இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

மேஷம்: கடந்தகால சம்பவங்களை அவ்வப்போது நினைத்துப் பார்ப்பீர்கள். ஆன்மிகம், யோகா, தியானத்தில் கவனம் செலுத்துவீர்கள். பொருள் வரவு உண்டு.

ரிஷபம்:கணவன் - மனைவிக்குள் மனஸ்தாபத்துக்கு இடம்தராமல் மனம்விட்டுப் பேசுங்கள். சகோதர வகையில் ஆரோக்கியமான விவாதங்கள் வரும். பேச்சில் பொறுமை தேவை.

மிதுனம்: உடன்பிறந்தவர்கள் உங்கள் வளர்ச்சிக்கு சாதகமாக இருப் பார்கள். பிள்ளைகளின் உயர்கல்வி, எதிர்கால வளர்ச்சிக்கான திட்டங்களை தீட்டுவீர்கள். எக்காரியத்திலும் நிதானம் அவசியம்.

கடகம்: சவாலான காரியத்தை செய்து முடித்து வெளி வட்டாரத்தில் பாராட்டு பெறுவீர்கள். உதவி கேட்டு வருபவர்களுக்கு உங்களால் இயன்றதை செய்வீர்கள். ஆன்மிக நாட்டம் அதிகரிக்கும்.

சிம்மம்: எடுத்த காரியங்களை முடிக்க முடியாமல் அவதிப்பட்ட நிலை மாறும். தந்தை உடல்நிலை சீராகும். சகோதரர்களிடம் எதிர்பார்த்த உதவி கிடைக்கும். யாரையும் எடுத்தெறிந்து பேசக்கூடாது.

கன்னி: மற்றவர்களுக்கு உதவி செய்யப்போய் உபத்திரவத்தில் சிக்கிக் கொள்ளாதீர்கள். அவமானங்கள், இடையூறுகளை பொருட் படுத்தாமல் கடமையை செய்யுங்கள்.

துலாம்: கணவன் - மனைவிக்குள் அன்யோன்யம் அதிகரிக்கும். விலகிச் சென்ற உறவினர்கள், நண்பர்கள் தொடர்புகொண்டு பேசுவார்கள். ஆன்மிகத்தில் மனம் லயிக்கும்.

விருச்சிகம்: பிள்ளைகள் உடல்நிலை சீராக இருக்கும். சகோதர வகையில் உதவி கிடைக்கும். எடுத்த காரியங்கள், புது முயற்சிகளில் முன்னேற்றம் உண்டு. பேச்சில் பொறுமை தேவை.

தனுசு: துணிச்சலாக செயல்பட்டு சில முக்கிய முடிவுகளை எடுப்பீர்கள். கணவன் - மனைவிக்குள் அனுசரித்துப் போவீர்கள். பணவரவு திருப்திகரமாக இருக்கும்.

மகரம்: விருந்தினர்கள், நண்பர்கள், அக்கம் பக்கத்தினர் உங்கள் நிலையை அறிந்து தக்க சமயத்தில் உதவுவார்கள். வீட்டில் மகிழ்ச்சி தங்கும். உற்சாகம் கூடும்.

கும்பம்: உங்களைத் தேடி வந்து சிலர் உதவி கேட்பார்கள். வெளி மாநிலம், வெளிநாடுகள் வகையில் நல்ல சேதி கிடைக்கும். பிள்ளைகளிடம் நல்ல மாற்றம் தெரியும்.

மீனம்: குடும்பத்தில் இருந்த சலசலப்புகள் ஓய்ந்து நிம்மதியும், மகிழ்ச்சியும் உண்டாகும். பிள்ளைகளால் பெருமையடைவீர்கள். உடல் ஆரோக்கியம் திருப்திகரமாக இருக்கும். பணவரவு உண்டு.