இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: கணவன் - மனைவிக்குள் அன்யோன்யம் அதிகரிக்கும். வாகனம் வாங்குவது குறித்து ஆலோசிப்பீர்கள். அக்கம்பக்கத்தில் இருப்பவர்கள் தக்க சமயத்தில் உதவுவார்கள்.

ரிஷபம்: கனவுத் தொல்லையால் தூக்கம் கெடும். பழைய கசப்பான சம்பவங்களை நினைத்து அவ்வப்போது கோபப்படுவீர்கள். முன்கோபத்தால் சிலரின் நட்பை இழக்காதீர்கள்.

மிதுனம்: எதிர்மறை எண்ணங்கள் வரும். சுற்றியிருப்பவர்களின் சுயரூபத்தை அறிந்து அவர்களிடம் இருந்து விலகிச் செல்வீர்கள். குடும்பத்தில் சின்னச் சின்ன சச்சரவுகள் வரக்கூடும்.

கடகம்: பணப்புழக்கம் அதிகரிக்கும். உறவினர்கள், நண்பர்கள் மத்தியில் செல்வாக்கு உயரும். நினைத்த காரியங்கள் மளமளவென்று நிறைவேறும். பால்ய நண்பரை சந்திப்பீர்கள்.

சிம்மம்: புத்துணர்ச்சியுடன் காணப்படுவீர்கள்.. எதிர்மறை எண்ணம் விலகும். கணவன் - மனைவிக்குள் அன்யோன்யம் பிறக்கும். எந்த பிரச்சினை வந்தாலும் சமாளித்து விடுவீர்கள்.

கன்னி: ஆன்மிகத்தில் நாட்டம் அதிகரிக்கும். சகோதரர் வகையில் உதவிகள், ஆலோசனைகள் கிடைக்கும். வருமானம் உயரும். நீண்ட நாட்களாக எதிர்பார்த்த தொகை கைக்கு வரும்

துலாம்: வாகனம் அடிக்கடி செலவு வைக்கும். பிள்ளைகளுடன் எதிர்பாராத வகையில் வாக்குவாதம் ஏற்படக் கூடும். அவர்களின் நட்பு வட்டத்தை கண்காணிப்பது அவசியம்.

விருச்சிகம்: கல்யாணப் பேச்சுவார்த்தை வெற்றிகரமாக முடியும். உங்களின் சகிப்புத் தன்மையை உறவினர்கள் பாராட்டுவார்கள். பால்ய நண்பர்களின் சந்திப்பால் உற்சாகம் ஏற்படும்.

தனுசு: அக்கம்பக்கத்து வீட்டாருடன் இருந்துவந்த மோதல் போக்கு நீங்கும். சகோதரர்களுக்கிடையே மனம்விட்டுப் பேசி முக்கிய பிரச்சினைக்கு முடிவு காண்பீர்கள்.

மகரம்: புதிய திட்டங்கள் மளமளவென்று நிறைவேறும். தைரியமாக, தன்னிச்சையாக சில முக்கிய முடிவுகள் எடுப்பீர்கள். புண்ணிய தலங்கள் செல்வதற்குத் திட்டமிடுவீர்கள்.

கும்பம்: மனக்குழப்பங்கள், வீண் விவாதங்கள் நீங்கும். எதிர்ப்புகளையும் தாண்டி முன்னேறுவீர்கள். வீட்டை விரிவுபடுத்தி கட்டுவது போன்ற முயற்சிகள் சாதகமாக முடியும்

மீனம்: மகளுக்கு நல்ல இடத்தில் நினைத்த மாதிரி மாப்பிள்ளை அமையும். கைமாற்றாக வாங்கியிருந்த பணத்தை தந்து முடிப்பீர்கள். அநாவசிய செலவுகளை குறைப்பீர்கள்.