இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: கைமாற்றாக கேட்டிருந்த பணம் கிடைக்கும். பூர்வீக சொத்துப் பிரச்சினைகள் தீரும். அநாவசியமாக யாருக்காகவும் எந்த உறுதிமொழியும் தர வேண்டாம். பழைய வாகனம் செலவு வைக்கும்.

ரிஷபம்: சகோதர வகையில் சொத்து பிரச்சினைகள் வந்து நீங்கும். ரத்த அழுத்தம் அதிகரிக்கும். மனைவியுடன் கருத்து மோதல்கள் வரும். பழைய பள்ளி, கல்லூரி நண்பர்களை சந்திக்கும் வாய்ப்பு உருவாகும்.

மிதுனம்: நிர்வாகத் திறன் அதிகரிக்கும். வர வேண்டிய பணம் கைக்கு வரும். பிள்ளைகளிடம் குவிந்து கிடக்கும் திறமைகளை இனம் கண்டறிந்து வளர்ப்பீர்கள். அக்கம் பக்கத்தினருடன் அளவாக பேசி பழகவும்.

கடகம்: சவாலான காரியங்களையும் எளிதாக செய்து முடிப்பீர்கள். எதிர்பார்த்து காத்திருந்த பணம் வரும். குழப்பம் நீங்கி குடும்பத்தில் ஒற்றுமை பிறக்கும். பிள்ளைகள் குடும்ப சூழ்நிலை அறிந்து செயல்படுவார்கள்.

சிம்மம்: உங்களின் ஆளுமைத் திறன் அதிகரிக்கும். முன்கோபம் விலகும். மனைவியுடன் இருந்த மோதல்கள் நீங்கும். குடும்பத்தில் உங்கள் கை ஓங்கும். பிள்ளைகளின் படிப்பு விஷயத்தில் கவனம் தேவை.

கன்னி: கணவன் - மனைவிக்குள் ஈகோ பிரச்சினைகள் வந்து நீங்கும். வர வேண்டிய பணத்தை போராடி வசூலிப்பீர்கள். கடன் பிரச்சினையை நினைத்து அவ்வப்போது கலங்குவீர்கள்.

துலாம்: அடிமனதில் இருந்த கவலை, பயம் நீங்கும். உறவினர்களின் ஆதரவு கிட்டும். புதிய நண்பர்களின் அறிமுகத்தால் உற்சாகமடைவீர். குடும்பத்தினருடன் வெளியூர் பயணம், சுற்றுலா செல்ல திட்டமிடுவீர்கள்.

விருச்சிகம்: மறைமுக எதிரிகளை கண்டறிந்து ஒதுக்குவீர்கள். எதிர்பார்த்த வேலைகள் தடையின்றி முடியும். பிள்ளைகளின் சாதனையால் பெருமை அடைவீர்கள். பூர்வீக வீட்டை விரிவுபடுத்தி கட்டுவீர்கள்.

தனுசு: திடீர் யோகம் உண்டாகும். பால்ய நண்பர்கள் வீட்டு சுப நிகழ்ச்சிகளில் முதல் மரியாதை கிடைக்கும். உறவினர்கள் உங்களைப் பற்றி பெருமையாக பேசுவார்கள். பழைய வழக்குகள் சாதகமாகும்.

மகரம்: முக்கிய பிரமுகர்கள் அறிமுகமாவார்கள். விருந்தினர் வருகையால் குடும்பத்தில் மகிழ்ச்சி தங்கும். பிள்ளைகள் உங்கள் அறிவுரையை ஏற்றுக் கொள்வர். பழைய வாகனத்தை விற்றுவிட்டு புதிது வாங்குவீர்.

கும்பம்:கோபதாபம் குறையும். தடைபட்ட அரசு வேலைகள் உடனே முடியும். வெளிநாடு செல்லும் வாய்ப்பு வரும். தந்தைவழி உறவினர்கள் உங்களைத் தேடி வருவர். புதியவர்களின் அறிமுகம் கிடைக்கும்.

மீனம்: முயற்சிகள் பலிதமாகும். பூர்வீக சொத்து கைக்கு வரும். நண்பர்கள், உறவினர்களால் அனுகூலம் உண்டு. கோயில் விசேஷங்களுக்கு நன்கொடை வழங்குவீர்கள். பழைய வழக்குகள் சாதகமாகும்.

- ஜோதிஷபூஷண் வேங்கடசுப்பிரமணியன்