இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: வெளிவட்டாரத்தில் புது அனுபவம் கிடைக்கும். புதிய வாகனம் வாங்கும் யோகம் உண்டாகும். தாய்வழி உறவினர்களால் அலைச்சல் அதிகரிக்கும். திடீர் பயணம் ஏற்படக் கூடும்.

ரிஷபம்: நீண்டநாள் பிரச்சினைகளுக்கு சுமுகத் தீர்வு கிடைக்கும். வழக்குகள் சாதகமாகும். மனைவிவழி உறவினர்களுடன் இருந்து வந்த ஈகோ பிரச்சினைகள் நீங்கும். பணவரவு உண்டு.

மிதுனம்: உங்கள் பேச்சில் அனுபவ அறிவு வெளிப்படும். எதிர்பார்த்த இடத்திலிருந்து பணம் வரும். கணவன் - மனைவிக்குள் அன்யோன்யம் உண்டாகும். கலைப்பொருட்கள் வாங்குவீர்கள்.

கடகம்: உடல் உஷ்ணத்தால் சில அவஸ்தைகள் ஏற்படலாம். யாருக்கும், எதற்காகவும் உறுதிமொழியோ, உத்தரவாதமோ தர வேண்டாம். பொதுக்காரியங்களை முன்னின்று நடத்துவீர்கள்.

சிம்மம்: அரசாங்கத்தால் ஆதாயம் உண்டு. அரசு அதிகாரிகள் உதவிகரமாக இருப்பார்கள். திடீர் பயணங்கள் வரும். விலகியிருந்த நெருங்கிய உறவினர், நண்பர்கள் திரும்ப வருவார்கள்.

கன்னி: எதையும் தாங்கும் மனவலிமை கிட்டும். பணவரவு திருப்திகரமாக இருக்கும். எதிர்ப்புகள், ஏமாற்றங்களை முறியடித்து வெற்றி பெறுவீர்கள். சகோதரர்கள் பக்கபலமாக இருப்பார்கள்.

துலாம்: எதிர்பார்த்த உதவிகள் தக்க சமயத்தில் கிடைக்கும். தெளிவான முடிவுகளால் தொல்லைகள் நீங்கும். குடும்பத்தாரின் ஒத்துழைப்பு அதிகரிக்கும். பால்ய நண்பரை சந்திப்பீர்கள்.

விருச்சிகம்: சவாலான விஷயங்களையும் சாதாரணமாக செய்து முடிப்பீர்கள். திடீர் பயணத்தால் ஆதாயம் உண்டு. அக்கம்பக்கத்தினர் ஆதரவாக இருப்பார்கள். தாயாரின் உடல்நலம் சீராகும்.

தனுசு: அதிகாரப் பதவியில் இருப்பவர்களின் நட்பு கிடைக்கும். பழைய சொந்தபந்தங்கள் தேடிவந்து பேசுவார்கள். வேலை முயற்சிகள் தாமதமாகும். வீடு, வாகன பராமரிப்பை மேற்கொள்வீர்கள்.

மகரம்: இங்கிதமாகவும், இதமாகவும் பேசி எல்லோரையும் கவருவீர்கள். உறவினர்களால் ஆதாயம் கிடைப்பதுடன் கவுரவமும் ஒருபடி உயரும். நீண்டநாள் ஆசை நிறைவேறும். பணவரவு உண்டு.

கும்பம்: சமயோசிதமாகச் செயல்பட்டு பல காரியங்களை முடிப்பீர்கள். கடனை பைசல் செய்வீர்கள். மனைவிவழி உறவினர்களால் அன்புத்தொல்லைகள் உண்டு. விருந்தினர் வருகை உண்டு.

மீனம்: கல்வித் தகுதியை அதிகப்படுத்திக் கொள்வீர்கள். அறிஞர்களின் நட்பு கிடைக்கும். உங்களின் முயற்சிகளுக்கு சகோதரர் ஆதரவு கிடைக்கும். சிலருக்கு பெரிய பொறுப்பு தேடிவரும்.