இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: சிந்தனைத் திறன் அதிகரிக்கும். குடும்பத்தில் மகிழ்ச்சியான சூழல் உண்டு. பிள்ளைகளின் உடல்நலம் சீராகும். வியாபாரத்தை விரிவுபடுத்த முயற்சிப்பீர்கள். அலுவலகத்தில் வீண் விவாதங்களை தவிர்ப்பது நல்லது.

ரிஷபம்: விருந்தினர் வருகையால் வீடு களைகட்டும். தாயாரின் மருத்துவ செலவுகள் குறையும். வியாபாரம் சூடு பிடித்து நல்ல லாபம் பார்க்கலாம். உத்தியோகத்தில் எதிர்பார்த்த, விரும்பிய இடத்துக்கு மாறுதல் கிடைக்கும்.

மிதுனம்: குடும்பத்தில் அமைதி நிலவும். தம்பதிக்குள் நெருக்கம் அதிகமாகும். நட்பு வட்டாரம் விரியும். கடன் பிரச்சினைக்கு மாற்றுவழி காண்பீர். வியாபாரம் லாபம் தரும். அலுவலகத்தில் மேலதிகாரிகள் பாராட்டுவர்.

கடகம்: பிள்ளைகளால் மனநிம்மதி கிட்டும். பூர்வீக சொத்திலிருந்த வில்லங்கம் நீங்கும். வெளிவட்டாரத்தில் மதிப்பு உயரும். வருங்காலத்துக்கான முடிவுகளை எடுப்பீர். வியாபாரம், உத்தியோகத்தில் ஏற்றம் காண்பீர்.

சிம்மம்: பிரபலங்கள் வீட்டு விசேஷங்களில் கலந்து கொள்வீர்கள். சகோதர வகையில் ஒற்றுமை பிறக்கும். கேட்ட இடத்தில் உதவிகள் கிடைக்கும். வியாபாரத்தில் லாபமுண்டு. அலுவலக ரீதியான பயணம் திருப்தி தரும்.

கன்னி: பணப்பற்றாக்குறை, டென்ஷன் வந்துபோகும். வீட்டில் உங்கள் பேச்சுக்கு மதிப்பிருக்காது. ஆன்மிகப் பெரியோரின் ஆசி கிட்டும். வியாபாரத்தில் பங்குதாரரை அனுசரித்து நடந்து கொள்ளவும். உத்தியோகம் சிறக்கும்.

துலாம்: குடும்பத்தினரின் விருப்பங்களை பூர்த்தி செய்வீர். பிள்ளைகளால் வெளிவட்டாரத்தில் மதிப்பு கூடும். வியாபாரத்தில் பாக்கிகள் வசூலாகும். புதிதாக கொள்முதல் செய்வீர். அலுவலகத்தில் மதிப்பு உயரும்.

விருச்சிகம்: புதிய சிந்தனைகள் மனதில் தோன்றும். பிள்ளைகள் பொறுப்பாக நடந்து கொள்வர். படிப்பில் ஆர்வம் காட்டுவர். உத்தியோகத்தில் வீண் குழப்பங்கள் விலகும். வியாபாரத்தில் நல்ல லாபம் பார்க்கலாம்.

தனுசு: குடும்ப சூழலறிந்து பொறுப்பாக செயல்படுவீர். செலவை கட்டுப்படுத்தவும். வியாபார ரீதியாக முக்கிய பிரமுகர்களை சந்திப்பீர். அலுவலகத்தில் உங்கள் மீதான வீண் பழி அகலும். மேலதிகாரியின் ஆதரவு கிட்டும்.

மகரம்: குடும்பத்தில் உங்கள் வார்த்தைக்கு மதிப்பு கூடும். பேச்சில் முதிர்ச்சி தெரியும். பூர்வீக சொத்துப் பிரச்சினைக்கு சுமுக தீர்வு கிட்டும். வியாபாரத்தில் புது வாடிக்கையாளர்கள் தேடி வருவர். வியாபாரம் சிறக்கும்.

கும்பம்: எதிர்பார்த்தபடி பணம் வரும். பழைய கடனை பைசல் செய்வீர்கள். தாய்வழி உறவினர்களுடன் இருந்த கருத்து வேறுபாடுகள் மறையும். வியாபாரரீதியாக புதிய திட்டங்களை தீட்டுவீர். அலுவலகத்தில் மதிப்பு கூடும்.

மீனம்: எதிர்மறை சிந்தனை, ஏமாற்றம் வந்து நீங்கும். குடும்பத்தில் மூத்தவர்களின் ஆலோசனையை கேட்பது நல்லது. அலுவலகத்தில் யாரைப் பற்றியும் குறை கூறிக் கொண்டிருக்காதீர்கள். வியாபாரத்தில் லாபம் உண்டு.

- ஜோதிஷபூஷண் வேங்கடசுப்பிரமணியன்