இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எதிர்பாராத வகையில் பணம் வர வாய்ப்பு உண்டு. வேற்று மொழி பேசுபவர்கள், வேற்று மதத்தினர் உதவிகரமாக இருப்பார்கள். பூர்வீக வீட்டை சீரமைத்து, விரிவுபடுத்த முயற்சி செய்வீர்கள்.

ரிஷபம்: பிரச்சினைகளை கடக்க நல்ல வழி கிடைக்கும். பணப் பற்றாக்குறையை தீர்ப்பதற்கும் சில உதவிகள் கிடைக்கும். தைரியம் கூடும். குடும்பத்துக்குள் மூன்றாம் நபர் தலையீட்டை தவிர்க்கவும்.

மிதுனம்: எதிர்பார்த்த வகையில் பணம் வரும். வீடு கட்டுவதற்கு,வாங்குவதற்கு வங்கிக் கடன் உதவியும் கிடைக்கும். பழைய பள்ளி, கல்லூரி நண்பர்களை சந்தித்து மகிழ்வீர். அக்கம் பக்கத்தினருடன் அளவாக பழகவும்.

கடகம்: தூக்கம் குறையும். உங்களது திறமை மீது நம்பிக்கை வைப்பது நல்லது. உங்களை யார் தாழ்த்திப் பேசினாலும், விமர்சித்தாலும் கலங்க வேண்டாம். பிள்ளைகளின் படிப்பு விஷயத்தில் கவனம் தேவை.

சிம்மம்: உறவினர், நண்பர்கள் மூலம் குடும்பத்தில் சின்னச் சின்ன பிரச்சினைகள் அதிகமாகும். டிவி, ஃப்ரிட்ஜ் பழுதாகும். அலைபேசியில் பேசிக் கொண்டு வாகனத்தை இயக்க வேண்டாம். பணவரவு உண்டு.

கன்னி: பழைய நகையை மாற்றி புது டிசைனில் ஆபரணம் வாங்குவீர்கள். திருமணம், சீமந்தம் என்று உறவினர், நண்பர்களின் வருகையால் வீடு களைகட்டும். கனிவாகப் பேசி அனைவரையும் ஈர்ப்பீர்கள்.

துலாம்: திடீர் பயணங்களால் உற்சாகமடைவீர்கள். பழைய உறவினர், நண்பர்களை சந்தித்து மகிழ்வீர். மனைவிவழியில் உதவிகள் உண்டு. குடும்ப பிரச்சினைகளை அடுத்தவர்களிடம் கூறிக் கொண்டிருக்க வேண்டாம்.

விருச்சிகம்: தடைபட்ட காரியங்கள் நல்ல விதத்தில் முடியும். தள்ளிப் போன வழக்கில் தீர்ப்பு சாதகமாக வரும். அரசாங்க விஷயம் விரைந்து முடியும். உறவினர், நண்பர்களிடம் வீண் விவாதங்களைத் தவிர்க்கவும்.

தனுசு: குடும்பத்தினருடன் புண்ணிய தலங்களுக்கு சென்று வருவீர்கள். மகள், மகனின் திருமண பேச்சுவார்த்தை சுமுகமாக முடியும். தேவையற்ற செலவுகளை தவிர்க்கப் பாருங்கள். கலை பொருட்கள் சேரும்.

மகரம்: மாறுபட்ட யோசனைகள் உங்கள் மனதில் உதிக்கும். யதார்த்தமான முடிவுகள் எடுப்பீர். தன் கையே தனக்குதவி என்பதையும் உணர்வீர். நீண்ட நாளாக இழுபறியாக இருந்த வழக்கில் முன்னேற்றம் உண்டு.

கும்பம்: சவாலான காரியங்களையும் எளிதாக முடித்துக் காட்டுவீர்கள். பிள்ளைகளுடன் இருந்து வந்த கருத்து மோதல் நீங்கும். குழந்தை பாக்கியம் கிட்டும். உறவினர், நண்பர்கள் ஆதரவுக்கரம் நீட்டுவர்.

மீனம்: குடும்ப சூழ்நிலை அறிந்து, பிள்ளைகள் பொறுப்பாக நடந்துகொள்வார்கள். பூர்வீக சொத்து விஷயத்தில் அவசர முடிவுகள் எடுக்க வேண்டாம். முக்கிய பிரமுகர்களின் அறிமுகத்தால் உற்சாகம் அடைவீர்கள்.

- ஜோதிஷபூஷண் வேங்கடசுப்பிரமணியன்