இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பேச்சில் கம்பீரம் பிறக்கும். அனுபவ அறிவு வெளிப்படும். உங்களின் மாறுபட்ட அணுகுமுறையை எல்லோரும் வரவேற்பார்கள். விருந்தினர் வருகையால் வீடு கலகலப்பாகும்.

ரிஷபம்: தைரியமாக சில முக்கிய முடிவுகள் எடுப்பீர்கள். நண்பர்கள் உதவிகரமாக இருப்பார்கள். மனோபலம் அதிகரிக்கும். அழகு, ஆரோக்கியம் கூடி புத்துணர்ச்சியுடன் திகழ்வீர்கள்.

மிதுனம்: வீடு, வாகன பராமரிப்பு செலவு அதிகரிக்கும். விலை உயர்ந்த பொருட்களை கவனமாக கையாளுங்கள். நெருங்கியவர்களாக இருந்தாலும் அதிக உரிமை எடுத்துக் கொள்ள வேண்டாம்.

கடகம்: எத்தனை பிரச்சினைகள் வந்தாலும் தைரியமுடன் எதிர்கொள்வீர்கள். நல்லவர்களின் ஆதரவாலும், ஆலோசனையாலும் சிக்கல்களை சாதுர்யமாக சமாளித்து வெற்றி காண்பீர்கள்.

சிம்மம்: இழுபறியான விஷயங்கள் உடனே முடியும். வீடு, மனை வாங்குவதற்கு முன்பணம் தருவீர்கள். நீண்ட நாட்களாக இருந்துவந்த சொத்து பிரச்சினை, வழக்குகள் முடிவுக்கு வரும்.

கன்னி: அடிமனதில் நிலவிய பயஉணர்வு நீங்கும். தடைகள் விலகும். சாதிக்க வேண்டுமென்ற எண்ணம் வரும். பிரபலமான சிலரும் பக்கபலமாக இருப்பார்கள். கலைப்பொருட்கள் சேரும்.

துலாம்: பால்ய நண்பரின் சந்திப்பால் உற்சாகமடைவீர்கள். சொந்தபந்தங்களின் சுயரூபத்தை தெரிந்து கொண்டு அதற்கேற்ப செயல்படுவீர்கள். குலதெய்வப் பிரார்த்தனை நிறைவேறும்.

விருச்சிகம்: தொட்ட காரியங்கள் துலங்கும். தக்க சமயத்தில் சகோதரர் உதவுவார். தள்ளிப் போன திருமணம் கூடிவரும். பழைய இடத்தை விற்று புது வீடு வாங்குவீர்கள்.

தனுசு: உங்கள் பேச்சில் அனுபவ அறிவு வெளிப்படும். எதிர்பார்த்த இடத்திலிருந்து பணம் வரும். அழகு, இளமை கூடும். சகிப்புத் தன்மையும் அதிகரிக்கும். விருந்தினர் வருகை உண்டு.

மகரம்: யாருக்கும், எதற்காகவும் உறுதிமொழி தரவேண்டாம். ஊர் பொதுக் காரியங்களை முன்னின்று நடத்துவீர்கள். ஆனாலும் சிலர் உங்களைக் குறைகூறிக் கொண்டிருப்பார்கள்.

கும்பம்: அரசு அதிகாரிகளின் உதவி கிடைக்கும். புண்ணிய தலங்களுக்கு குடும்பத்துடன் சென்று பிரார்த்தனைகளை நிறைவேற்றுவீர்கள். பால்ய நண்பரை எதிர்பாராது சந்திப்பீர்கள்.

மீனம்: தன்னம்பிக்கை உண்டாகும். புகழ் பெற்ற புண்ணிய தலங்களுக்கு ஆன்மிக சுற்றுலா செல்வீர்கள். விலகியிருந்த பழைய நண்பர்கள், உறவினர்களை சந்தித்து மகிழ்வீர்கள்.