Published : 04 Mar 2020 09:34 AM
Last Updated : 04 Mar 2020 09:34 AM

இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

மேஷம்: வெளிவட்டாரத்தில் அந்தஸ்து உயரும். அதிரடியான திட்டங்கள் தீட்டுவீர்கள். குடும்பத்தினர் உங்கள் ஆலோசனையை ஏற்றுக் கொள்வார்கள். திடீர் பயணம் ஏற்படக் கூடும்.

ரிஷபம்: முக்கிய முடிவுகள் எடுப்பீர்கள். புதியவரின் நட்பால் உற்சாகமடைவீர்கள். கணவன் - மனைவிக்குள் அன்யோன்யம் அதிகரிக்கும். உடல்நலம் சீராகும். வாகனம் செலவு வைக்கும்.

மிதுனம்: எதிர்மறை விமர்சனங்களை கண்டு கலங்க வேண்டாம். உதவி செய்வதாக வாக்கு கொடுத்தவர்கள் சிலர் இழுத்தடிப்பார்கள். அடுத்தவர் விவகாரங்களில் தலையிட வேண்டாம்.

கடகம்: காரியங்களை அலைந்து, திரிந்து முடிக்க வேண்டியது வரும். நீண்டகால கடனைத் தீர்க்க முயற்சி செய்வீர்கள். நயமாகப் பேசுபவர்களை நம்பி ஏமாந்து விடாதீர்கள்.

சிம்மம்: தவறு செய்பவர்களை தட்டிக் கேட்பீர்கள். பிள்ளைகளால் உறவினர்கள், நண்பர்கள் மத்தியில் பெருமையடைவீர்கள். செலவுகளைக் குறைத்து சேமிக்க வேண்டுமென்ற எண்ணம் வரும்.

கன்னி: எதிர்பார்ப்புகள் நிறைவேறும். உடன்பிறந்தவர்கள் உறுதுணையாக இருப்பார்கள். பிரியமானவர்களுக்காக சிலவற்றை விட்டுக் கொடுப்பீர்கள். பால்ய நண்பரை சந்திப்பீர்கள்.

துலாம்: பிரச்சினைகளுக்கு மாறுபட்ட அணுகுமுறையால் தீர்வு காண்பீர்கள். வீடு, வாகனத்தை சீர் செய்வீர்கள். குலதெய்வப் பிரார்த்தனையை குடும்பத்துடன் சென்று நிறைவேற்றுவீர்கள்.

விருச்சிகம்: புதிய முயற்சிகள் இழுபறிக்குப் பின்னர் முடியும். சிலரின் தவறான செயல்களை எண்ணி வருந்துவீர்கள். உடல் நலம் பாதிக்கக் கூடும். உணவு விஷயத்தில் கட்டுப்பாடு அவசியம்.

தனுசு: கேட்ட இடத்தில் பணம் கிடைக்கும். புதிய நண்பரின் அறிமுகம் உற்சாகத்தைத் தரும். சகோதரர் வகையில் ஒற்றுமை பிறக்கும். வீடு, மனை வாங்குவது குறித்து ஆலோசிப்பீர்கள்.

மகரம்: உறவினர், நண்பர்களுடன் நீண்ட நாட்களுக்குப் பின் மனம்விட்டு பேசி மகிழ்வீர்கள். அரசு காரியங்களில் இருந்துவந்த இழுபறி மாறும். வெளியூர் பயணங்களால் ஆதாயம் உண்டு.

கும்பம்: உங்களின் நிர்வாகத் திறமை பளிச்சிடும். நினைத்த காரியங்கள் நிறைவேறும். உங்களைச் சுற்றியிருப்பவர்களில் நல்லவர்கள் யார் என்பதை கண்டறிவீர்கள். பணவரவு உண்டு.

மீனம்: கடின உழைப்பால் இலக்கை எட்டிப் பிடிப்பீர்கள். தாயாரின் உடல்நலத்தில் கவனம் தேவை. எதிர்பார்ப்புகள் பூர்த்தியாகும். குடும்பத்தில் நிலவிய குழப்பம் நீங்கி அமைதி ஏற்படும்.

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x