இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்ப அந்தரங்க விஷயங்களை பிறருடன் பகிர்ந்து கொள்ள வேண்டாம். தவறுகளை சுட்டி காட்டுவதன் மூலம் சச்சரவுகளில் சிக்குவீர். பழைய வாகனம் செலவு வைக்கும். பால்ய நண்பர்களை சந்தித்து மகிழ்வீர்.

ரிஷபம்: எதிர்காலம் பற்றிய கவலைகள் வந்து நீங்கும். உறவினர், நண்பர்கள் பண உதவி கேட்டு தொந்தரவு தருவர். பழைய வழக்குகள் விசாரணைக்கு வரும் பூர்வீக
வீட்டை சீரமைத்து, விரிவுபடுத்தி கட்ட முயற்சி செய்வீர்.

மிதுனம்: துடிப்புடன் காணப்படுவீர்கள். கணவன் - மனைவிக்குள் மகிழ்ச்சியுண்டு. விருந்தினர்கள், நண்பர்களின் வருகையால் வீட்டில் மகிழ்ச்சி தங்கும். பிள்ளைகளுக்கு அயல்நாட்டு நிறுவனத்தில் பணி கிடைக்கும்.

கடகம்: தன்னம்பிக்கையுடன் செயல்பட்டு காரியங்களை சாதிப்பீர்கள். குடும்பத்தினருடன் இருந்து வந்த கசப்புணர்வு நீங்கும். கையில் தேவையான அளவு பணம் இருக்கும். அக்கம் பக்கத்தினருடன் அளவாகப் பேசி பழகவும்.

சிம்மம்: பழைய நல்ல சம்பவங்களை நினைவுகூர்ந்து மகிழ்வீர். பிள்ளைகளின் நினைவாற்றல் பெருகும். மகளின் கல்யாண பேச்சுவார்த்தை முன்னேற்றம் தரும். நீண்ட நாளாக சந்திக்காத நண்பர் உங்களை தேடி வருவார்.

கன்னி: வெளுத்ததெல்லாம் பாலாக நினைத்து சிலரிடம் பேசி சிக்கி கொள்ளாதீர். கணவன் - மனைவிக்குள் மனஸ்தாபம் வந்து நீங்கும். அதிக வேலைச்சுமையால் அவ்வப்போது கோபப்படுவீர்கள். பணவரவு திருப்தி தரும்.

துலாம்: ஆரவாரமின்றி சில வேலைகளை முடிப்பீர்கள். கிரஹப் பிரவேசம், திருமணம், சீமந்தம் என்று விருந்தினர் வருகையால் குடும்பத்தில் கலகலப்பான சூழல் ஏற்படும். வெளியூர் பயணங்களால் ஆதாயம் உண்டு.

விருச்சிகம்: நம்பிக்கைக்கு உரியவர்களின் ஆதரவு கிட்டும். தாய்வழி உறவினர்களால் ஆதாயம் உண்டு. பணவரவு திருப்திகரமாக இருக்கும். வெளியூர் பயணங்கள் மகிழ்ச்சி தரும். பிள்ளைகளின் சாதனைகளால் பெருமை அடைவீர்.

தனுசு: அதிரடியாக செயல்பட்டு சில காரியங்களை விரைந்து முடிப்பீர். குடும்பத்தில் கலகலப்பான சூழல் ஏற்படும். அரசாங்க காரியங்களில் வெற்றியுண்டு. வெளியூர் பயணம், சுற்றுலா செல்ல திட்டமிடுவீர்கள்.

மகரம்: கணவன் - மனைவிக்குள் அன்யோன்யம் பிறக்கும். பிள்ளைகளின் நீண்ட நாள் கோரிக்கைகளை பூர்த்தி செய்வீர். மனைவி வழி உறவினர்கள் மத்தியில் மதிப்பு, மரியாதை கூடும். நவீன மின்னணு சாதனங்கள் வாங்குவீர்கள்.

கும்பம்: சகோதர வகையில் ஆதாயம் பெறுவீர்கள். உறவினர் வருகையால் வீட்டில் மகிழ்ச்சி தங்கும். நட்பு வட்டம் விரியும். ஆடம்பர செலவுகளை குறைப்பீர். மகளின் திருமண பேச்சுவார்த்தையில் முன்னேற்றம் உண்டு.

மீனம்: குடும்பத்தினரின் எண்ணங்களைப் பூர்த்தி செய்வீர். நண்பர்கள், உறவினர்களின் உதவி கிட்டும். சகோதர வகையில் மகிழ்ச்சியுண்டு. அக்கம் - பக்கம் வீட்டாரின் ஆதரவு பெருகும். மனதில் இருந்த பயம் விலகும்.

- ஜோதிஷபூஷண் வேங்கடசுப்பிரமணியன்