இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குழப்பம் நீங்கி குடும்பத்தில் சந்தோஷம் நிலைக்கும். நெருங்கியவர்களுக்காக மற்றவர்களின் உதவியை நாடுவீர். வியாபாரத்தில் புதிய யுக்திகளைக் கையாள்வீர். அலுவலகத்தில் மேலதிகாரி பாராட்டுவார்.

ரிஷபம்: குற்றம், குறை கூறியவர்கள் வலிய வந்து பேசுவர். வீட்டில் சுபநிகழ்ச்சிகளுக்கு ஏற்பாடாகும். வியாபாரத்தில் புதிய ஒப்பந்தம் கையெழுத்தாகும். உத்தியோகத்தில் உயரதிகாரி நேசக்கரம் நீட்டுவார்.

மிதுனம்: வெளிவட்டாரத்தில் புது அனுபவம் உண்டாகும். பிள்ளைகளின் விருப்பங்களை பூர்த்தி செய்வீர். கூட்டுத் தொழிலில் பங்குதாரர்கள் ஆதரவாக இருப்பர். உத்தியோகத்தில் சக ஊழியர்கள் மதிப்பார்கள்.

கடகம்: பிள்ளைகளின் உடல் நலனில் அக்கறை செலுத்துவது அவசியம். வியாபாரத்தில் பங்குதாரர்களின் ஆலோசனைகளை கேட்டு நடக்கவும். உத்தியோகத்தில் சக ஊழியர்கள் உங்களுக்கு எதிராக செயல்படுவார்கள்.

சிம்மம்: பூர்வீக சொத்து தொடர்பான பிரச்சினைகளுக்கு தீர்வு கிட்டும். பழைய நண்பர்கள் தேடி வருவர். உத்தியோகத்தில் மேன்மையுண்டு. வியாபாரத்தில் புதிய வாடிக்கையாளர்கள் அறிமுகமாவர். பணவரவு உண்டு.

கன்னி: முக்கிய பிரமுகர்கள் அறிமுகமாவர். குடும்ப உறுப்பினர்களின் ஆதரவு கிட்டும். வியாபாரத்தை விரிவுபடுத்த வங்கி கடன் கிடைக்கும். உத்தியோகத்தில் உங்களது நீண்ட நாள் கோரிக்கைகள் ஏற்கப்படும்.

துலாம்: மனதிலிருந்த குழப்பங்கள் நீங்கி தெளிவு பிறக்கும். தாயாருக்கு இருந்து வந்த அசதி, சோர்வு நீங்கும். அலுவலகரீதியான பயணங்கள் மேற்கொள்வீர். வியாபாரத்தில் அதிரடி மாற்றம் செய்து லாபம் ஈட்டுவீர்.

விருச்சிகம்: குடும்பத்தினருடன் கலந்து ஆலோசித்து பழைய பிரச்சினைகளுக்கு முக்கிய தீர்வு காண்பீர்கள். தொழில்ரீதியாக சில முக்கிய பிரமுகர்களை சந்திப்பீர். உத்தியோகத்தில் சக ஊழியர்கள் ஆதரவு தருவார்கள்.

தனுசு: குடும்பத்தில் குழப்பங்கள் வரும். பழைய சொத்துப் பிரச்சினைகளை பேச வேண்டாம். நண்பர்கள் சிலர் உங்களை உதாசீனப்படுத்துவார்கள். வியாபாரம், உத்தியோகம் தொடர்பாக அவசர முடிவு வேண்டாம்.

மகரம்: குடும்பத்தில் உங்கள் பேச்சுக்கு மதிப்பு கூடும். விலை உயர்ந்த பொருட்கள் வாங்குவீர்கள். வீட்டில் கூடுதலாக ஒரு தளம் கட்டுவீர். வியாபாரத்தில் போட்டி குறையும். அலுவலகத்தில் யாரையும் குறை கூறாதீர்கள்.

கும்பம்: மனக் குழப்பங்கள் நீங்கி தெளிவான முடிவு எடுப்பீர்கள். கணவன் - மனைவிக்குள் நெருக்கம் அதிகரிக்கும். வெளிவட்டாரத்தில் மதிப்பு, மரியாதை கூடும். வியாபாரம், உத்தியோகத்தில் மேன்மை உண்டு.

மீனம்: எதிர்பாராத பயணங்களால் ஆதாயமுண்டு. முக்கிய பிரமுகர்களின் நட்பு கிடைக்கும். தம்பதிக்குள் இருந்த நீண்டநாள் பிரச்சினை விலகும். அரசு காரியம் விரைந்து முடியும். வியாபாரம், உத்தியோகம் சிறக்கும்.

- ஜோதிஷபூஷண் வேங்கடசுப்பிரமணியன்