இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தினரால் விரயச் செலவு இருக்கும். உடல்நலத்தில் கவனம் செலுத்துங்கள். வியாபாரத்தில் நிதான மாக செயல்படவும். அலுவலகத்தில் பணிச்சுமை அதிகரிக்கும். வீண் விவாதங்களை தவிர்ப்பது நல்லது.

ரிஷபம்: திறமைகளை வெளிப்படுத்த நல்ல வாய்ப்பு அமையும், குடும்ப உறுப்பினர்களின் எண்ணங்களை கேட்டறிந்து பூர்த்தி செய்வீர். வியாபாரம் சூடுபிடித்து நல்ல லாபம் தரும். அலுவலகத்தில் மதிப்பு உயரும்.

மிதுனம்: வெளிவட்டாரத் தொடர்பால் சில பணிகளை முடிப்பீர். குடும்பத்தாருடன் மனம் விட்டுப் பேசுவீர். ஆன்மிகத்தில் ஈடுபாடு அதிகரிக்கும். அலுவலக ரீதியான பயணங்களால் ஆதாயம் உண்டு. வியாபாரம் சிறக்கும்.

கடகம்: முகப்பொலிவுடன் காணப்படுவீர். முடியாமல் போன சில காரியங்களை முடிப்பீர். அக்கம்-பக்கம் வீட்டாரின் ஆதரவு கிட்டும். தம்பதிக்குள் மகிழ்ச்சி தங்கும். வியாபாரம், உத்தியோகத்தில் மேன்மை உண்டு.

சிம்மம்: தம்பதிக்குள் இருந்த கருத்து மோதல் விலகும். வெளிவட்டாரத்தில் உங்கள் பேச்சுக்கு மதிப்பு கூடும். பங்குதாரர்களின் ஆலோசனைப்படி வியாபாரத்தை விரிவுபடுத்துவீர். அலுவலகத்தில் அமைதி காக்கவும்.

கன்னி: மனநிறைவுடன் காணப்படுவீர். குடும்பத்தில் அனுசரித்து போகவும். பிள்ளைகளிடமிருந்த மனக் கசப்பு விலகும். கைமாற்றாக வாங்கியிருந்த பணத்தை தந்து முடிப்பீர்கள். வியாபாரம், உத்தியோகம் சிறக்கும்.

துலாம்: திட்டமிட்ட வேலைகளை முடிக்க போராடுவீர். உடல்நலக்குறைவு, மனச்சோர்வு வரும். வியாபாரத்தில் ஓரளவு லாபம் உண்டு. வாகனத்தில் கவனம் தேவை. அலுவலகத்தில் எதிர்பார்த்த இடமாற்றம் கிடைக்கும்.

விருச்சிகம்: மறைமுக போட்டிகளுக்கு பதிலடி தருவீர். ஆன்மிகத்தில் நாட்டம் அதிகரிக்கும். உத்தியோகத்தில் பணிகளை விரைந்து முடிப்பீர். வியாபாரத்தில் நல்ல லாபம் உண்டு. சரக்குகள் அனைத்தும் விற்றுத்தீரும்.

தனுசு: இல்லத்தில் தள்ளிப் போய் கொண்டிருந்த சுபகாரியம் கூடிவரும். பிள்ளைகளின் எண்ணங்களை பூர்த்தி செய்வீர். சகோதர, சகோதரிகளால் நன்மையுண்டு. வியாபாரத்தை விரிவுபடுத்துவீர். உத்தியோகம் சிறக்கும்.

மகரம்: சுறுசுறுப்புடன் செயல்படுவதன் மூலம் காரியங்கள் வெற்றியடையும். குடும்பத்தினரின் ஆதரவு கிட்டும். தாயார், பிள்ளைகளின் உடல்நிலை சீராகும். வியாபாரம் சூடு பிடிக்கும். அலுவலகத்தில் மதிப்பு உயரும்.

கும்பம்: பேச்சில் கம்பீரம் பிறக்கும். சகோதர வகையில் எதிர்பார்த்த உதவிகள் கிடைக்கும். தாயாரின் மருத்துவச் செலவு குறையும். வியாபாரத்தில் பழைய சரக்கு விற்றுத் தீரும். உத்தியோகத்தில் எதிர்பாராத உயர்வு உண்டு.

மீனம்: தடைபட்டிருந்த காரியங்களெல்லாம் நல்ல விதத்தில் முடிவடையும். பழைய பிரச்சினைகளுக்கு மாறுபட்ட அணுகுமுறையால் நல்ல தீர்வு காண்பீர். உத்தியோகத்தில் மேன்மை உண்டு, வியாபாரம் சிறக்கும்.

- ஜோதிஷபூஷண் வேங்கடசுப்பிரமணியன்