இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: தடைபட்டுவந்த காரியங்கள் எல்லாம் இன்று சுமுகமாக நிறைவேறும். சொந்தபந்தங்கள் மத்தியில் மதிப்பு உயரும். வீடு, மனை வாங்குவது குறித்து யோசிப்பீர்கள்.

ரிஷபம்: சில காரியங்களை போராடி முடிப்பீர்கள். அநாவசியமாக யாருக்காகவும் எந்த உறுதிமொழியோ உத்தரவாதமோ தரவேண்டாம். வெளி உணவுகளைத் தவிர்ப்பது நல்லது.

மிதுனம்: மனநிறைவுடன் சில காரியங்களை செய்து முடிப்பீர்கள். உறவினர்கள், நண்பர்கள் வருகையால் வீட்டில் மகிழ்ச்சி கிட்டும். மனைவிவழி உறவினர்களால் ஆதாயம் உண்டு.

கடகம்: குடும்பத்தில் குழப்பம் நீங்கி அமைதி நிலவும். நட்பு வட்டாரம் விரியும். கடன் பிரச்சினையை தீர்க்க மாற்றுவழி காண்பீர்கள். கணவன் - மனைவிக்குள் அன்யோன்யம் அதிகரிக்கும்.

சிம்மம்: பிரியமானவர்களின் சந்திப்பு நிகழும். குடும்பத்தில் உள்ளவர்களிடம் மனம்விட்டுப் பேசுவீர்கள். அரசியல்வாதிகளின் சந்திப்பு நிகழும். வீட்டின் அடிப்படை வசதிகளை மேம்படுத்துவீர்கள்.

கன்னி: தன்னம்பிக்கை பிறக்கும். விடாப்பிடியாக செயல்பட்டு வேலைகளை முடிப்பீர்கள். கணவன் - மனைவிக்குள் நிலவிய கருத்துவேறுபாடு நீங்கும். பணப்பற்றாக்குறையை சமாளிப்பீர்கள்.

துலாம்: மனதில் பட்டதை பளிச்சென்று பேசுவீர்கள். குடும்பத்தில் கலகலப்பான சூழல் ஏற்படும். உறவினர்களால் மனநிம்மதி கிட்டும். நவீன மின்சாதனங்கள் வாங்கி மகிழ்வீர்கள்.

விருச்சிகம்: சொன்ன சொல்லைக் காப்பாற்ற துடிப்புடன் செயல்படுவீர்கள். மனதுக்குப் பிடித்தவர்களுக்காக அதிகம் செலவு செய்வீர்கள். உடல் ஆரோக்கியம் திருப்திகரமாக இருக்கும்.

தனுசு: எதிலும் நிதானம் தேவை. பழைய நினைவுகளில் அடிக்கடி மூழ்குவீர்கள். சிலர் நன்றி மறந்து பேசுவது மனசஞ்சலத்தை ஏற்படுத்தும். உங்களை நம்பி பெரிய பொறுப்புகளை ஒப்படைப்பார்கள்.

மகரம்: உடல்நிலை சீராக இருக்கும். உறவினர்களின் திடீர் வருகையால் வீடு கலகலப்பாகும். கனவுத்தொல்லை, தூக்கமின்மை விலகும். எதிர்கால திட்டங்கள் குறித்து ஆலோசிப்பீர்கள்.

கும்பம்: திட்டமிட்ட காரியங்களை வெற்றிகரமாக செய்து முடிப்பீர்கள். பிள்ளைகளை பொறுப்பாக வளர்க்க வேண்டும் என்று எண்ணுவீர்கள். உடல்நலம் திருப்திகரமாக இருக்கும்.

மீனம்: வீண் செலவுகளை தவிர்த்து சேமிக்கும் எண்ணம் வரும். பேச்சில் தன்னம்பிக்கை பிறக்கும். குடும்ப வருமானத்தை உயர்த்த ஆலோசனை செய்வீர்கள். திடீர் பயணம் ஏற்படலாம்.