இந்தவாரம் இப்படித்தான் - நட்சத்திரப் பலன்கள் - எந்தக் கிழமைகளில் என்னென்ன பலன்கள்?   -  (நவம்பர் 25 முதல் டிசம்பர் 1 வரை) திருவாதிரை முதல் மகம் வரை

ஜோதிடர் ஜெயம் சரவணன்

திருவாதிரை -
ஒரு சில முக்கியமான பிரச்சினைகள் முடிவுக்கு வரும். இதுவரை தலைவலியாக இருந்த பிரச்சினைகள் அனைத்தும் இப்பொழுது தீரும். பணத்தேவைகள் உடனுக்குடன் பூர்த்தியாகும். எதிர்பார்த்த கடன் கிடைக்கும். வேலை மாற்றம் ஏற்படும். குடும்பத்திலிருந்த பிரச்சினைகள் அனைத்தும் தீரும். முக்கியமான கடன் ஒன்று இந்த வாரம் முடிக்கப்படும்.
உத்தியோகம் -
வேலையில் எதிர்பார்த்த இடமாற்றம் கிடைக்கும். ஊதிய உயர்வும் ஏற்படும். வேறு நிறுவனங்களுக்கு மாறும் முயற்சி வெற்றி ஆகும். இந்த வாரம் நேர்முகத் தேர்வுக்காக செல்வீர்கள், அதில் வெற்றி கிடைக்கும். அலுவலகத்தில் சக ஊழியர்களின் ஒத்துழைப்பு கிடைக்கும். கொடுத்த வேலைகள் அனைத்தும் குறிப்பிட்ட நேரத்திற்குள் செய்து முடித்து நல்ல பெயர் வாங்குவீர்கள். சேவை சார்ந்த வேலை செய்பவர்கள் உழைப்புக்கேற்ற ஊதியம் கிடைக்கப்பெறுவார்கள். தொழிற்சாலையில் பணிபுரிபவர்களுக்கு ஊதிய உயர்வு கிடைக்கும். எதிர்கால வைப்புநிதியில் இருந்து கடன் பெறுவீர்கள்.
தொழில் -
தொழிலில் நல்ல வளர்ச்சி ஏற்படும். உதவிகள் கிடைக்கும். எதிர்பார்த்த கடன் இந்த வாரம் கண்டிப்பாக கிடைக்கும். தொழிலை விரிவுபடுத்துவதற்கான முயற்சிகளில் இறங்கி வெற்றி காண்பீர்கள். புதிதாக தொழில் தொடங்கும் தொழில் முனைவோர்களுக்கு ஆதரவுக்கரம் நீட்டுவார்கள். உதவிகள் கிடைக்கும். வெளிநாட்டிலிருந்து முதலீடுகள் செய்ய முன்வருவார்கள். பங்கு வர்த்தகத் துறையில் இருப்பவர்களுக்கு அபரிமிதமான முன்னேற்றம் ஏற்படும். இதுவரையில் இருந்த நஷ்டங்கள் இனி இருக்காது. வியாபாரிகள் நல்ல வளர்ச்சியைக் காண்பார்கள். புதிய கிளைகளைத் தொடங்கும் எண்ணமும் ஈடேறும்.
பெண்களுக்கு -
திருமணமாகாத பெண்களுக்கு திருமணம் உறுதியாகும். இதுவரை புத்திர பாக்கியம் இல்லாத பெண்களுக்கு புத்திர பாக்கியம் உண்டாகும். பருவ வயதில் இருக்கும் பெண்கள் பருவம் எய்துவார்கள். வேலைக்குச் செல்லும் பெண்களுக்கு பதவி உயர்வு, ஊதிய உயர்வு கிடைக்கும்.
மாணவர்களுக்கு -
கல்வியில் ஆசிரியரின் உதவி கிடைக்கும். பயிற்சி வகுப்புகளில் சேர்வீர்கள். வெளிநாடு சென்று கல்வி பயிலும் முயற்சி வெற்றியாகும்.
கலைஞர்களுக்கு -
பலவித ஒப்பந்தங்கள் கிடைக்கும். எதிர்பாராத ஒரு பெரிய இடத்தில் இருந்து ஒரு நல்ல வாய்ப்பு கிடைக்கும், அது உங்களுக்கு ஆச்சரியத்தை ஏற்படுத்தும். பணவரவு தாராளமாக உண்டு. சொத்துக்கள் வாங்கும் யோகமும் உண்டு.
பொதுபலன் -
தேவைகள் அனைத்தும் உடனுக்குடன் பூர்த்தியாகும். பணவரவு திருப்திகரமாக இருக்கும். ஆரோக்கியத்தில் இருந்த சில உபாதைகள் இப்போது முடிவுக்கு வரும். மருத்துவச் செலவுகள் குறையும். தந்தைவழி உறவுகளால் ஆதாயம் ஏற்படும். பூர்வீகச் சொத்து சம்பந்தமான விஷயங்கள் சுமூகமாகத் தீரும். பாகப்பிரிவினைகள் உங்களுக்கு சாதகமாக இருக்கும்.

இந்த வாரம் -
திங்கள் - வேலை சம்பந்தமாக வெளியூர் செல்ல வேண்டியது வரும். எடுத்துக்கொண்ட வேலைகள் அனைத்தும் வெற்றிகரமாக செய்து முடிப்பீர்கள். பணவரவு திருப்திகரமாக இருக்கிறது. குடும்பத்தினரின் தேவைகளை பூர்த்தி செய்து கொடுப்பீர்கள்.
செவ்வாய் - வருமானம் இருமடங்காகும். எடுத்துக்கொண்ட வேலைகள் அனைத்தும் வெற்றியை தரும். முயற்சி எடுக்காத விஷயங்கள் கூட இப்பொழுது தானாக முடியும். நீண்ட நாளாக பேசி வந்த ஒரு பிரச்சனை இன்று பேசி முடிவு எடுக்கப்படும்.
புதன் - அலைச்சல்கள் அதிகரிக்கும். வாகன செலவு ஏற்படும். தேவையில்லாத விஷயத்திற்காக நீங்கள் செலவு செய்ய வேண்டியது வரும். கோபத்தை கட்டுப்படுத்த வேண்டும்.
வியாழன் - சொந்த வீடு வாங்கும் கனவு நிறைவேறும். நல்ல வீடு ஒன்று அமையும். தாய்வழி உறவுகளால் உதவிகள் கிடைக்கும். இல்லத்தில் சுப விசேஷங்களுக்கான பேச்சுவார்த்தைகள் நடக்கும்.
வெள்ளி -நண்பர்களுக்கும், உறவினர்களுக்கும் ஒரு சில வேலைகளை செய்து கொடுப்பீர்கள். தர்ம காரியம் ஒன்று செய்வீர்கள். ஆலய வழிபாடு ஏற்படும்.
சனி- ஒரு சில ஒப்பந்தங்கள் கிடைக்கும், தன வரவு திருப்திகரமாக இருக்கும். எடுத்துக்கொண்ட முயற்சிகள் அனைத்தும் வெற்றியாகும். ஒரு பெரிய கடனில் ஒரு பகுதியை அடைப்பீர்கள்.
ஞாயிறு - அலைச்சல்கள் அதிகமாகும். ஒருசில ஏமாற்றங்களையும் சந்திக்க வேண்டியது வரும். எதிலும் அவசரம் காட்ட வேண்டாம். ஒப்பந்தங்கள் எதுவும் போட வேண்டாம். பயணங்களைத் தவிர்க்க வேண்டும்.
வணங்கவேண்டிய தெய்வம் -
சனிபகவானுக்கு நல்லெண்ணெய் தீபம் ஏற்றி வழிபடுங்கள். நன்மைகள் அதிகமாகும். தேவைகள் பூர்த்தி ஆகும். முயற்சிகள் வெற்றியைத் தரும்.
****************************************************************
புனர்பூசம் -
சிறப்பான பலன்கள் நடைபெறும் வாரம் . எடுத்துக்கொண்ட முயற்சிகள் அனைத்தும் வெற்றியைத் தரும். பணவரவில் எந்த தடையும் இருக்காது. எதிர்பார்த்த விஷயங்கள் அனைத்தும் உங்களுக்கு சாதகமாக முடியும். வெளிநாடு செல்லும் முயற்சிகள் வெற்றியாகும். வெளிநாட்டில் வசிப்பவர்கள் குடியுரிமை சம்பந்தமான பிரச்சினைகள் தீர்ந்து, குடியுரிமை பெறுவதற்கான வாய்ப்புகள் இருக்கின்றன. திருமண முயற்சிகள் கைகூடும். சொத்து சம்பந்தமான பிரச்சினைகள் சுமூகமாக தீரும். நண்பர்களால் ஒருசில ஆதாயம் கிடைக்கப் பெறுவீர்கள்.
உத்தியோகம் -
வேலையில் எதிர்பார்த்த இடமாற்றங்கள் கிடைக்கும். ஊதிய உயர்வு உண்டு. வேறு நிறுவனங்களுக்கு மாறும் முயற்சிகள் வெற்றியாகும். வெளிநாடு சென்று வேலை பார்க்க விரும்புபவர்களுக்கு இப்பொழுது வெளிநாடு செல்லும் யோகம் ஏற்படும். அயல் நாட்டில் வேலை செய்பவர்களுக்கு பணி நீட்டிப்பு கிடைக்கும். அரசு ஊழியராக இருந்தால் பதவி உயர்வு, மற்றும் கூடுதல் பொறுப்புகள் போன்றவை கிடைக்கும்.
சக ஊழியர்கள் உங்களுக்கு உதவுவார்கள். உங்கள் கருத்துக்களும், உங்களுடைய செயல்பாடுகளும் மற்றவர்களால் அங்கீகரிக்கப்படும். சேவை சார்ந்த வேலை செய்பவர்கள் அதிக வேலை வாய்ப்புகளைப் பெறுவார்கள். வருமானம் இரு மடங்காக இருக்கும். விற்பனைப் பிரதிநிதிகளாக இருப்பவர்களுக்கு இருமடங்கு இலக்குகளை எட்டுவார்கள். ஊக்கத்தொகையாக பெரிய தொகை பெறுவார்கள்.
தொழில் -

தொழிலில் நல்ல வளர்ச்சி உண்டு. எதிர்பாராத அளவுக்கு பெரிய ஒப்பந்தங்கள் கிடைக்கும். ஏற்றுமதி இறக்குமதி தொழிலில் இருப்பவர்களுக்கு அதிக லாபம் தரக்கூடிய ஒப்பந்தங்கள் கிடைக்கும். தங்கள் தொழிலை விரிவுபடுத்தும் விதமாக கிளை நிறுவனங்களை ஆரம்பிப்பார்கள். தொழிலுக்காக நவீன இயந்திரங்களை வாங்குவார்கள். வியாபாரிகள் நல்ல வளர்ச்சி காண்பார்கள். தங்கள் கடையை விரிவுபடுத்துவார்கள். பங்கு வர்த்தகத் துறையில் இருப்பவர்களுக்கு அபரிமிதமான வளர்ச்சி உண்டு. முதலீடுகள் எதிர்பாராத அளவுக்கு லாபம் தரும். ஒரு சிலர் வெளிநாட்டு நிறுவனங்களோடு இணைந்து தொழில் தொடங்கும் வாய்ப்பு இருக்கிறது.
பெண்களுக்கு -

சொந்த வீடு கனவு இப்பொழுது நனவாகும். எடுத்துக்கொண்ட முயற்சிகள் அனைத்திலும் வெற்றி பெறுவீர்கள். குடும்பத்தில் இருக்கக்கூடிய அத்தனை பிரச்சினைகளும் தீரும். திருமணமாகாத பெண்களுக்கு திருமணம் நிச்சயமாகும். கணவன்-மனைவி ஒற்றுமை மேலோங்கும். ஒரு சிலர் தங்கள் நண்பர்களோடு சேர்ந்து புதிய வியாபாரம் அல்லது தொழில் தொடங்க முயற்சி எடுப்பீர்கள், அந்த முயற்சி வெற்றி தரும்.
மாணவர்களுக்கு -

மாணவர்களுக்கு கல்வியில் எதிர்பார்த்த முன்னேற்றம் கிடைக்கும். புதிய பாடங்களைக் கற்கும் ஆர்வம் ஏற்படும். தேர்வுகளில் நல்ல மதிப்பெண்கள் கிடைக்கும்.
கலைஞர்களுக்கு -

நல்ல வாய்ப்புகள் கிடைக்கும். எதிர்பாராத அளவுக்கு உதவிகள் கிடைக்கும். வெளிநாடு செல்லும் யோகமும் உண்டு, வெளிநாடுகளில் கலைநிகழ்ச்சிகளில் கலந்து கொள்வீர்கள். நல்ல ஆதாயம் கிடைக்கப் பெறுவீர்கள்.
பொதுப்பலன் -

நல்ல வாய்ப்புகள் கிடைக்கும். அதை சரியாக பயன்படுத்திக் கொள்ள வேண்டும். சொத்துக்கள் வாங்குவது, சொத்துக்களில் முதலீடு செய்வது போன்றவை இப்போது செய்யலாம். சொந்த வீடு கனவு நனவாகும். குழந்தைகளுக்கு எதிர்காலத் தேவைகளைக் கருதி சேமிப்புகள், முதலீடுகள் செய்வீர்கள். ஒரு சிலர் நண்பர்களோடு சேர்ந்து கூட்டுத் தொழில் செய்ய முயற்சி எடுப்பீர்கள். அந்த முயற்சி நன்றாகவே இருக்கும். சுய ஜாதகத்தில் கூட்டுத் தொழில் யோகம் இருந்தால் தாராளமாக செய்யலாம் .
இந்த வாரம் -
திங்கள் - பயணங்களால் ஆதாயம் கிடைக்கப் பெறுவீர்கள். ஒரு சில நல்ல முடிவுகளை எடுத்து அதை செயல்படுத்துவீர்கள். எடுத்த காரியத்தை வெற்றிகரமாக முடிப்பீர்கள்.
செவ்வாய் - திட்டமிட்ட காரியங்களும் நடைபெறும். திட்டமிடாத காரியங்களும் இன்று வெற்றிகரமாக முடியும். ஆதாயம் பெருகும். பணவரவு தாராளமாக இருக்கும். வியாபாரப் பேச்சு வார்த்தைகள் வெற்றிகரமாக முடியும்.
புதன் - மதியம் வரை தேவையற்ற அலைச்சல்கள் உண்டாகும். செலவுகள் இருக்கும். ஒரு சிலர் உங்களை கோபப்படுத்தி பார்ப்பார்கள். மதியத்திற்கு மேல் சிறப்பாக இருக்கும். செயல்களில் வெற்றி கிடைக்கும், பணவரவு எதிர்பார்த்த மாதிரியே கிடைக்கும்.
வியாழன் - வியாபார பேச்சுவார்த்தையில் வெற்றியாகும். சில முக்கியமான முடிவுகளை எடுத்து செயல்படுத்துவீர்கள். குடும்பத்தினர் தேவைகளுக்காக செலவு செய்வீர்கள். தாய்வழி உறவினர்,மாமன் வகை உறவுகள் உங்களுக்கு உதவுவார்கள்.
வெள்ளி - செலவுகள் அதிகமாக இருக்கும். வீட்டு பராமரிப்புச் செலவுகள், வாகனப் பராமரிப்புச் செலவுகள் என செலவுகளைக் கட்டுப்படுத்த முடியாது. சந்திக்க வேண்டி நபரை குறிப்பிட்ட நேரத்தில் சந்திக்க முடியாமல் தள்ளிப் போகலாம்.
சனி -பயணங்களால் ஆதாயம் ஏற்படும். வெளியூர் அல்லது வெளிநாட்டிலிருந்து நல்ல தகவல்கள் கிடைக்கும். லாபம் இரட்டிப்பாக இருக்கும்.
ஞாயிறு - குடும்பத்தினருக்காகவும் நண்பர்களுக்காகவும் செலவு செய்வீர்கள். அலைச்சல் அதிகமாக இருக்கும். உடல் சோர்வு உண்டாகும்.
வணங்கவேண்டிய தெய்வம் -

காவல் தெய்வங்களாக இருக்கும் அய்யனார், முனீஸ்வரர் போன்ற தெய்வங்களை வணங்குங்கள். தேவைகள் பூர்த்தியாகும். லாபம் அதிகரிக்கும், எதிர்ப்புகள் இல்லாமல் போகும்.
************************************************
பூசம் -
அற்புதமான பலன்கள் நடைபெறும் வாரம் . நல்ல நேரம், நல்ல காலம் என்பது ஒரு மனிதருக்கு ஒரு குறுகிய காலமாகத் தான் அமையும். அது இப்போது உங்களுக்கு அமைந்திருக்கிறது, இந்த காலகட்டத்தை சரியாக பயன்படுத்திக் கொண்டால் ஆயுளுக்கும் பொருளாதார பிரச்சினைகள் எதுவும் வராது, எனவே இந்த காலகட்டத்தில் சரியாக பயன்படுத்தி வாழ்க்கையில் ஸ்திரத்தன்மையை உருவாக்கிக் கொள்ளுங்கள். இந்த வாரம் பல சாதனைகளை செய்வீர்கள், உங்கள் தேவைகள் பூர்த்தி ஆகும். பண வரவு சிறப்பாக இருக்கும்.

உத்தியோகம் -

பணியிடத்தில் சிறப்பான நிலையே இருக்கிறது. பதவி உயர்வு முதல் பல சலுகைகள் உங்களுக்கு கிடைக்கும். சுய ஜாதகம் பலமாக இருந்தால் இரட்டை பதவி உயர்வு கூட கிடைக்கலாம். எந்த வேலை செய்பவர்களாக இருந்தாலும் இந்த வாரம் சிறப்பான வாரமாக அமையும். வெளிநாட்டில் வேலை தேடுபவர்களுக்கு அதிக சிரமம் இல்லாமல் வேலை கிடைக்கும். வெளிநாடுகளில் பணிபுரிந்து வருபவராக இருந்தால் பணி நிரந்தரம் ஆகும். ஒரு சிலருக்கு நிறுவனத்தில் தலைமைப் பதவிவரை கிடைப்பதற்கும் வாய்ப்பு இருக்கிறது.

தொழில் - தொழில் நல்ல வளர்ச்சியை நோக்கிச் செல்லும். உற்பத்தியாகும் பொருட்கள் உடனுக்குடன் விற்பனையாகும். வருமானம் அதிகரிக்கும். தொழிலை விரிவுபடுத்துவீர்கள், உங்கள் தொழிலோடு இணைந்து ஒரு புதிய தொழில் தொடங்குவீர்கள். எதிர்பார்த்த உதவிகள் கிடைக்கும். வங்கிக் கடன் எளிதாகக் கிடைக்கும். அரசு வழியில் ஆதாயம் மட்டுமல்லாமல் சலுகைகளும் கிடைக்கும். பங்கு வர்த்தகத் துறையில் இருப்பவர்களுக்கு அபரிமிதமான வளர்ச்சி ஏற்படும். வியாபார நிறுவனங்களை நடத்தி வருபவர்களுக்கு தங்கள் வியாபார இடங்களை விரிவுபடுத்துவீர்கள். மேலும் ஆட்களை பணிக்கு அமர்த்தி தொழிலை விரிவுபடுத்துவீர்கள். வாடகை இடத்தில் தொழில் செய்து கொண்டிருந்தவர்களுக்கு இப்போது அந்த இடத்தையே சொந்தமாக்கிக் கொள்ளவும் வாய்ப்பு உண்டு. உங்கள் தொழிலில் முதலீடு செய்ய பலர் முன்வருவார்கள், வெளிநாடுகளிலிருந்து ஒப்பந்தங்கள் கிடைப்பது, முதலீடுகள் கிடைப்பது போன்றவை நடக்கும்.

பெண்களுக்கு - உங்களின் அனைத்துத் தேவைகளும் பூர்த்தியாகும். திருமணமாகாத பெண்களுக்கு திருமணம் நடக்கும். இதுவரை புத்திரபாக்கியம் இல்லாதவர்களுக்கு புத்திரபாக்கியம் உருவாகும். வேலை இல்லாதவர்களுக்கு வேலை கிடைக்கும். சொந்தவீடு இல்லாதவர்களுக்கு சொந்த வீடு கிடைக்கும். ஆடை ஆபரணச் சேர்க்கை ஏற்படும். சொத்துக்கள் சேரும். குடும்ப உறவுகள் பலப்படும்.

மாணவர்களுக்கு - கல்வியில் அபரிமிதமான வளர்ச்சி உண்டு. தேர்வுகளில் முதலிடத்தை பிடிப் பீர்கள். வெளிநாட்டுக் கல்வி முயற்சி வெற்றி ஆகும். கல்விக்கடன் முதல், அனைத்து உதவிகளும் கிடைக்கும்.
கலைஞர்களுக்கு - நல்ல வாய்ப்புகள் உங்களைத் தேடி வரும். சரியாக பயன்படுத்திக் கொண்டால் கலை உலகத்தில் நிரந்தர இடம் கிடைக்கும்.
பொதுப்பலன் -

ஆரோக்கிய பிரச்சினைகள் எதுவும் இருக்காது. வழக்குகள் எதுவாக இருந்தாலும் உங்களுக்கு சாதகமாகும். எதிரிகள் எதிர்ப்புகள் காணாமல் போகும். சொந்த வீடு கனவு முதல், திருமணம், குழந்தை பாக்கியம் என அனைத்து பாக்கியங்களும் கிடைக்கும். ஒரு சிலர் உத்தியோகத்தை விட்டுவிட்டு சொந்தத் தொழில் செய்ய முற்படுவார்கள். அதுவும் வெற்றியாகும் பணத்தேவைகள் உடனுக்குடன் பூர்த்தியாகும்.

இந்த வாரம் -
திங்கள் - வெளிநாடு செல்லும் முயற்சிகள் வெற்றியாகும். வெளிநாட்டிலிருந்து நல்ல தகவல் கிடைக்கும். நண்பர்களால் ஆதாயம் ஏற்படும். பயணங்களால் லாபம் உண்டு. எடுத்த வேலைகள் அனைத்தும் வெற்றிகரமாக முடிப்பீர்கள்.
செவ்வாய் - சொத்து சம்பந்தமான பிரச்சினைகள் முடிவுக்கு வந்து தீர்வு ஏற்படும். பண வரவு உண்டு. குடும்பத்திற்காக செலவு செய்வதும், குடும்பத்தோடு பயணம் ஒன்றையும் மேற்கொள்வீர்கள்.
புதன் - வேலை விஷயமாக வெளியூர் செல்ல வேண்டியது வரும். குடும்ப விஷயமாக ஒரு நல்ல முடிவை எடுப்பீர்கள். சொந்த வீடு வாங்கும் எண்ணம் தோன்றும்.
வியாழன் - திட்டமிட்ட காரியங்கள் அனைத்தும் திட்டமிட்டபடி நடக்கும். பணவரவு தாராளமாக இருக்கும். எதிர்பார்த்த வங்கிக் கடன் கிடைக்கும். நீண்ட நாளாக வராமலிருந்த பணம் இப்பொழுது வசூலாகும். திருமண முயற்சிகள் முடிவாகும். குடும்பத்தில் சுப விசேஷங்களுக்கான வாய்ப்பு ஏற்படும்.
வெள்ளி - அலைச்சல் அதிகரிக்கும். தேவையில்லாமல் கோபப்படுவீர்கள். ஆன்மிகப் பயணம் செல்வீர்கள். ஆலய வழிபாடு ஏற்படும்.
சனி- அரசு சார்ந்த சில விஷயங்களில் கவனத்தை செலுத்துவீர்கள். அதுதொடர்பான ஒரு சில பிரச்சினைகளை முடிவுக்குக் கொண்டு வருவீர்கள். ஆதாயம் ஏற்படும் ஒரு வியாபார ஒப்பந்தம் ஏற்படும். எதிர் பார்த்த பணம் கிடைக்கும்.
ஞாயிறு - நண்பர்களுக்கு அல்லது உறவினர்களுக்கு ஒரு உதவி செய்து கொடுப்பீர்கள். தர்ம காரியங்களில் ஈடுபடுவீர்கள்.
வணங்கவேண்டிய தெய்வம் - அருகில் இருக்கும் ஆலயத்தில் நவகிரகத்தில் இருக்கும் குருபகவானுக்கு, அல்லது பிரகாரத்தில் இருக்கும் தட்சிணாமூர்த்தி குருபகவானுக்கு, கொண்டை கடலை நிவேத்தியம் செய்து, வருபவர்களுக்கு தானமாக தாருங்கள், ஏழை குழந்தைகளுக்கு நோட்டு புத்தகம் உள்ளிட்ட எழுது பொருட்களை தானம் தாருங்கள். நன்மைகள் அதிகமாகும். உங்கள் எண்ணங்கள் ஈடேறும்.
**********************************************************************

ஆயில்யம் -
நல்ல வாய்ப்புகள் தானாக தேடி வரும்.பணத்தேவைகள் உடனுக்குடன் பூர்த்தியாகும். எடுத்துக்கொண்ட வேலைகள் அனைத்தும் வெற்றிகரமாக முடிப்பீர்கள். சோம்பலை விட்டுவிட்டால் இந்த வாரம் சிறப்பான பலன்களைப் பெறுவீர்கள். சொந்த வீடு வாங்கும் முயற்சி வெற்றி ஆகும். நல்ல வேலை கிடைக்கவில்லையே என்று ஏங்கியவர்களுக்கு, இந்த வாரம் நல்ல வேலைவாய்ப்புகள் கிடைக்கும். சொத்து சம்பந்தமான பிரச்சினைகள் சுமூகமாக தீரும்.

உத்தியோகம் -
பணியிடத்தில் பெரிய பிரச்சினைகள் ஏதும் இல்லை. சுமூகமான நிலையை இருக்கிறது. வேலை மாற்றம் விரும்புபவர்கள் இந்த வாரம் அந்த முயற்சி எடுக்கலாம். வெளிநாட்டு வேலைவாய்ப்பும் கிடைக்கும். ஊழியர்கள் ஒருவருக்கொருவர் பரஸ்பரம் உதவி செய்து கொள்வீர்கள். உயர் அதிகாரிகளின் பாராட்டுகள் கிடைக்கும். சேவை சார்ந்த வேலை செய்பவர்கள் நல்ல வளர்ச்சியைக் காண்பார்கள். கடைகள், வணிக நிறுவனங்கள் பணிபுரிபவர்களுக்கு பதவி உயர்வு, ஊதிய உயர்வு கிடைக்கலாம். தொழிற்சாலைகளை பணிபுரிபவர்களுக்கு ஊதிய உயர்வு உள்ளிட்ட சலுகைகள் கிடைக்கும்.

தொழில் -
தொழில் வளர்ச்சிப் பாதையில்தான் இருக்கிறது. மேலும் பல உதவிகள் கிடைக்கும். அரசு வழியிலிருந்து சலுகைகள், மானியங்கள் கிடைக்கும். வழக்குகள் ஏதும் இருந்தால் உங்களுக்கு சாதகமான தீர்ப்பு வரும். தொழிலை விரிவுபடுத்த முயற்சி செய்வீர்கள். அந்த முயற்சி வெற்றியாகும். புதிதாக தொழில் தொடங்குபவர்கள் இந்த வாரம் அந்த முயற்சியில் வெற்றி காண்பார்கள். பங்கு வர்த்தகத் துறையில் எதிர்பார்த்த லாபம் கிடைக்கும். வியாபாரிகள் புதிய கிளைகள் துவங்குவது, வியாபாரத்தை விரிவுபடுத்துவது போன்ற முயற்சிகளில் வெற்றி காண்பார்கள். ஏற்றுமதி-இறக்குமதி தொழிலில் உள்ளவர்களுக்கு வெளிநாட்டு நிறுவனத்தோடு இணைந்து தொழில் செய்ய ஒப்பந்தம் ஏற்படும்.

பெண்களுக்கு - திருமணம் ஆகாத பெண்களுக்கு திருமணம் நிச்சயமாகும். குழந்தை பாக்கியம் இல்லாத பெண்களுக்கு குழந்தை பாக்கியம் உண்டாகும். சுயதொழில் செய்யும் பெண்களுக்கு பலவிதமான உதவிகள் கிடைக்கும்,. குடும்பத்தார் உதவுவார்கள். கடன் பிரச்சினைகளில் இருந்து முற்றிலுமாக வெளியே வருவீர்கள்.

மாணவர்களுக்கு -

கல்வியில் நல்ல முன்னேற்றம் உண்டு. புதிய பயிற்சி வகுப்புகளில் சேருவீர்கள். புதிய மொழி கற்கும் ஆர்வம் ஏற்படும்,

கலைஞர்களுக்கு -

வருகின்ற வாய்ப்புகள் அனைத்துமே உங்களுக்கு நன்மையை ஏற்படுத்தித் தரும். பணவரவு திருப்திகரமாக இருக்கும். ஒப்பந்தங்கள் உண்டாகும். வெளிநாடுகளில் உங்கள் துறை சார்ந்த நிகழ்ச்சிகள் நடத்த வாய்ப்புகள் கிடைக்கும். சொத்து சேர்க்கை உள்ளிட்ட நல்ல விஷயங்கள் நடக்கும்.

பொதுப்பலன்கள் -
பிள்ளைகளின் எதிர்காலம் கருதி முதலீடுகள் செய்வீர்கள். உங்கள் சகோதரர் அல்லது சகோதரிகளுக்கு திருமணம் நடக்கும். சொந்த வீடு இல்லாதவர்கள் இப்பொழுது சொந்த வீடு வாங்குவார்கள். வெளிநாடு செல்லும் முயற்சிகளில் முழு வெற்றியைத் தரும். ஆரோக்கிய குறைபாடுகள் நீங்கும். பணவரவு திருப்திகரமாக இருக்கும்.

இந்த வாரம் -
திங்கள் - மதியத்திற்கு மேல் எடுத்துக் கொண்ட முயற்சிகள் அனைத்தும் வெற்றி கிடைக்கும். பணவரவு திருப்திகரமாக இருக்கும். சொத்து சம்பந்தமான விஷயங்கள் சாதகமாக இருக்கும்.
செவ்வாய் - வெளிநாடு செல்லும் முயற்சி வெற்றியாகும். வெளிநாட்டிலிருந்து நல்ல தகவல் கிடைக்கும். சிறு தூரப் பயணம் ஒன்று ஏற்படும். அதிக ஆதாயம் கிடைக்கும். பேச்சுவார்த்தைகள் நல்ல முடிவு ஏற்படும்.
புதன் - சுபச்செலவுகள் ஏற்படும். குடும்பத்தினருக்காக செலவு செய்து மகிழ்வீர்கள். வீட்டுக்குத் தேவையான அத்தியாவசிய பொருட்களை வாங்குவீர்கள். வெளிநாட்டிலிருந்து நண்பர் ஒருவரால் ஆதாயம் ஏற்படும்.
வியாழன் - உங்களுக்கோ அல்லது உங்கள் குடும்பத்தில் உள்ள ஒருவருக்கோ திருமணம் போன்ற சுபகாரிய பேச்சு வார்த்தைகள் நடக்கும். சொத்து சம்பந்தமான விஷயங்கள் நல்ல முடிவுக்கு வரும். எதிர்பார்த்த ஒரு சில ஒப்பந்தங்கள் இன்று கையெழுத்தாகும்.
வெள்ளி - பணவரவு தாராளமாக இருக்கும். எடுத்த முயற்சிகள் அனைத்திலும் வெற்றி கிடைக்கும். நீண்ட நாளாக பேசி வந்த ஒரு சில வியாபார பேச்சுக்கள் இன்று நல்லபடியாக முடியும். சொத்து வாங்குவது விற்பது போன்ற விஷயங்கள் இன்று நல்ல முடிவு கிடைக்கும்.
சனி- அலைச்சல்கள் அதிகரிக்கும். செலவுகள் ஏற்படும். தேவையில்லாத கோபம் ஏற்படும். கோபத்தை கட்டுப்படுத்த வேண்டும்.
ஞாயிறு - வீடு உள்ளிட்ட சொத்து சம்பந்தமான விஷயங்கள் நல்ல முடிவு கிடைக்கும். வெளிநாடு செல்லும் முயற்சிகள் இன்று சாதகமான தகவல் கிடைக்கும். எதிர்பார்த்த பணம் கைக்கு வந்து சேரும். தாய்வழி உறவுகளால் ஆதாயம் ஏற்படும்.
வணங்கவேண்டிய தெய்வம் - ஆறுமுகப் பெருமானுக்கு செவ்வரளி மாலை சூட்டி வணங்குங்கள். கந்தசஷ்டி கவசம் பாராயணம் செய்யுங்கள். நன்மைகள் அதிகமாகும். திட்டமிட்ட காரியங்கள் அனைத்தும் திட்டமிட்டபடியே நடக்கும்.
*********************************************************
மகம் -
முன்னேற்றமான பலன்களை தரும் வாரம் . எடுத்த முயற்சிகள் அனைத்திலும் வெற்றி கிடைக்கும். நீண்ட நாள் கனவு ஒன்று இந்த வாரம் நிறைவேறும். அது சொந்த வீடாக இருக்கலாம். திருமண முயற்சியாக இருக்கலாம். வெளிநாடு செல்லும் முயற்சியாகவும் இருக்கலாம். எதுவாக இருந்தாலும் இந்த வாரம் அந்த முயற்சி வெற்றியாகும். பணவரவு திருப்திகரமாக இருக்கும். தாய் வழி உறவுகளிடம் இருந்த மனவருத்தங்கள் அகலும். பயணங்கள் அதிகரிக்கும். பயணங்களால் ஆதாயம் ஏற்படும். சகோதர சகோதரிகளிடம் ஏற்பட்ட மனக்கசப்புகள் நீங்கும்.
உத்தியோகம் -
பணியிடத்தில் இதுவரை இருந்த பிரச்சினைகள் அனைத்தும் தீரும். உங்கள் மீதான ஒழுங்கு நடவடிக்கை கைவிடப்படும். முக்கியமான வேலைகள் அனைத்தையும் சக ஊழியர் உதவியோடு செய்து முடிப்பீர்கள். இதுவரை தள்ளிப்போன பதவி உயர்வு இப்போது கிடைக்கும். சேவை சார்ந்த வேலை செய்பவர்களுக்கு ஆதாயம் தரும் ஒப்பந்தங்கள் கிடைக்கும். விற்பனைப் பிரதிநிதிகளுக்கு ஆதாயம் அதிகமாக இருக்கும். கடைகள், வணிக நிறுவனங்களில் பணிபுரிபவர்களுக்கு ஊதிய உயர்வு கிடைக்கும், உற்சாகமாக பணியாற்றுவீர்கள். அரசு ஊழியர்களுக்கு பதவி உயர்வு மற்றும் கூடுதல் பொறுப்புகள் கிடைக்கும், எதிர்பார்த்த இடமாற்றம் கிடைக்கும்.
தொழில் -

தொழிலில் நல்ல முன்னேற்றம் உண்டு. ஒரு பெரிய லாபகரமான ஒப்பந்தம் ஒன்று ஏற்படும். தொழிலுக்கு முதலீடுகள் கிடைக்கும். எதிர்பார்த்த வங்கிக் கடன் இந்த வாரம் கிடைக்கும். ஏற்றுமதி இறக்குமதி தொழிலில் இருப்பவர்களுக்கு நல்ல வளர்ச்சி உண்டாகும். பங்கு வர்த்தகத் துறையில் இருப்பவர்களுக்கு, இதுவரையில் இருந்த நஷ்டத்தில் இருந்து மீண்டு லாபத்தைக் காண்பார்கள். வியாபாரிகளுக்கு நல்ல வளர்ச்சி உண்டு, வியாபாரம் செழிப்பாக இருக்கும். கமிஷன் தொழில் செய்பவர்களுக்கு இந்த வாரம் பெரிய வியாபாரம் ஒன்று முடியும். அதில் ஆதாயம் கிடைக்கும்.
பெண்கள் -

சகோதர வழியில் இருந்த மனவருத்தங்கள் நீங்கும். ஆரோக்கியத்தில் இருந்த பிரச்சினைகள் முற்றிலுமாக அகலும். குழந்தை பாக்கியம் இல்லாமல் ஏங்கியவர்களுக்கு இந்த வாரம் குழந்தை பாக்கியம் உருவாகும் வாய்ப்பு இருக்கிறது. தந்தை வழியில் சொத்து ஒன்று கிடைக்கும்.
மாணவர்களுக்கு -
கல்வியில் இருந்த மந்தநிலை மாறும். நீங்களாகவே முயற்சி எடுத்து கல்வியில் அதிக ஆர்வத்தை ஏற்படுத்திக் கொள்வீர்கள்.
கலைஞர்களுக்கு - நல்ல வாய்ப்புகள் கிடைக்கும், நண்பர் ஒருவரால் உதவி கிடைக்கும். எதிர் பார்த்த பணம் கிடைக்கும். சொத்துக்கள் வாங்கும் யோகமும் உண்டு.
பொதுப்பலன் - ஆரோக்கியத்தில் இருந்த பிரச்சினைகள் முற்றிலுமாக அகலும். மருத்துவச் செலவுகள் குறையும். பங்காளிகளுக்குள் இருந்த பிரச்சினைகள் முடிவுக்கு வரும். பாகப்பிரிவினைகள் சுமூகமாக இருக்கும். வியாபாரத்தில் இருமடங்கு லாபம் கிடைக்கும். வீடு கட்டும் முயற்சிகள் வெற்றியாகும்.

இந்த வாரம்
திங்கள் - ஆதாயம் தரும் ஒப்பந்தங்கள் ஏற்படும். வியாபார பேச்சுவார்த்தைகள் திருப்திகரமாக இருக்கும். ஒரு முக்கியமான கடனை அடைப்பீர்கள். எதிர்பார்த்த வங்கிக் கடன் கிடைக்கும்.
செவ்வாய் - பயணங்கள் ஏற்படும். அலைச்சல் அதிகரிக்கும். ஒரு சில விஷயங்கள் தாமதமாகும்.
புதன் - வியாபாரம் சம்பந்தமான பேச்சுவார்த்தைகள் முடிவடையும். ஒப்பந்தங்கள் ஏற்படும். சொத்து சம்பந்தமான விஷயங்கள் நல்ல முடிவுக்கு வரும். பண வரவு திருப்திகரமாக இருக்கும். எதிர்பார்த்த உதவி கிடைக்கும்.
வியாழன் - வெளிநாடு செல்லும் முயற்சி வெற்றி ஆகும். ஆன்மிகப் பயணம் உண்டாகும். குலதெய்வ வழிபாடு செய்வதற்கும் வாய்ப்பு இருக்கிறது. நீண்ட நாளாக வராத தொகை இன்று கிடைக்கும். வியாபார பேச்சுவார்த்தைகள் வெற்றியாகும்.
வெள்ளி - வேலையில் எதிர்பார்த்த இடமாற்றம் இன்று கிடைக்கும். எடுத்துக்கொண்ட வேலைகள் அனைத்தையும் இன்று பரபரப்பாக செய்து முடிப்பீர்கள். எதிர்பார்த்த பண உதவி கிடைக்கும்.
சனி - பணவரவு தாராளமாக இருக்கும். நீண்ட நாளாக பேசி வந்த ஒரு பேச்சுவார்த்தை இன்று நல்ல முடிவுக்கு வரும். குடும்பத்தினருக்காக செலவு செய்வீர்கள்.
ஞாயிறு - முக்கிய பேச்சுவார்த்தைகள் எதுவும் செய்ய வேண்டாம். ஒப்பந்தங்கள் போடவேண்டாம், பயணங்களை தள்ளிப்போடுங்கள். செலவுகள் அதிகமாக இருக்கும்.
வணங்கவேண்டிய தெய்வம் - ஸ்ரீலட்சுமி நரசிம்மர் வழிபாடு நன்மை தரும். லலிதா சகஸ்ரநாமம் பாராயணம் செய்யுங்கள், அல்லது கேளுங்கள். நன்மைகள் அதிகமாகும். ஆரோக்கியம் மேம்படும். தடைபட்ட பண வரவுகள் தடையில்லாமல் கிடைக்கும்.