுபறிக்குப் பின்னர் கைக்கு வரும். பிள்ளைகளின் கூடா பழக்கவழக்கம் விலகும்.

கும்பம்: வீண் பகை, விரயச் செலவு, முன்கோபம் வந்து செல்லும். அரசாங்க அதிகாரிகளை பகைத்துக் கொள்ள வேண்டாம். வீடு பராமரிப்பு செலவு அதிகரிக்கும்.

மீனம்: வேலைகளை உடனே முடிக்க வேண்டும் என்று நினைப்பீர்கள். பிள்ளைகளால் அலைச்சல் உண்டு. அக்கம்பக்கத்தினர் சிலரின் செயல்பாடுகளால் கோபம், எரிச்சல் ஏற்படக் கூடும்.