இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: கணவன் - மனைவிக்குள் அன்யோன்யம் அதிகரிக்கும். பழைய வாகனத்தை விற்றுவிட்டு புதிது வாங்குவீர்கள். கிரஹப்பிரவேசம், திருமணம், சீமந்தம் என்று வரிசையாக சுபநிகழ்ச்சிகள் நடந்தேறும்.

ரிஷபம்: கனவுத் தொல்லை வரும். பழைய கசப்பான சம்பவங்களை நினைத்து அவ்வப்போது கோபப்படுவீர்கள். எதிலும் நிதானமாக செயல்படவும். பூர்வீக நிலப் பிரச்சினையில் சுமுகத் தீர்வு கிடைக்கும்.

மிதுனம்: எதிர்மறை எண்ணங்கள் வரும். சுற்றியிருப்பவர்களின் சுயரூபத்தை அறிந்து கொள்வீர்கள். உறவினர் மத்தியில் சின்னச் சின்ன சச்சரவுகள் வரக்கூடும். பிள்ளைகள் உங்கள் பேச்சை கேட்பார்கள்.

கடகம்: பணப் புழக்கம் அதிகரிக்கும். விலை உயர்ந்தப் பொருட்கள் வாங்குவீர்கள். செல்லும் இடமெல்லாம் சிறப்பு கூடும். பயணங்கள் இனிதாக இருக்கும். நீண்ட நாளாக இழுபறியாக இருந்த வழக்கு நிறைவடையும்.

சிம்மம்: அழகு, இளமை கூடும். எதிர்மறை எண்ணங்கள் விலகும். கணவன் - மனைவிக்குள் அன்யோன்யம் பிறக்கும். தீர்க்க முடியாத பிரச்சினைகளையும் தீர்க்கும் சக்தி உண்டாகும். பணவரவு உண்டு.

கன்னி: ஆன்மிகத்தில் நாட்டம் அதிகரிக்கும். மூத்த சகோதர வகையில் உதவிகள் கிடைக்கும். எதிர்பாராத தொகை ஒன்று கைக்கு வரக் கூடும். வாகனப் பழுதை சரி செய்வீர்கள். புதிய நண்பர்கள் கிடைப்பார்கள்.

துலாம்: புதிய வீடு வாங்க முயற்சிப்பீர்கள். வாகனம் பழுதாகி சரியாகும். பிள்ளைகளுடன் வாக்குவாதம் வரும். அவர்
களின் நட்பு வட்டத்தை கண்காணிப்பது அவசியம். அக்கம் பக்கத்தினருடன் அளவாகப் பேசி பழகவும்.

விருச்சிகம்: மகள், மகனின் திருமண பேச்சுவார்த்தை வெற்றியடையும். உறவினர்கள் உங்களின் சகிப்புத் தன்மையைப் பாராட்டுவார்கள். பழைய பள்ளி, கல்லூரி நண்பர் களின் சந்திப்பால் உற்சாகமடைவீர்கள்.

தனுசு: அக்கம் - பக்கம் வீட்டாருடன் இருந்த மோதல் போக்கு நீங்கும். சகோதரர்களுக்கிடையே மனம் விட்டு பேசி நல்ல முடிவுகள் எடுப்பீர்கள். உறவினர், நண்பர்கள் மத்தியில் மதிப்பு, மரியாதை கூடும்.

மகரம்: புதிய திட்டங்கள் நிறைவேறும். வாகனம் சரியாகும். தைரியமாக, தன்னிச்சையாக சில முக்கிய முடிவுகள் எடுப்பீர்கள். குடும்பத்துடன் புண்ணிய தலங்களுக்குச் சென்று வருவீர்கள். பணவரவு திருப்தி தரும்.

கும்பம்: மனக் குழப்பம், வீண் விவாதங்கள் நீங்கும். எதிர்ப்புகளையும் தாண்டி முன்னேறுவீர்கள். பூர்வீக வீட்டை சீரமைத்து, விரிவுபடுத்தி கட்டுவது போன்ற முயற்சிகள் சாதகமாக முடியும். வாகனம் செலவு வைக்கும்.

மீனம்: ஆடை, அணிகலன் சேரும். மகளின் கல்யாண முயற்சிகள் நல்ல விதத்தில் முடியும். கைமாற்றாக வாங்கியிருந்த பணத்தை தந்து முடிப்பீர். யாரையும் எடுத்தெறிந்து பேச வேண்டாம். பால்ய நண்பரை சந்திப்பீர்கள்.

- ஜோதிஷபூஷண் வேங்கடசுப்பிரமணியன்