இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எல்லா வகையிலும் வெற்றி கிடைக்கும். எதிரிகள் கனிவாக பேசி சமாதானத்துக்கு வருவார்கள். குடும்பத்தில் சந்தோஷம் நிலைக்கும். நல்ல செய்திகள் வந்துசேரும். வாகனப் பழுது நீங்கும்.

ரிஷபம்: வெளி வட்டாரத்தில் புதிய நண்பர்களின் அறிமுகம் கிடைக்கும். கணவன் - மனைவிக்குள் அன்யோன்யம் பிறக்கும். கடனாக கொடுத்த பணத்தை வசூலிப்பீர்கள். வாகனப் பழுது நீங்கும்.

மிதுனம்: கடந்தகால சுகமான அனுபவங்களை நினைத்து மகிழ்வீர்கள். வீடு, வாகனத்தை சரிசெய்வீர்கள். பிள்ளைகள் கேட்டதை வாங்கித் தருவீர்கள். அலுவலக பணிகளை திறம்பட முடிப்பீர்கள்.

கடகம்: வீண், ஆடம்பர செலவுகளை குறைத்து, சேமிப்பில் கவனம் செலுத்துவீர்கள். தாய்வழி சொந்தங்கள் ஆதரவாக இருப்பார்கள். தொழில், வியாபாரத்தில் போட்டிகளை திறமையாக சமாளிப்பீர்கள்.

சிம்மம்: திட்டமிட்ட காரியங்களை சிறப்பாக செய்து முடிப்பீர்கள். பிள்ளைகளை பொறுப்பாக வளர்க்க வேண்டும் என்று எண்ணுவீர்கள். உத்தியோகத்தில் உயர் அதிகாரிகள் ஆதரவாக இருப்பார்கள்.

கன்னி: உத்தியோகத்தில் வேலைச் சுமை இருக்கும். குடும்பத்தினரின் ஆதரவு உண்டு. வாயு கோளாறால் உடல் உபாதை தோன்றி மறையும். உணவு கட்டுப்பாடு அவசியம். ஆன்மிக நாட்டம் கூடும்.

துலாம்: திடீர் பயணம், அலைச்சல், அசதி இருக்கும். எடுத்த வேலை முடியவில்லையே என பதற்றத்துடன் காணப்படுவீர்கள். பிள்ளைகளிடம் கனிவாக பேசுங்கள். தொழில், வியாபாரத்தில் லாபம் உண்டு.

விருச்சிகம்: வெளி வட்டாரத்தில் மதிப்பு, மரியாதை உயரும். பெரிய பதவிக்கு உங்கள் பெயரை பரிந்துரை செய்வார்கள். பெற்றோர் உடல்நலம் திருப்திகரமாக இருக்கும். கூட்டுத் தொழிலில் லாபம் உண்டு.

தனுசு: எதிர்பார்த்த பணம் கைக்கு வருவதால் மனநிம்மதி கிடைக்கும். மனைவி வழியில் அந்தஸ்து உயரும். பெற்றோரின் விருப்பத்தை அறிந்து நிறைவேற்றுவீர்கள். ஆன்மிக நாட்டம் அதிகரிக்கும்.

மகரம்: சொந்த ஊரில் மதிப்பு, மரியாதை உயரும். கவுரவ பதவி தேடி வரும். மூத்த சகோதர, சகோதரிகளுடன் இருந்த மனத்தாங்கல் நீங்கும். பங்குச் சந்தை, கமிஷன் வகையில் ஆதாயம் உண்டு.

கும்பம்: பழைய பிரச்சினைகளை பேசித் தீர்ப்பீர்கள். கணவன் - மனைவிக்குள் அன்யோன்யம் பிறக்கும். கையில் காசு, பணம் புரளும். வியாபாரத்தில் போட்டி குறையும். பணியாளர்கள் ஆதரவு உண்டு.

மீனம்: எக்காரியத்திலும் நிதானமாக செயல்படுங்கள். குடும்பத்தில் மூத்தோர் அறிவுரையை கேட்டு நடப்பது நல்லது. வாகன பயணத்தின்போது கவனம் தேவை. வியாபாரத்தில் திடீரென சரக்குகள் தேங்கும்.

- ஜோதிஷபூஷண் வேங்கடசுப்பிரமணியன்