இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எடுத்த வேலைகளை முடிப்பதில் தடுமாற்றம் ஏற்படும். குடும்பத்தில் விட்டுக் கொடுத்து போகவும். அலுவலகத்தில் யாரையும் பகைத்து கொள்ளாதீர்கள். வியாபாரத்தில் பணியாட்கள் தொந்தரவு தருவார்கள்.

ரிஷபம்: இழுபறியாக இருந்து வந்த வேலை முடியும். தந்தையின் உடல்நிலை சீராகும். அரசு சம்பந்தப்பட்ட காரியம் சாதகமாகும். உத்தியோகத்தில் மேன்மையுண்டு. வியாபாரத்தில் புது வாடிக்கையாளர்கள் தேடி வருவர்.

மிதுனம்: வெகுநாட்களாக மனதளவில் இருந்து வந்த பிரச்சினைகளுக்கு முடிவு கட்டுவீர். ஆடை, ஆபரணம் சேரும். வியாபாரத்தில் பணியாட்களின் ஆதரவு கிட்டும். பாக்கி வசூலாகும். உத்தியோகம் சிறக்கும்.

கடகம்: எதார்த்தமான பேச்சால் இழுபறியாக இருந்த காரியங்களை முடிப்பீர். வியாபாரத்தில் பணியாட்கள் உதவிகரமாக இருப்பர். அலுவலகத்தில் எதிர்பார்த்த இடமாற்றம் உண்டு. மேலதிகாரிகள் பாராட்டுவார்கள்.

சிம்மம்: பால்ய நண்பர்கள், தாய்வழி உறவினர்களால் வீட்டில் மகிழ்ச்சி தங்கும். உடல் ஆரோக்கியத்தில் கவனம் செலுத்தவும். வியாபாரம் சூடு பிடித்து லாபம் தரும். அலுவலகத்தில் மேலதிகாரி அன்பு காட்டுவார்.

கன்னி: தாய்வழி உறவினர்களால் மனக்கசப்புகள் வந்து போகும். அலுவலகத்தில் பணிச்சுமை அதிகரிக்கும். முன்கோபத்தை தவிர்க்கவும். வியாபாரத்தில் பங்குதாரர்களுடன் ஆலோசித்து முடிவுகள் எடுக்கவும்.

துலாம்: தடைபட்டுக் கொண்டிருந்த சுபகாரியங்கள் தடபுடலாக நடக்கும். பால்ய நண்பர்கள் பக்கபலமாக இருப்பர். வியாபாரரீதியாக சில முக்கிய பிரபலங்களை சந்திப்பீர். அலுவலகத்தில் சக ஊழியர்கள் மதிப்பார்கள்.

விருச்சிகம்: புதுப்புது எண்ணங்கள் மனதில் தோன்றும். குடும்பத்தினரின் ஆதரவு உண்டு. உடல் நலம் சீராகும். ஆன்மிக நாட்டம் அதிகரிக்கும். வியாபாரம் ஓரளவு திருப்தி தரும். அலுவலகத்தில் பணிச்சுமை குறையும்.

தனுசு: குடும்பத்தில் சுபநிகழ்ச்சிகள் ஏற்பாடாகும். பணவரவு அதிகரிக்கும். நண்பர்களிடம் எதிர்பார்த்த உதவி கிடைக்கும். வியாபாரரீதியாக சிலரை சந்திப்பீர். உத்தியோகத்தில் மேலதிகாரியின் ஆதரவு கிடைக்கும்.

மகரம்: பணவரவு உண்டு. உங்கள் ரசனைக்கேற்ப வீடு, வாகனம் அமையும். அலுவலகத்தில் நீங்கள் தேடிய ஆவணம் கிடைக்கும். வியாபாரத்தில் புது யுக்திகளை கையாள்வீர். புதிய பாதையில் பயணிக்கத் தொடங்குவீர்.

கும்பம்: பழைய பிரச்சினைகளை சுமூகமாக பேசித் தீர்ப்பீர். குழப்பம் தீர்ந்து வீட்டில் நிம்மதி பிறக்கும். உத்தியோகத்தில் உங்களின் உழைப்புக்கு மதிப்புண்டு. வியாபாரத்தில் அனுபவமிக்க பணியாட்கள் வருவர்.

மீனம்: முக மலர்ச்சியுடன் காணப்படுவீர். பொது காரியங்களில் ஈடுபடுவீர். பிள்ளைகளால் இருந்து வந்த மன உளைச்சல் நீங்கும். வியாபாரத்தில் பங்குதாரர்கள் ஒத்துழைப்பு தருவர். அலுவலகத்தில் அமைதி காக்கவும்.

- ஜோதிஷபூஷண் வேங்கடசுப்பிரமணியன்