இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

மேஷம்: குடும்பத்தாரின் ஆதரவு பெருகும். வீடு, மனை வாங்குவீர்கள். சொந்த ஊரில் செல்வாக்கு உயரும். பங்கு வர்த்தகம் மூலம் பணம் வரும். கலைப்பொருட்கள் வாங்குவீர்கள்.

ரிஷபம்: சாதுர்யமாக செயல்பட்டு காரியங்களை சாதிப்பீர்கள். மனக்குழப்பம் நீங்கி தெளிவான முடிவுகள் எடுப்பீர்கள். குடும்பத்தில் மகிழ்ச்சி தங்கும். பிள்ளைகளின் நட்பு வட்டம் விரியும்.

மிதுனம்: அனுபவ அறிவால் சிக்கலான பிரச்சினைகளுக்கு தீர்வு காண்பீர்கள். எதிர்பாராத பணவரவு உண்டு. பிரபலங்கள் வீட்டு விசேஷங்களில் கலந்து கொள்வீர்கள். திடீர் பயணம் ஏற்படும்.

கடகம்: சிறுசிறு அவமானம், வீண் விரையம் வந்து போகும். யாருக்காகவும் சாட்சி, ஜாமீன் கையெழுத்து போட வேண்டாம். அக்கம்பக்கத்து வீட்டாருடன் அளவாக பழகுங்கள்.

சிம்மம்: மனோபலம் அதிகரிக்கும். நண்பர்கள். உறவினர்கள் தக்க சமயத்தில் உதவுவார்கள். வீடு, வாகனத்தை சீர் செய்வீர்கள். எதிர்பார்த்த வேலைகள் தடையின்றி முடியும்.

கன்னி: எதிர்பார்ப்புகள் பூர்த்தியாகும். தன்னார்வத் தொண்டு நிறுவனங்களால் கவுரவிக்கப்படுவீர்கள். நாடி வந்தவர்களுக்கு உதவி செய்வீர்கள். வீடு பராமரிப்பை மேற்கொள்வீர்கள்.

துலாம்: சுபநிகழ்ச்சிகளில் குடும்பத்துடன் கலந்து கொள்வீர்கள். சொந்தபந்தங்கள் மத்தியில் மதிக்கப்படுவீர்கள். கவுரவப் பதவிகள் தேடி வரும். ஆன்மிகப் பெரியோரின் ஆசி கிட்டும்.

விருச்சிகம்: நிர்வாகத் திறன் கூடும். பணவரவு திருப்திகரமாக இருக்கும். குடும்பத்தினர் ஆதரவாக இருப்பார்கள். பிள்ளைகளின் அடிமனதில் இருக்கும் பயத்தை போக்குவீர்கள்.

தனுசு: வெளியூர் பயணங்கள் சிறப்பாக அமையும். நவீன சமையலறை சாதனங்கள் வாங்குவீர்கள். வேற்று மொழிக்காரர்கள் அறிமுகமாவார்கள். வாகனம் திடீர் செலவு வைக்கும்.

மகரம்: பேச்சில் கனிவு பிறக்கும். பிரபலங்களின் உதவியால் சில காரியங்களை முடிப்பீர்கள். கைமாற்றாக கொடுத்த பணத்தை வசூலிப்பீர்கள். குடும்பத்தில் மகிழ்ச்சியான சூழல் நிலவும்.

கும்பம்: நண்பர்களுடன் கருத்துவேறுபாடு வந்து நீங்கும். வெளியூர் பயணங்களால் அலைச்சல் இருந்தாலும் ஆதாயமும் உண்டு. அடுத்தவர் விவகாரங்களில் தலையிட வேண்டாம்.

மீனம்: வீண் சந்தேகம், மறைமுக எதிர்ப்பு வந்து நீங்கும். விலை உயர்ந்த ஆபரணங்களை இரவல் தர வேண்டாம். உணவு விஷயத்தில் கட்டுப்பாடு அவசியம். பால்ய நண்பரை சந்திப்பீர்கள்.