இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: மறைந்து கிடந்த திறமைகள் வெளிப்படும். சகோதரர் வகையில் நன்மை உண்டு. கல்யாண பேச்சுவார்த்தை சுமூகமாக முடியும். மனைவிவழியில் நல்ல செய்தி உண்டு.

ரிஷபம்: குடும்பத்தினர் உங்கள் ஆலோசனையை ஏற்பர். வழக்கு சாதகமாகும். உங்களால் மற்றவர்கள் ஆதாயமடைவார்கள். உறவினர் வீட்டு விசேஷங்களை முன்னின்று நடத்துவீர்கள்.

மிதுனம்: குடும்பத்தின் அடிப்படை வசதிகளை மேம்படுத்துவீர்கள். நீண்டநாள் பிரார்த்தனைகள் நிறைவேறும். அக்கம்பக்கத்து வீட்டாரின் ஆதரவு பெருகும். பணவரவு திருப்தி தரும்.

கடகம்: புதிய நண்பர்கள் அறிமுகமாவார்கள். சொத்து தொடர்பான பிரச்சினைக்கு தீர்வு கிடைக்கும். தாயாருடன் வாக்குவாதம் ஏற்படும். நீண்ட நாட்களாக பார்க்க நினைத்த ஒருவரை சந்திப்பீர்கள்.

சிம்மம்: கம்பீரமாக பேசி சில காரியங்களை முடிப்பீர்கள். உடன்பிறந்தவர்கள் உறுதுணையாக இருப்பார்கள். சுபநிகழ்ச்சிகளில் குடும்பத்துடன் கலந்து கொள்வீர்கள். வாகனத்தை சீர் செய்வீர்கள்.

கன்னி: கணவன் - மனைவிக்குள் இருந்து வந்த மனஸ்தாபம் நீங்கும். கடனாக கொடுத்த பணத்தை வசூலிப்பீர்கள். எதிர்பார்த்த இடத்திலிருந்து தக்க சமயத்தில் உதவிகள் கிடைக்கும்.

துலாம்: அடுத்தவர்களை குறை கூறுவதை நிறுத்துங்கள். மற்றவர்களுக்கு ஆதரவாக பேசப் போய் வில்லங்கத்தில் மாட்டி கொள்ளாதீர்கள். பண விஷயத்தில் கறாராக இருப்பது நல்லது.

விருச்சிகம்: எடுத்த வேலையை முடிப்பதற்குள் அலைச்சல் அதிகரிக்கும். உறவினர், நண்பர்களுடன் மனஸ்தாபம் வந்து நீங்கும். விலை உயர்ந்த பொருட்களை கவனமாக கையாளுங்கள்.

தனுசு: சின்ன சின்ன சந்தர்ப்பங்களையும், வாய்ப்புகளையும் கச்சிதமாக பயன்படுத்திக் கொள்வீர்கள். பெற்றோரின் ஆதரவு அதிகரிக்கும். வெளியூரிலிருந்து எதிர்பார்த்த நல்ல செய்தி வரும்.

மகரம்: தன்னம்பிக்கையுடன் பொதுக் காரியங்களில் ஈடுபடுவீர்கள். பிள்ளைகள் கேட்டதை வாங்கித் தருவீர்கள். சிலர் உங்களை நம்பி முக்கிய பொறுப்புகளை ஒப்படைப்பார்கள்.

கும்பம்: குடும்பத்தினருடன் சுபநிகழ்ச்சிகளில் கலந்து கொள்வீர்கள். ஆன்மிகத்தில் நாட்டம் அதிகரிக்கும். உறவினர்களுடன் இருந்துவந்த மோதல் போக்கு நீங்கும். திடீர் பயணம் உண்டு.

மீனம்: குடும்பத்தாரின் விருப்பங்களை நிறைவேற்ற போராட வேண்டியிருக்கும். யாரும் உங்களை புரிந்து கொள்ளவில்லையே என ஆதங்கப்படுவீர்கள். வாகனம் திடீர் செலவு வைக்கும்.