இந்த வார நட்சத்திரப் பலன்கள் - எந்தக் கிழமைகளில் என்னென்ன பலன்கள்? (ஜனவரி 6 முதல் 12 வரை) பூரட்டாதி, உத்திரட்டாதி, ரேவதி  

’சொல்வாக்கு ஜோதிடர்’ ஜெயம் சரவணன்

பூரட்டாதி -
அதிக நன்மைகள் ஏற்படும் வாரம் . ஆரோக்கியத்தில் இருந்த பிரச்சினைகள் குறையும். எடுத்துக்கொண்ட முயற்சிகள் முன்னேற்றம் உண்டாகும். அலுவலகத்தில் இயல்பான நிலையே இருக்கும். இடமாற்றம் வேண்டியவர்களுக்கு விருப்பம் நிறைவேறும்.
தொழிலில் நல்ல முன்னேற்றம், புதிய ஒப்பந்தங்கள் ஏற்படும். பெண்களின் ஆரோக்கியத்தில் முன்னேற்றம் ஏற்படும். குடும்பத்தினருடன் ஏற்பட்ட மனக்கசப்புகள் நீங்கும். கணவன் மனைவி ஒற்றுமை பலப்படும். பிள்ளைகளால் பெருமை கிடைக்கும்.
வியாபாரிகள் தங்கள் வியாபாரத்தில் அபரிமிதமான வளர்ச்சி காண்பார்கள். கலைஞர்களுக்கு புதிய வாய்ப்புகள் கிடைப்பது மட்டுமல்லாமல் எதிர்பாராத தொகை கிடைக்கவும் வாய்ப்பு உள்ளது.

இந்த வாரம் -

திங்கள் –
ஆலய தரிசனம் ஏற்படும். புண்ணிய காரியங்கள் செய்ய விரும்புவீர்கள். குலதெய்வ வழிபாடு செய்ய எண்ணம் உண்டாகும்.

செவ்வாய் -
கடன் பிரச்சினைகள் தீரும். எதிர்பார்த்த உதவிகள் கிடைக்கும். வியாபார விஷயங்கள் சாதகமாகவே இருக்கும். எதிர்பார்த்த பணம் கிடைக்கும். அலுவலகத்தில் வரவேண்டிய நிலுவைத் தொகை கிடைக்கும்.

புதன் -
உங்களுக்கு சம்பந்தமில்லாத பிரச்சினைகளில் தலையிட வேண்டாம். அடுத்தவர்கள் பிரச்சினைகளில் கருத்து எதுவும் சொல்ல வேண்டாம். சக ஊழியர்களைப் பற்றி மற்றவர்களுடன் விவாதிக்க வேண்டாம்.

வியாழன் -
நன்மைகள் அதிகமாக நடைபெறும் நாள். எதிர்பார்த்த அத்தனை உதவிகளும் கிடைக்கும். பணத்தேவைகள் பூர்த்தியாகும். வியாபாரத்தில் வளர்ச்சி உண்டாகும்.

வெள்ளி -
பயணங்களால் ஆதாயம் கிடைக்கும். வியாபார பேச்சுவார்த்தைகள் ஒப்பந்தங்களாக மாறும். பணத்தேவைகள் உடனுக்குடன் பூர்த்தியாகும். தொழில் தொடர்பான ஒப்பந்தங்கள் ஏற்படும். சுபகாரிய பேச்சு வார்த்தைகள் மனநிறைவைத் தரும்.

சனி-
குடும்பத்தின் தேவைகளை பூர்த்தி செய்து தருவீர்கள். அத்தியாவசியமான பொருட்களை வாங்குவீர்கள். பழுதடைந்த பொருட்களை மாற்றி புதிதாக வாங்குவீர்கள்.

ஞாயிறு -
எதிர்பார்த்த அனைத்து உதவிகளும் கிடைக்கும். பணம் பல வழிகளிலும் வரும். வியாபாரம் வளர்ச்சி அடையும். வியாபார ஒப்பந்தங்கள் நிறைவேறும். தொழில் தொடர்பான ஒப்பந்தங்கள் கிடைக்கும்.

வணங்கவேண்டிய தெய்வம் -
திருச்செந்தூர் முருகப் பெருமானை வணங்குங்கள். கந்தசஷ்டி கவசம் பாராயணம் செய்யுங்கள். நன்மைகள் அதிகமாகும். தேவைகள் பூர்த்தியாகும்.
************************

உத்திரட்டாதி -
கடந்த சில வாரங்களாக இருந்த பிரச்சினைகள் அனைத்தும் முடிவுக்கு வரும். எதிர்ப்புகள் குறையும். எதிரிகள் காணாமல் போவார்கள். பணியிடத்தில் தொல்லை தந்து கொண்டிருந்த சக ஊழியர் உங்களிடம் பணிந்து செல்வார் அல்லது அலுவலகத்தை விட்டு வெளியேறுவார். தொழில் தொடர்பான அனைத்து உதவிகளும் கிடைக்கும்.
தொழிலில் நல்ல முன்னேற்றம் ஏற்படும். புதிய ஒப்பந்தங்கள் கிடைக்கும். பெண்களின் தேவைகள் அனைத்தும் பூர்த்தியாகும்.சொந்த வீடு வாங்கும் கனவு நினைவாகும்.
குடும்பத்தில் உங்கள் மீது ஏற்பட்ட அவப்பெயர் நீங்கும். திருமணமாகாத பெண்களுக்கு திருமணம் உறுதியாகும். மாணவர்களுக்கு கல்வியில் நல்ல முன்னேற்றம் ஏற்படும். உயர்கல்வி பயிலும் மாணவர்கள் தேர்வுகளில் நல்ல தேர்ச்சி விகிதம் பெறுவார்கள்.

இந்த வாரம் -

திங்கள் -
எதிர்பாராத தன லாபம் உண்டாகும். வியாபாரம் வளர்ச்சி அடையும். இடம் பூமி சம்பந்தப்பட்ட வியாபாரப் பேச்சுவார்த்தைகள் சுமுகமாக முடிவடையும்.

செவ்வாய் -
அலைச்சல்கள் அதிகரிக்கும். தேவையற்ற செலவுகள் ஏற்படும். புண்ணிய காரியங்கள் செய்ய முற்படுவீர்கள். அலுவலகத்தில் சக ஊழியர்களுக்கு உதவி செய்வீர்கள்.

புதன் -
நெருக்கடி தந்த கலந்து பிரச்சினை ஒன்று முடிவுக்கு வரும். கடனில் குறிப்பிட்ட பகுதி தள்ளுபடி கிடைக்கும்.தொழில் தொடர்பான முதலீடுகள் கிடைக்கும்.

வியாழன் -
வாகன மாற்றச் சிந்தனை உண்டாகும். வீட்டிலும் தொழில் செய்யும் இடத்திலும் ஒரு சில இயந்திர செலவுகள் ஏற்படும்.

வெள்ளி -
வெளிநாடு செல்லும் முயற்சி முழு வெற்றி உண்டாகும். அதற்கு உண்டான நல்ல தகவல் இன்று கிடைக்கும். தொலைபேசி வழித் தகவல் மனதிற்கு உற்சாகத்தைத் தரும். வியாபாரப் பேச்சுவார்த்தைகள் சாதகமாக இருக்கும். எதிர்பார்த்த பணவரவு கிடைக்கும்.

சனி-
அதிக நன்மைகள் நடைபெறும். பண வரவு தாராளமாக இருக்கும். வியாபாரத்தில் வளர்ச்சி உண்டாகும். குழந்தைகளின் கல்விக்காக புதிய பயிற்சி வகுப்புகளில் சேர்த்து விடுவீர்கள்.

ஞாயிறு -
சுபகாரிய பேச்சு வார்த்தைகள் சுமூகமாக முடிவடையும். நண்பர்களாலும் உறவினர்களாலும் ஆதாயம் ஏற்படும். பணவரவு எதிர்பார்த்த படியே இருக்கும்.

வணங்கவேண்டிய தெய்வம் -
சென்னை ஸ்ரீ காளிகாம்பாள் அம்மனை வணங்குங்கள். அல்லது அன்னையின் படத்தை வைத்து வழிபடுங்கள். நன்மைகள் அதிகமாகும். மனக் குறைகள் நீங்கும்.
********************************************

ரேவதி -
கடுமையான மன உளைச்சல்களில் இருந்து வெளிவருவீர்கள். ஆரோக்கியத்தில் முன்னேற்றம் ஏற்படும். மருத்துவச் செலவுகள் குறையும். அலுவலகத்தில் இருந்த நெருக்கடிகள் முடிவுக்கு வரும். எதிர்பார்த்த பதவி உயர்வு கிடைக்கும்.
தொழில் தொடர்பான அனைத்து உதவிகளும் கிடைக்கும். புதிய ஒப்பந்தங்கள் கிடைக்கப் பெறுவீர்கள். தொழில் வளர்ச்சிக்காக எதிர்பார்த்த வங்கிக் கடன் உதவி கிடைக்கும். பெண்களின் ஆரோக்கியத்தில் நல்ல முன்னேற்றம் ஏற்படும்.
குடும்பத்தில் ஏற்பட்டிருந்த மனக்கசப்புகள் நீங்கும். குழந்தைகளின் கல்வி தொடர்பான வளர்ச்சியில் பெருமை கொள்வீர்கள். வியாபாரிகள் தங்கள் வியாபாரத்தில் நல்ல வளர்ச்சி காண்பது மட்டுமல்லாமல் புதிய கிளைகளையும் ஆரம்பிப்பார்கள்.
கலைஞர்களுக்கு எதிர்பாராத அளவுக்கு ஒப்பந்தங்கள் கிடைக்கும். புதிய சொத்துக்கள் வாங்கும் யோகம் உண்டு.

இந்த வாரம் -

திங்கள் -
பயணங்கள் ஏற்படும். அலைச்சல் அதிகரிக்கும். உடலில் அசதி, சோர்வு ஏற்படும். தலைவலி தலைபாரம் போன்ற பிரச்சினைகள் வரும்.

செவ்வாய் -
சொத்துக்கள் விற்பனை சம்பந்தமான விஷயங்கள் சாதகமாக இருக்கும். வியாபாரத்தில் வளர்ச்சி ஏற்படும். எதிர்பார்த்த பணம் கிடைக்கும். அலுவலகத்தில் எதிர்பார்த்த சலுகைகள் கிடைக்கும்.

புதன் -
குலதெய்வக் கோயிலுக்குச் சென்று வருவீர்கள். அல்லது அதற்கான முயற்சியில் ஈடுபடுவீர்கள். குடும்பச் செலவுகள் அதிகமாக இருக்கும். அத்தியாவசிய பொருட்கள் வாங்க வேண்டிய நிர்ப்பந்தம் உண்டாகும்.

வியாழன் -
வங்கியில் எதிர்பார்த்த கடன் உதவி கிடைக்கும். நெருக்கடி தந்து கொண்டிருந்த முக்கியமான பிரச்சினை ஒன்று முடிவுக்கு வரும். பெண்களுக்கு தந்தைவழி உறவுகளால் ஆதாயம் கிடைக்கும். வியாபாரிகள் வியாபாரத்தில் லாபம் அதிகம் கிடைக்க பெறுவார்கள்.

வெள்ளி -
சுபச்செலவுகள் ஏற்படும். அலுவலக விஷயமாக பயணங்கள் ஏற்படும். தொழில் தொடர்பான ஒப்பந்தங்கள் ஏற்படுவதில் தாமதம் ஏற்படும்.

சனி-
எதிர்பார்த்த உதவிகள் மட்டுமல்லாமல் எதிர்பாராத உதவிகளும் கிடைக்கும். பணவரவு தாராளமாக இருக்கும். வியாபார பேச்சுவார்த்தைகள் முன்னேற்றம் ஏற்படும்.புதிய ஒப்பந்தங்கள் கிடைக்கப் பெறுவீர்கள்.

ஞாயிறு -
அயல்நாட்டில் இருந்து நல்ல தகவல் கிடைக்கும். தூரத்து உறவினர் ஒருவரால் ஆதாயம் உண்டாகும். சகோதரர்கள் சொத்துப் பிரச்சினையில் உங்களுக்கு இணக்கமாக வருவார்கள். திருமணம் உள்ளிட்ட சுப காரிய பேச்சுவார்த்தைகள் முடிவுக்கு வரும்.

வணங்கவேண்டிய தெய்வம் -
மதுரை மீனாட்சி அம்மனை வழிபடுங்கள். மனம் தெளிவாகும்.
மனநிறைவான விஷயங்கள் நடக்கும்.
****************************************************************