இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தில் வீண் விவாதம் வந்து போகும். வெளியூர் பயணம் அலைச்சல் தரும். வியாபாரத்தில் பங்குதாரர்கள் தொல்லை தருவார்கள். உத்தியோகத்தில் எதிர்பார்த்த இடமாற்றம் கிடைக்க தாமதமாகும்.

ரிஷபம்: குடும்பத்தில் நிலவி வந்த விவாதம் மறையும். பிள்ளைகளின் சாதனைகளால் பெருமை அடைவீர். நல்லவர்களின் நட்பு கிடைக்கும். வியாபாரம் சிறக்கும். உத்தியோகத்தில் உயரதிகாரி நேசக்கரம் நீட்டுவார்.

மிதுனம்: கேட்ட இடத்தில் பணம் கிடைக்கும். குழப்பம் நீங்கி தெளிவு பிறக்கும். வெளிவட்டாரத்தில் மகிழ்ச்சி தங்கும். அலுவலகத்தில் தேவையில்லாத விஷயத்தில் தலையிடாதீர். தொழில் போட்டி குறையும்.

கடகம்: கொடுக்கல் - வாங்கலில் சுமுகமான நிலை தென்படும். புதியவர்கள் நண்பர்களாவர். வியாபாரத்தில் புது வாடிக்கையாளர்களால் சரக்குகள் விற்றுத் தீரும். உத்தியோகத்தில் எதிர்பார்த்த பதவி உயர்வு கிட்டும்.

சிம்மம்: வெளிவட்டாரத்தில் புதியவர்களின் நட்பு கிடைக்கும். தள்ளிப் போன வழக்கில் சாதகமான தீர்ப்பு வரும். அரசு காரியங்கள் முடியும். வியாபாரத்தில் புதியவர்கள் அறிமுகமாவர். உத்தியோகம் மேன்மை தரும்.

கன்னி: குழப்பங்கள், அலைச்சல் கூடும். வியாபாரத்தில் போட்டிகள் அதிகரிக்கும். முடிவுகள் எடுக்கும்போது நிதானம் தேவை. அலுவலகத்தில் நீண்ட நாட்களாக தேடிய ஆவணம் கிடைக்கும். மேலதிகாரி ஆதரிப்பார்.

துலாம்: விருந்தினர் வருகையால் இல்லத்தில் மகிழ்ச்சி பொங்கும். உடன்பிறந்தவர்கள் உங்கள் வேலைகளை பகிர்ந்து கொள்வர். அதிகாரப் பதவியில் இருப்பவர்கள் உதவுவார்கள். வியாபாரம், உத்தியோகம் சிறக்கும்.

விருச்சிகம்: பழைய பிரச்சினைக்கு புது தீர்வு கிட்டும். அதிகாரப் பதவியில் இருப்பவர்கள் அறிமுகமாவர். எதிர்பார்த்த இடத்திலிருந்து நல்ல செய்திகள் வரும். வியாபாரத்தில் லாபம், உத்தியோகத்தில் மேன்மை உண்டு.

தனுசு: மனப் போராட்டங்கள் ஓயும். சமயோஜிதமான பேச்சால் தடைபட்ட வேலைகளை முடிப்பீர். பணவரவு உண்டு. வியாபாரத்தில் போட்டி நீங்கும். பழைய பாக்கி வசூலாகும். அலுவலகத்தில் நற்பெயர் கிடைக்கும்.

மகரம்: மின்சார சாதனங்களை மாற்றி அமைக்கும் முயற்சிகளில் இறங்குவீர். பழைய கடனை நினைத்து வருந்த வேண்டாம். புதுவழி பிறக்கும். வியாபாரத்தில் பங்குதாரர்களின் ஆதரவு உண்டு. உத்தியோகம் சிறக்கும்.

கும்பம்: தொட்டது துலங்கும். தடைகள் நீங்கும். இழுபறியாக இருந்து வந்த வேலைகள் முடிவடையும். அரசு சம்பந்தப்பட்ட காரியங்கள் உடனே நிறைவேறும். வியாபாரம், உத்தியோகத்தில் மேன்மை உண்டு.

மீனம்: பழைய நண்பர்கள் தேடி வருவார்கள். புது எண்ணங்கள் மனதில் தோன்றும். தம்பதிக்குள் நெருக்கம் அதிகரிக்கும். வியாபாரத்தில் பழைய பாக்கிகள் வசூலாகும். அலுவலகத்தில் விவாதங்களை தவிர்க்கவும்.

- ஜோதிஷபூஷண் வேங்கடசுப்பிரமணியன்