இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: கணவன் - மனைவிக்குள் அன்யோன்யம் பிறக்கும். கைமாற்றாக வாங்கியிருந்த பணத்தை திருப்பித் தருவீர்கள். எதிர்பாராத நன்மைகள் உண்டாகும். பழைய வாகனத்தை விற்றுவிட்டு புதிது வாங்குவீர்கள்.

ரிஷபம்: உறவினர்கள், நண்பர்களிடம் உரிமையுடன் பேசி பெயரை கெடுத்துக் கொள்ளாதீர்கள். சிலர் உங்களுக்கு உதவுவது போல் உபத்திரவத்தை தருவார்கள். தாயார் உடல் ஆரோக்கியத்தில் கவனம் தேவை.

மிதுனம்: மனைவிவழியில் நல்ல செய்தி உண்டு. புதியவர்கள் அறிமுகமாவார்கள். தாயார் ஆதரித்து பேசுவார். வேற்றுமதத்தவர், வேற்றுமொழி பேசுபவர்கள் உதவுவர். பிள்ளைகளால் பெருமை அடைவீர்கள்.

கடகம்: அரசால் அனுகூலம் உண்டு. எதிர்பார்த்த இடத்திலிருந்து நல்ல செய்தி வரும். பிறரின் வற்புறுத்தலுக்காக சில பொறுப்புகளை ஏற்பீர்கள். பூர்வீக வீட்டை சீரமைத்து, விரிவுபடுத்தி கட்ட முயல்வீர்கள்.

சிம்மம்: பிள்ளைகள் குடும்ப சூழ்நிலை அறிந்து செயல்படுவார்கள். சிக்கனமாக செலவழித்து சேமிக்கத் தொடங்குவீர்கள். அக்கம் - பக்கம் வீட்டாரின் அன்புத் தொல்லை குறையும். தியானம் செய்யவும்.

கன்னி: எதிர்ப்புகளையும் தாண்டி முன்னேறுவீர்கள். தாய்வழி உறவினர்களுடன் கருத்து வேறுபாடுகள் வந்து நீங்கும். பழைய கடன்களைப் பற்றி அவ்வப்போது யோசிப்பீர்கள். வாகனம் செலவு வைக்கும்.

துலாம்: குடும்பத்தாரின் எண்ணங்களை கேட்டறிந்து பூர்த்தி செய்வீர். சகோதரர்களின் ஆதரவால் பூர்வீக சொத்து பிரச்சினையில் நல்ல தீர்வு கிடைக்கும். அரசால் ஆதாயம் உண்டு.முக்கிய பிரமுகர்கள் அறிமுகமாவர்.

விருச்சிகம்: குடும்பத்தில் சுப நிகழ்ச்சிகள் நடந்தேறும். இழுபறியாக இருந்த வேலைகள் முடியும். முகப்பொலிவு கூடும். உறவினர்களால் ஆதாயம் உண்டு. பழைய பள்ளி, கல்லூரி நண்பர்களை சந்திப்பீர்கள்.

தனுசு: பண விஷயத்தில் கறாராக இருக்க வேண்டும். வேலைகளை உடனே முடிக்க முயற்சி செய்வீர்கள். திடீர் பயணங்கள், செலவுகளால் திணறுவீர்கள். யாருக்கும் எதற்காகவும் உறுதிமொழி தருவதைத் தவிர்க்கவும்.

மகரம்: முக்கிய கோப்புகளை கவனமாக கையாள்வது அவசியம். பால்ய நண்பர்களை பகைத்துக் கொள்ள வேண்டாம். பழைய கடனைத் தீர்க்க முயற்சி செய்வீர்கள். குலதெய்வ வழிபாடு நன்மை தரும்.

கும்பம்: கொடுத்த வாக்குறுதியை உடனே நிறைவேற்றுவீர்கள். பிரியமானவர்களுக்காக சிலவற்றை விட்டு கொடுக்க வேண்டிய சூழல் ஏற்படும். நண்பர்கள் வீட்டு சுப நிகழ்ச்சிகளில் பங்கேற்பீர்கள்.

மீனம்: உங்கள் போக்கில் கொஞ்சம் மாற்றம் செய்வீர்கள். நண்பர்களால் அனுகூலம் உண்டு. விலகி நின்றவர்கள் விரும்பி வருவர். புதிய ஆடை, ஆபரணம் சேரும். யாரையும் பகைத்துக் கொள்ள வேண்டாம்.

- ஜோதிஷபூஷண் வேங்கடசுப்பிரமணியன்