இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தில் உங்கள் வார்த்தைக்கு மதிப்பு கூடும். வாகனத்தை மாற்றுவீர். நீண்ட நாட்களுக்கு பிறகு சில நண்பர்களை சந்திப்பீர். வியாபாரத்தில் பாக்கிகள் வசூலாகும். உத்தியோகத்தில் நிம்மதி கிடைக்கும்.

ரிஷபம்: பிரபலங்கள் வீட்டு விசேஷங்களில் பங்கேற்பீர். தாயாரின் உடல்நலம் சீராகும். முன்கோபம் குறையும். வியாபாரத்தில் சரக்குகள் விற்று தீரும்.அலுவலகத்தில் தான் உண்டு தன் வேலை உண்டு என்று இருக்கவும்.

மிதுனம்: வருமென எதிர்பார்த்த பணம் கைக்கு வந்து சேரும். மூத்த சகோதர வகையில் ஆதரவு உண்டு. வியாபாரத்தில் பழைய பாக்கிகள் வசூலாகும். உத்தியோகத்தில் புது அதிகாரி உங்களை மதிப்பார்.

கடகம்: எதிர்பார்ப்புகள் நிறைவேறும். குடும்பத்தில் நிலவி வந்த குழப்பங்கள் விலகும். கூட்டுத் தொழில் செய்பவர்களுக்கு லாபம் கிட்டும். உத்தியோகத்தில் மேலதிகாரிகள் பாராட்டுவர். புதிய பதவி கிடைக்கும்.

சிம்மம்: குடும்பத்தாருடன் விட்டுக் கொடுத்து போவது நல்லது. அக்கம் பக்கத்தினருடன் விவாதம் வேண்டாம். வியாபாரத்தில் பாக்கிகளை போராடி வசூலிப்பீர்கள். அலுவலகத்தில் நீங்கள் தேடிய ஆவணம் கிடைக்கும்.

கன்னி: வெளிவட்டாரத்தில் நிதானமாக பழகவும். குடும்பத்தில் ஓரளவு நிம்மதி உண்டு. வியாபாரம் சூடு பிடித்து நல்ல லாபம் பார்க்கலாம். அலுவலகத்தில் சக ஊழியர்கள் மத்தியில் மதிப்பு, மரியாதை உயரும்.

துலாம்: குழப்பங்கள் நீங்கி தெளிவு பிறக்கும். வீடு, மனை வாங்குவது, விற்பது லாபகரமாக அமையும். அலுவலகத்தில் புது பொறுப்பு ஏற்பீர். புதிய பங்குதாரர் ஆலோசனைப்படி வியாபாரத்தை விரிவுபடுத்துவீர்.

விருச்சிகம்: கடந்த கால சுகமான அனுபவங்கள் மனதில் நிழலாடும். மாணவர்கள் படிப்பில் ஆர்வம் காட்டுவர். அலுவலகத்தில் சக ஊழியருடன் இணைந்து செயல்படவும். வியாபாரத்தில் புது யுக்திகளை கடைபிடிப்பீர்.

தனுசு: வெளிவட்டாரத்தில் புதியவர்கள் அறிமுகவாவர். சொத்து சம்பந்தப்பட்ட வழக்கில் வெற்றி பெறுவீர்கள். வியாபாரத்தில் பற்று வரவு உயரும். உத்தியோகத்தில் சவாலான வேலைகளையும் எளிதில் முடித்துவிடுவீர்.

மகரம்: குடும்பத்தில் கலகலப்பான சூழல் உருவாகும். கையில் பணப் புழக்கம் அதிகரிக்கும். வியாபாரத்தில் போட்டிகள் குறையும். வேலையாட்கள் அன்பாக நடந்து கொள்வர். அலுவலகத்தில் வீண் விவாதம் வேண்டாம்.

கும்பம்: விலை உயர்ந்த பொருட்களை கவனமாக கையாளவும். குடும்பத்தில் விட்டுக் கொடுத்து போகவும். அலுவலகத்தில் பணிச்சுமை அதிகரிக்கும். எனினும் உரிய அங்கீகாரம் கிடைக்கும். வியாபாரத்தில் மேன்மை உண்டு.

மீனம்: புதிய திட்டங்கள் நிறைவேறும். பிள்ளைகள் நம்பிக்கை தருவர். ஆடம்பர செலவுகளைக் குறைத்து சேமிப்பீர். வியாபாரத்தில் பங்குதாரரின் ஆலோசனையை கேட்டு செயல்படவும். அலுவலகத்தில் அமைதி காக்கவும்.

- ஜோதிஷபூஷண் வேங்கடசுப்பிரமணியன்