இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: மனைவி, தாயாரின் மருத்துவ செலவு குறையும். சகோதரர்கள் உதவிகரமாக நடந்து கொள்வர். வியாபாரம் சூடு பிடித்து நல்ல லாபம் கிடைக்கும். அலுவலகத்தில் புதிய பதவிக்கு பரிந்துரை செய்யப்படுவீர்கள்.

ரிஷபம்: தடைபட்டிருந்த காரியங்கள் அனைத்தும் நல்ல விதத்தில் முடிவடையும். பழைய பிரச்சினைகளுக்கு தீர்வு காண்பீர். வியாபாரத்தில் போட்டிகள் குறையும். அலுவலகத்தில் உங்கள் மீதான வீண் பழி விலகும்.

மிதுனம்: விலை உயர்ந்த கலை பொருட்கள் வாங்குவீர். மனைவிக்கு ஆடை ஆபரணங்களை வாங்கி கொடுப்பீர்கள். வியாபாரத்தில் அதிரடியாக செயல்பட்டு லாபம் ஈட்டுவீர். உத்தியோகத்தில் மேன்மை உண்டு.

கடகம்: எதிர்பார்த்த வேலைகள் தடையின்றி முடியும். பிள்ளைகளால் மகிழ்ச்சி தங்கும். பூர்வீக வீட்டை விரிவுபடுத்தி கட்டுவீர். வியாபாரம் சூடு பிடித்து லாபம் கிடைக்கும். அலுவலகத்தில் மேலதிகாரி பாராட்டுவார்.

சிம்மம்: வீண் அலைச்சல், டென்ஷன் வரக் கூடும். குடும்பத்தில் விட்டுக் கொடுத்து போவது நல்லது. வியாபாரத்தில் புது முடிவுகள் எடுக்க வேண்டாம். அலுவலகத்தில் தேடிய முக்கிய ஆவணம் கிடைக்கும்.

கன்னி: இல்லத்தில் சுப நிகழ்ச்சிகள் ஏற்பாடாகும். உறவினர்கள் மத்தியில் மதிப்பு உயரும். வியாபாரத்தில் பழையபாக்கிகள் வசூலாகும். அலுவலகத்தில் சக ஊழியர்களுடன் இணக்கமாக செயல்படுவது நல்லது.

துலாம்: புது சிந்தனையால் மனக் குழப்பங்கள் விலகும். பணவரவு திருப்தி தரும். பூர்வீக சொத்து தொடர்பாக குடும்பத்தில் நிம்மதி பிறக்கும். வாகனத்தை மாற்றுவீர். வியாபாரம், உத்தியோகத்தில் மேன்மை உண்டு.

விருச்சிகம்: பாதியில் நின்ற வேலைகள் முடிவடையும். வர வேண்டிய பணம் கைக்கு வரும். வியாபாரத்தை விரிவுபடுத்துவீர். அலுவலகத்தில் உயரதிகாரி முக்கிய விஷயங்களை பகிரும் அளவுக்கு நெருக்கமாவீர்கள்.

தனுசு: வெளிவட்டாரத்தில் அந்தஸ்து உயரும். சிலர் உங்கள் உதவியை நாடுவார்கள். மூத்த சகோதரர் உங்களை புரிந்து கொள்வார். வியாபாரத்தில் புதிய யுக்திகளைக் கையாள்வீர். பொறுப்புகள் அதிகரிக்கும்.

மகரம்: கணவன் - மனைவிக்குள் மனக் கசப்புகள் வரக் கூடும். வியாபாரத்தில் போட்டிகள் அதிகரிக்கும். புதிய பங்குதாரர்களை சேர்க்கும்போது எச்சரிக்கையாக இருக்கவும். அலுவலகத்தில் அமைதி காப்பது நல்லது.

கும்பம்: குடும்பத்தினரின் எண்ணங்களை பூர்த்தி செய்வீர். வீடு, மனை வாங்குவது, விற்பது லாபம் தரும். அலுவலகத்தில் பணிச்சுமை கூடினாலும் நல்ல அங்கீகாரம் கிடைக்கும். புதிய தொழில் தொடங்குவீர்.

மீனம்: பழைய பொன், பொருளை மாற்றிவிட்டு புதியன வாங்குவீர்கள். மனைவியின் சகோதரர்களால் ஆதாயமுண்டு. வியாபாரத்தில் வராது என்றிருந்த பணம் வந்து சேரும். அலுவலகத்தில் வீண் விவாதம் தவிர்ப்பீர்.

- ஜோதிஷபூஷண் வேங்கடசுப்பிரமணியன்