இந்த வாரம் இப்படித்தான் :  நட்சத்திர பலன்கள் - எந்தக் கிழமையில் என்னென்ன பலன்கள் - பூரம் முதல் சுவாதி வரை - நவம்பர் - 4 முதல் 10 வரை.

ஜோதிடர் ஜெயம் சரவணன்

வாசகர்கள் அனைவருக்கும் வணக்கம். நட்சத்திர வாரபலன்களில் "பொதுப் பலன் என்னும் பகுதியில் நான் குறிப்பிடும் கிழமைகளின் பயன்பாடு என்பது மிக முக்கியமானது" என்பதை அறிவீர்களா?
இது "தார பலம்" என்பதாகும்.
இந்த தாரபலமானது மனித வாழ்க்கையின் நடைமுறைக்கு கூடுதல் பலம் சேர்க்கும் என்பது நிதர்சனமான உண்மை. பலன்களை நீங்கள் அனுபவிக்கும் போது தான் அதன் மகிமை பற்றி தெரிந்து கொள்வீர்கள்.

நான் குறிப்பிடும் கிழமைகளை சரியாகப் பயன்படுத்தி வெற்றிகளை குவித்திடுங்கள். வாழ்த்துக்கள் .நன்றி.

பூரம் -
புண்ணிய காரியங்களில் ஈடுபட ஆர்வம் பிறக்கும். ஆரோக்கியம் மேம்படும். முயற்சிகளில் வெற்றி கிடைக்கும். முக்கியமான முடிவுகளை எடுத்து வாழ்க்கையின் அடுத்த கட்டத்திற்கு நகர்வீர்கள். திருமண முயற்சிகள் கைகூடும். தாமதப்பட்டுக் கொண்டிருந்த புத்திரபாக்கியம் இப்பொழுது உருவாகும். தன வரவு திருப்திகரமாக இருக்கும் வீட்டு உபயோக பொருட்கள் வாங்குவீர்கள். குடும்பம் மகிழ்ச்சிகரமாக இருக்கும். சுபகாரிய பேச்சுவார்த்தைகள் தொடங்கும்.
உத்தியோகம் - வேலை நிம்மதியாக இருக்கும். ஒரு சிலருக்கு அலுவலக விஷயமாக பயணங்கள் ஏற்படும். ஒரு முக்கிய நபரை சந்திப்பதால் பணியிட மாற்றங்கள் ஏற்படும். அது சிறப்பானதாக இருக்கும். வெளிநாடு செல்லும் முயற்சிகள் வெற்றியாகும். அங்கு பணி நிரந்தரம் கிடைக்க வாய்ப்பு இருக்கிறது. அரசு ஊழியர்கள் பதவி உயர்வு பெறுவார்கள். ஒழுங்கு நடவடிக்கை எடுத்திருந்தால் அந்த நடவடிக்கை கைவிடப்படும். பதவி உயர்வு சம்பந்தமாக ஏற்பட்ட தடைகள் உங்கள் விளக்கத்தால் ஏற்கப்பட்டு பதவி உயர்வு கிடைக்கும். வேலையில்லாதவர்களுக்கு இப்பொழுது நேர்முகத்தேர்வு அழைப்பு வரும். சேவை சார்ந்த ஊழியர்கள் ஏற்றம் பெறுவார்கள்.
தொழில் -தொழிலில் நல்ல வளர்ச்சி உண்டு. தடைபட்டிருந்த சில விஷயங்கள் முடிவுக்கு வந்து தொழில் வீழ்ச்சியிலிருந்து வளர்ச்சி பெறும். ஊழியர்கள் ஒத்துழைப்பு கிடைக்கும். புதிய ஒப்பந்தங்கள் பெறுவீர்கள். ஒரு சிலர் அயல்நாட்டு ஒப்பந்தங்கள் கிடைக்கப் பெறுவார்கள். ஏற்றுமதி தொழில் சிறப்பாக இருக்கும். தேங்கிக்கிடந்த பொருட்கள் இப்பொழுது விற்பனையாகும். ஆடை உற்பத்தியாளர்கள் அதிக ஒப்பந்தங்களை பெற்று தொழிலை விரிவுபடுத்துவீர்கள். புதிதாக தொழில் தொடங்குபவர்களுக்கு பொன்னான வாய்ப்புகள் கிடைக்கும். அயல்நாட்டு நிறுவனத்தோடு இணைந்து தொழில் செய்யும் வாய்ப்பு கிடைக்கும்.
பெண்களுக்கு - சொத்து சேர்க்கை உண்டு .சகோதர வழியில் இருந்த பகை மாறும். பாகப்பிரிவினைகள் ஒழுங்காகும். வழக்குகள் சாதகமாகும். கணவன்-மனைவி ஒற்றுமை நீடிக்கும். குழந்தைகளின் எதிர்காலம் கருதி சேமிப்புகள் தொடங்குவீர்கள்.
மாணவர்களுக்கு - கல்வியில் நல்ல முன்னேற்றம் உண்டு. உயர்கல்வி படிப்பவர்கள் மேற்கொண்டு வெளிநாடு சென்று படிப்பதற்கான வாய்ப்புகள் உண்டு.
கலைஞர்களுக்கு - இசைத் துறை சார்ந்தவர்களுக்கு அயல்நாட்டில் நிகழ்ச்சிகள் நடத்த ஒப்பந்தங்கள் உண்டாகும். தாமதமாகிக் கொண்டிருந்த தனவரவு இப்பொழுது தாராளமாகும். சொத்துக்கள் வாங்க முற்படுவீர்கள்.
பொதுப் பலன் - கிடைக்கின்ற வாய்ப்புகள் அனைத்தும் சிறப்பாகவே இருக்கும். சரியாக பயன்படுத்தினால் வாழ்க்கைக்கான அஸ்திவாரம் உறுதியாக மாறும். பண வரவு தாராளமாக இருக்கும். சேமிப்பு அவசியம், வீண் செலவுகளைத் தவிர்க்க வேண்டும். பூர்வீக சொத்து விவகாரங்கள் சுமூகமாக முடியும். ஆரோக்கியத் தொல்லைகள் முற்றிலுமாக அகலும்.

இந்த வாரம் -
திங்கள் - ஒரு சில விஷயங்கள் சாதகமாக இருக்காது. அவசியமற்ற பயணங்களை தவிர்க்க வேண்டும். வாகனங்களை சரியாக பராமரித்து வைக்க வேண்டும்.
செவ்வாய் - ஆதாயங்கள் அதிகமாகும். ஆரோக்கியம் மேம்படும். வருமானம் பெருகும்.
பணவரவு தாராளமாக இருக்கும் அசையா சொத்துக்களால் ஆதாயம் ஏற்படும்.
புதன் - உங்கள் செயல் மற்றவர்களுக்கு மகிழ்ச்சியை தரும்.தானாக முன்வந்து மற்றவர்களுக்கு உதவி செய்வீர்கள்.
வியாழன் -ஆரோக்கியம் மேம்படும். ஆதாயங்கள் பெருகும். சொத்து சேர்க்கை ஏற்படும். சொத்தில் இருந்த வில்லங்கங்கள் அகலும் பிரச்சினைகள் முடிவுக்கு வரும்.
வெள்ளி - செய்யும் செயல் எதுவாக இருந்தாலும் மற்றவர்களுக்கு எரிச்சலை ஏற்படுத்தும் வாக்குவாதங்களைத் தவிர்ப்பது நல்லது . விவாதங்களில் ஈடுபடவேண்டாம்.
சனி- உதவிகள் கிடைக்கும். நண்பர்கள் உறவினர்கள் தாமாக முன் வந்து உதவுவார்கள். பயணங்களால் ஆதாயம் உண்டு.
ஞாயிறு - நண்பர் ஒருவரால் புதிய நட்புகள் ஏற்படும். அவர்களால் ஆதாயமும் உண்டு. வெளிநாடு செல்லும் முயற்சியில் இந்த நாளில் உறுதியாகும்.
வணங்கவேண்டிய தெய்வம் - அம்மன் ஆலயங்களுக்கு உங்களால் முடிந்த உதவிகளை செய்து தாருங்கள். அம்மனுக்கு மஞ்சள் நிற புடவை சாற்றி வழிபடுங்கள் நன்மைகள் பெருகும் ஆதாயங்கள் அதிகமாகும்.
************************************************************
உத்திரம் -
எடுத்த செயல்களில் எல்லாம் வெற்றி உண்டாகும். ஒரு சில விஷயங்கள் தள்ளிப்போகும். ஆரோக்கியத்தில் சிறுசிறு அச்சுறுத்தல்கள் உருவாகும். அஜீரண கோளாறுகள் உண்டாகும். வயிற்று வலி வந்து நீங்கும். கால் மற்றும் பாதங்களில் சுளுக்கு ஏற்படும். இதுவரை புத்திரபாக்கியம் இல்லாதவர்களுக்கு புத்திரபாக்கியம் உருவாகும். தடைபட்டிருந்த திருமணம் போது உறுதியாகும்.
உத்தியோகம் - வேலையில் பணிச்சுமை அதிகரிக்கும். மற்றொரு வேலையையும் நீங்களே பார்க்க வேண்டியது வரும். அலுவலக விஷயமாக வெளியூர் போக வேண்டியது வரும். ஒரு சிலருக்கு இடமாற்றம் ஏற்படும் . அதுவும் தொலைதூரமாக இருக்கும். உயரதிகாரிகள் தேவையில்லாமல் உங்கள் மீது கோபத்தை காட்டுவார்கள். சக ஊழியர்கள் உங்களுக்கு உதவமாட்டார்கள். உடலுழைப்பு தொழிலாளர்கள் உழைப்பு அதிகமாகும் ஆதாயம் குறையும்.
தொழில் -தொழில் சராசரி வளர்ச்சி இருக்கும். பெரிய மாறுதல்கள் ஏதும் இல்லை. ஒருசிலருக்கு நிறுவனத்தை வேறு பெயருக்கு மாற்றும் சிந்தனைகள் வரும். அதாவது தங்கள் குடும்பத்திற்குள்ளேயே மனைவி அல்லது தங்கள் பிள்ளைகளின் பெயரில் தொழிலை மாற்றுவார்கள். மொத்த வியாபாரிகள் ஓரளவுக்கு லாபம் பார்ப்பார்கள். சில்லரை வியாபாரிகள் சங்கடங்கள் ஏதும் இருக்காது. புதிதாக தொழில் தொடங்குபவர்கள் பேச்சுவார்த்தை அளவிலேயே இருக்கும். உங்கள் கனவு நனவாக இன்னும் காலம் இருக்கிறது.
பெண்களுக்கு -குடும்பத்தில் மகிழ்ச்சி நிலவும். ஆபரண சேர்க்கை உண்.டு சகோதரர் வழியில் இருந்த பிரச்சினைகள் தீரும் .இதுவரை புத்திரபாக்கியம் இல்லாதவர்களுக்கு இப்பொழுது புத்திரபாக்கியம் உண்டாகும். அரசு வேலைக்கு முயற்சி செய்பவர்களுக்கு அதற்குண்டான வழிவகைகள் இப்பொழுது எளிதாக கிடைக்கும்.
மாணவர்களுக்கு - மாணவர்களுக்கு கல்வியில் நல்ல முன்னேற்றம் உண்டு. உயர்கல்வி படிப்பவர்கள் நல்ல தேர்ச்சி விகிதம் பெறுவார்கள்.
கலைஞர்களுக்கு - திரைத் துறை சார்ந்தவர்களுக்கு ஒப்பந்தங்கள் உண்டாகும். இசை நாட்டியம் நாடகம் போன்ற துறையில் உள்ளவர்களுக்கு அயல்நாடு சென்று கலை நிகழ்ச்சிகள் நடத்தும் வாய்ப்புகள் கிடைக்கும்.
பொதுப் பலன் -ஆரோக்கியத்தில் அக்கறை காட்ட வேண்டும். சிறிய பிரச்சினை என்றாலும் மருத்துவரிடம் ஆலோசனை பெறுவது நல்லது. வீட்டு பராமரிப்பு செலவுகள் கூடும், வாகன பழுது அதேபோல் அதிகமாக இருக்கும், கடன் வாங்குவதை குறைக்க வேண்டும்.

இந்த வாரம் -
திங்கள் - பண வரவு திருப்திகரமாக இருக்கும் எதிர்பார்த்த பணம் கைக்கு வந்து சேரும் தொழில்ரீதியாக வரவேண்டிய பணம் இன்றைய தான முயற்சி செய்தால் எளிதாக கிடைக்கும்.
செவ்வாய் - பிரச்சினைகள் சூழும் வீண் விவாதங்களில் ஈடுபடவேண்டாம் . அலட்சியமாக பதில் சொல்வது கூடாது. பயணங்களில் கவனமாக இருக்கவேண்டும். போக்குவரத்து விதிகளை சரியாக கடைபிடிக்க வேண்டும். இல்லை என்றால் அபராதம் செலுத்த நேரிடும்.
புதன் -ஆரோக்கியம் மேம்படும். வருமானம் கூடும். ஆதாயங்கள் அதிகமாகும். வீடு சம்பந்தமான பிரச்சினைகள் நீங்கும் பத்திரப்பதிவு செய்வதற்கு ஏற்ற நாள்.
வியாழன் - உங்கள் முயற்சிகள் அனைத்தும் வெற்றியடையும். ஆனால் அதை முழுமையாக அனுபவிக்க முடியாது. உங்கள் பெயரைச் சொல்லி மற்றவர் அந்த லாபத்தை அடைவார்கள்.
வெள்ளி - எடுக்கின்ற முயற்சி மட்டுமல்ல எடுக்காத முயற்சிகளும் வெற்றி பெறும் நாள். இன்று நீங்கள் எதைச் செய்தாலும் அனைத்தும் வெற்றிகரமாக முடியும். கடன் தீர்வதற்கு ஒரு நல்ல வழி கிடைக்கும். வங்கிக் கடன் கிடைப்பதற்கான சாத்தியக்கூறுகள் உண்டு.
சனி- அமைதியாக இருந்தாலும் பிரச்சினைகள் தேடிவரும். அக்கம்பக்கத்தினர் உடன் அனுசரித்துச் செல்வது நல்லது. வேலைகளில் தவறுகள் செய்ய நேரிடும்.
ஞாயிறு -நேற்றைய பிரச்சினைகள் எல்லாம் இன்றைய தினம் முடிவுக்கு வரும். தவறுகள் திருத்தப்படும் .சங்கடங்கள் விலகும். நண்பர்கள் உதவுவார்கள் பெரிய தொகை ஒன்று வந்து சேரும். வெளியூர் செல்லும் முயற்சிகள் வெற்றி பெறும்.
வணங்க வேண்டிய தெய்வம் - சிவபெருமானுக்கு வில்வ இலை வைத்து வழிபடுங்கள் நெய்தீபம் ஏற்றி மனமார பிரார்த்தனை செய்யுங்கள் பிரச்சினைகளும் ஆரோக்கியம் மேம்படும் கடன்கள் தீர வழி வகை கிடைக்கும்.
************************************************************
அஸ்தம்
சுமாரான வாரம் இது. பெரிய அளவு பாதிப்புகள் இல்லை. அதேசமயம் பெரிய எதிர்பார்ப்புகள் எதிர்பார்க்காமலேயே இருப்பது நல்லது. உள்ளதை உள்ளபடியே ஏற்றுக்கொள்ளுங்கள். வருவதை அமைதியாக ஏற்றுக்கொள்ளுங்கள். மனதில் குழப்பங்கள் வரும். அதே சமயம் இந்த குழப்பங்களுக்கு தீர்வு கிடைக்கும். தாயாரின் உடல்நலம் கவலைப்பட செய்யும். செலவுகளுக்கு ஏற்றமாதிரி வரவுகளும் இருக்கும். எனவே பெரிய கவலைகள் படவேண்டும்.
உத்தியோகம் - பணியிடத்தில் பெரிய மாறுதல் ஏதும் இருக்காது. நீங்களாக இடமாற்றம் வேண்டி விண்ணப்பம் செய்வீர்கள் அல்லது வேறு நிறுவனங்களுக்கு செல்ல முயற்சி எடுப்பீர்கள். அலுவலகத்தில் இருந்து வரவேண்டிய நிலுவை தொகை மேலும் தள்ளிப்போகும். அரசு ஊழியர்களாக இருந்தால் இடமாற்றம் ஏற்படும். அவர்கள் மீது அலுவலக ரீதியான நடவடிக்கைகள் எடுக்கப்படும். உங்கள் பேச்சுக்கு அதிகாரிகள் செவிசாய்க்க மாட்டார்கள். சிறு நிறுவனங்களில் பணிபுரிபவர்கள் வேறு நிறுவனங்களுக்கு மாற முயற்சி எடுப்பார்கள். வியாபார கடையில் வேலை செய்பவர்களுக்கு கவனச்சிதறல் உண்டாகி சில நஷ்டங்களை சந்திக்க வேண்டியது வரும்.
தொழில் -தொழில் இப்போது உள்ள நிலையே நீடிக்கும். புதிய முயற்சிகளில் இறங்க வேண்டாம். அகலக் கால் வைக்காதீர்கள். ஊழியர்களுடன் அனுசரித்துச் செல்லுங்கள். தொழில் ரீதியாக யாருக்கும் எதற்காகவும் வாக்குகளை தராதீர்கள். அந்த வாக்கை காப்பாற்ற முடியாத சூழ்நிலைகள் உருவாகும். மொத்த வியாபாரிகள் ஓரளவு லாபம் பார்ப்பார்கள். சிறு வணிகர்களுக்கு எந்த குறையும் இல்லை. பெண்கள் சம்பந்தப்பட்ட அழகு சாதனப் பொருள் விற்பனை ஆடை விற்பனை போன்ற தொழில் செய்பவர்களுக்கு எந்த குறையும் இருக்காது. வருமானம் திருப்திகரமாக இருக்கும்.
பெண்களுக்கு - மகிழ்ச்சிக்கு குறை இருக்காது ஆனாலும் ஆரோக்கியத்தில் அவ்வப்போது பிரச்சினைகள் வரும். குறிப்பாக வயிறு மற்றும் முதுகு தண்டுவடத்தில் வலி அல்லது பிரச்சினைகள் வரும். சேமிப்புகள் கரையும்.
மாணவர்களுக்கு - கல்வியில் நல்ல முன்னேற்றம் உண்டு. புதிய மொழி கற்கும் ஆர்வம் ஏற்படும். பயிற்சி வகுப்புகளில் சேருவீர்கள். ஆசிரியரின் ஆதரவு உண்டு.

கலைஞர்களுக்கு - நல்ல பலன்கள் ஏற்படும். வாய்ப்புகள் கிடைக்கும். பயணங்களும் லாபமும் உண்டாகும். வெளிநாடு செல்லும் முயற்சிகள் வெற்றிபெறும் .நண்பர்களால் ஆதாயம் உண்டு.
பொதுப்பலன் - ஆரோக்கியம் தவிர பெரிய பிரச்சினைகள் ஏதும் இல்லை. ஒரு சிலர் தங்கள் சொத்துக்களை விற்பனை செய்ய முன்வருவார்கள். கடன்களை அடைப்பதற்கு முயற்சி எடுத்து அதில் ஓரளவு வெற்றி காண்பார்கள். மனம் நிம்மதி இல்லாமல் அலைபாயும். இல்லாத பிரச்சினைகளை கூட இருப்பதாக கற்பனை செய்யும். முடிந்தவரை தியானம்யோகா போன்றவற்றை செய்யுங்கள் .
இந்த வாரம் -
திங்கள் - மனக்குழப்பங்கள் அதிகரிக்கும். மனதில் பதட்டம் உருவாகும். குழப்பமான மனநிலை இருக்கும். ஆனாலும் சரியான முடிவுகளை சரியான நேரத்தில் எடுப்பீர்கள்.
செவ்வாய் - வருமானம் கூடும். லாபங்கள் அதிகரிக்கும். எதிர்பார்த்த பணம் கைக்கு வந்து சேரும். எந்த முயற்சி எடுத்தாலும் அதில் முழு வெற்றி அடைவீர்கள்.
புதன் - மனப் புழுக்கம் அதிகமாகும். இல்லாத பிரச்சினையை மிகப் பெரிதாக நினைத்து உள்ளூர பயம் அதிகமாகும். பயணங்களில் கவனம் வேண்டும். முடிந்தால் பயணத்தைத் தவிர்ப்பது நல்லது.
வியாழன் - வீடு விற்பனை சம்பந்தமான விஷயங்கள் சுமுகமாக முடியும். பேச்சுவார்த்தைகள் நல்லபடியாக முடிந்து முழுமையான ஒப்பந்தம் உண்டாகும்.
வெள்ளி -எல்லா காரியங்களும் சுமுகமாக முடியும். ஆதாயத்தை எதிர்பார்ப்பது தவறு. ஏனெனில் ஆதாயங்கள் உங்களுக்கு கிடைக்காது .பொதுவாகச் சொன்னால் காரியத்தில் வெற்றி லாபம் எதுவும் இல்லை.
சனி - உதவிகள் தானாக கிடைக்கும். முயற்சிகளில் வெற்றிகள் குவியும் . பயணங்களால் லாபமும் உண்டாகும். கடன் தீர வழி வகை கிடைக்கும். எதிர்பார்த்த பெரும் தொகை ஒன்று வந்து சேரும்.
ஞாயிறு -அமைதியாக இருப்பது நல்லது. யாரிடமும் எதற்காகவும் பேச்சு கொடுக்க வேண்டாம். அக்கம்பக்கத்தினர் வீண் வம்புக்கு வருவார்கள் அதை பொருட்படுத்த வேண்டாம். நண்பர்களுடன் மன வருத்தங்கள் ஏற்படும். எனவே அன்றைய தினம் நண்பர்களை சந்திப்பதை தவிர்த்து விடுங்கள்.
வணங்க வேண்டிய தெய்வம் - ஸ்ரீசக்கரத்தாழ்வார்க்கு நெய்தீபம் ஏற்றி மனமுருக வேண்டுங்கள். உங்கள் ஆரோக்கியம் சீராகும் எதிர்ப்புகள் அகலும். எதிரிகள் காணாமல் போவார்கள். பணவரவு மனநிறைவைத் தரும்.
*********************************************************
சித்திரை -
இந்த வாரம் நன்மையும் சில பாதகங்களும் ஏற்படக்கூடிய வாரமாக இருக்கிறது. எனவே திட்டமிட்டு உங்கள் காரியங்களை வகுத்துக் கொண்டால் எந்தப் பிரச்சினையும் வராது. முடிந்தவரை பயணங்களை தவிர்ப்பது நல்லது. அதேசமயம் ஆரோக்கியத்தில் ஏற்படக் கூடிய சிறிய பிரச்சினையாக இருந்தாலும் மருத்துவ ஆலோசனையை பெறுவது நல்லது. தாயாரின் உடல் நலத்தில் சற்று அக்கறை காட்ட வேண்டும். வீடு சம்பந்தமான விஷயங்களில் மராமத்து பணிகள் செலவுகள் ஏற்படும். அதை செய்வது உங்களுடைய ஆரோக்கியத்திற்கு நல்லது. காரணம் என்னவென்றால் ஆரோக்கிய செலவுகள் வரும் நேரத்தில் இப்படி மராமத்து பணிகளில் பணத்தை செலவிட்டால் ஆரோக்கிய தொல்லைகள் குறையும். இது ஜோதிடத்தில் இருக்கக்கூடிய ஒரு எளிமையான வழி. கணவன்-மனைவிக்குள் வீண் வாக்குவாதங்களில் ஈடுபட வேண்டாம். அது பிரச்சினையை பெரிதாக மாற்றி அமைத்துவிடும்.
உத்தியோகம் -பெரிய பாதிப்புகள் எதுவும் இல்லை. இன்னும் சொல்லப்போனால் அதிக அழுத்தங்களும் இருக்காது. அதே சமயம் மிக எளிமையாகவும் இருக்காது. பணியிடத்தில் சகஜமான நிலையே இருக்கிறது. பெரிய பிரச்சினைகள் ஏதுமில்லை. கவலைப்படும் அளவுக்கு ஒன்றும் இல்லை. இதுவரை வேலை இல்லாதவர்களுக்கு இந்த வாரம் பலவித நேர்முகத் தேர்வுகள் வரும். இதில் ஏதாவது ஒன்றில் வெற்றி பெற்று வேலைக்கு சேர வாய்ப்பு உண்டு. விற்பனைப் பிரதிநிதிகளுக்கு அலைச்சல்கள் அதிகரிக்கும் இலக்குகளை எட்டுவதில் கடைசி நேரத்தில் தான் முடியும். வியாபார நிறுவனங்களில் பணிபுரிபவர்களுக்கு இடமாற்றம் ஏற்படும் வேறு நிறுவனங்களுக்கு மாற முயற்சி எடுப்பார்கள் சர்வீஸ் சென்டர் போன்ற வேலைகள் செய்பவர்கள் ஓரளவுக்கு வருமானம் பார்ப்பார்கள்.
தொழில் - பெரிய மாற்றங்கள் ஏதும் இல்லை .இருப்பது இருப்பது போலவே செயல் படுத்திக் கொள்ளுங்கள். ஒரு சிலருக்கு மட்டும் வெளிநாட்டிலிருந்து உதவிகள் கிடைக்கும். தொழிலில் சிறுசிறு மாற்றங்களை ஏற்படுத்த முயல்வீர்கள். அந்த மாற்றங்கள் ஓரளவுக்கு உங்களுக்கு கைகொடுக்கும். புதிதாக தொழில் தொடங்குபவர்கள் இன்னும் சிறிது காலம் பொறுத்திருக்க வேண்டும். மொத்த வியாபாரிகள் கணிசமான லாபம் பார்ப்பார்கள் .கமிஷன் ஏஜெண்டுகள் ஒன்று இரண்டு வியாபாரங்கள் வெற்றியடைந்து ஓரளவுக்கு லாபம் சம்பாதிப்பார்கள்.
பெண்களுக்கு - மகிழ்ச்சிக்கு குறை இருக்காது பணவரவு திருப்திகரமாக இருக்கும். வேலையில் பணி உயர்வு ஊதிய உயர்வு கிடைக்கும். ஒருசிலருக்கு பொறுப்புகள் அதிகம் வழங்கப்பட்டு அதற்கு தகுந்த ஊதியம் பெறவும் வாய்ப்புண்டு. திருமண முயற்சிகள் கைகூடும் வாழ்க்கை துணையின் நலனுக்காக உங்கள் சேமிப்பில் இருந்து ஒரு தொகையைக் கொடுத்து உதவுவீர்கள்.
மாணவர்களுக்கு - கல்வியில் நல்ல முன்னேற்றம் உண்டு பெரிய மாற்றங்கள் ஏதும் இல்லை தேர்வுகளிலும் எழுதினால் நல்ல மதிப்பெண்கள் கிடைக்கும்.
கலைஞர்களுக்கு - நல்ல வாய்ப்புகள் கிடைக்கும். ஒப்பந்தங்கள் உண்டாகும். நண்பர் ஒருவரால் பரிந்துரைக்கப்பட்டு நல்ல வாய்ப்பை ஒன்றை பெறுவீர்கள். அயல்நாடு செல்லும் வாய்ப்பும் உண்டு .ஒரு சிலருக்கு சொந்த வீடு வாங்கும் முயற்சி வெற்றி பெறும்.
பொதுபலன் - பெரிய அளவில் முன்னேற்றம் இருக்காது. அதே சமயம் பின்னடைவும் இல்லை. ஆரோக்கியத்தில் சிறு பாதிப்பு உண்டு. முயற்சிகளில் ஓரளவுக்கு வெற்றி கிடைக்கும். ஒரு சிலர் சொத்துக்களை விற்று கடனை அடைக்க முயற்சி செய்வார்கள். கடன் தொல்லைகள் எதுவும் ஏற்படாது ஆனால் மனதில் பெரிய பாரமாக உணர்வீர்கள். எதிர்பார்த்த வங்கிக் கடன் இன்னும் தள்ளிப் போகலாம்.

இந்த வாரம் -
திங்கள் - நன்மைகள் அதிகமாக நடக்கும். தொலைதூரப் பயணங்கள் ஏற்படும். பயணங்களால் லாபம் உண்டாகும். உதவிகள் பலவாறாக கிடைக்கும்.
செவ்வாய் - மனக் குழப்பங்கள் இருக்கும். தெளிவாக முடிவெடுக்க முடியாமல் தடுமாறுவீர்கள். மனதை ஒருநிலைப்படுத்தி சிந்தனை செய்தால் தீர்வுகள் எளிதாக கிடைக்கும்.
புதன் - பணவரவு திருப்தி தரும். பணம் ஏதாவது ஒரு வகையில் உங்கள் கைக்கு வந்து சேரும். கேட்ட இடத்தில் உதவிகள் கிடைக்கும். பெரிய வியாபாரம் ஒன்றே பேசி முடிப்பீர்கள் அதனால் நல்ல லாபம் ஏற்பட வாய்ப்பிருக்கிறது.
வியாழன் -அமைதியாக கடந்து செல்வது நல்லது. இந்த நாளில் பயணங்கள் வேண்டாம்.
சிறு தூர பயணமாக இருந்தாலும் மறுநாள் என்று தள்ளிப் போடுங்கள். பேச்சு வார்த்தைகளில் கவனம் வேண்டும்.
வெள்ளி -சொத்துக்களால் ஆதாயம் ஏற்படும். சொத்து விற்பனை சம்பந்தமான விஷயங்கள் உங்களுக்கு சாதகமாகும் வருமானம் அதிகரிக்கும். உங்கள் உடல் நலம் சீராகும். தாயாரின் உடல்நலம் முன்னேற்றம் ஏற்படும்.
சனி- எவ்வளவு உழைத்தாலும் உங்களுக்கு நல்ல பெயர் கிடைக்கும், அதன் லாபத்தை மற்றொருவர் தட்டிச் செல்வார். பெரிய மாற்றங்கள் ஏதும் இல்லை.
ஞாயிறு - எல்லாவிதமான நன்மைகளும் உங்களுக்கு நடக்கும். பணவரவு திருப்தி தரும் .பெரிய முயற்சி ஒன்றை இன்று எடுப்பீர்கள். அந்த முயற்சி சரியான பாதையில் செல்லும். உதவிகள் கேட்காமலேயே கிடைக்கும்.
வணங்கவேண்டிய தெய்வம் - முருகப்பெருமானுக்கு செவ்வரளி மலர் சூட்டி வழிபடுங்கள் தீபங்கள் ஏற்றி மனமுருக பிரார்த்தனை செய்யுங்கள் நன்மைகள் நடக்கும் தடைகள் விலகும் பணத்தேவைகள் பூர்த்தியாகும்.

**********************************************************************************************************
சுவாதி -
மனம் தெளிவில்லாமல் அலைபாயும். எதையோ இழந்தது போல் தவிப்பீர்கள். குழப்பமான மனநிலை இருக்கும். செயல்களில் சற்று தாமதம் ஏற்படும். மன வேகத்திற்கு தகுந்தாற்போல் உடல் ஒத்துழைப்பு தராது. தீவிரமாக முயன்றால் வெற்றிகள் கிடைக்கும்.
உத்தியோகம் - பணியிடத்தில் பெரிய மாற்றங்கள் ஏதுமில்லை ஒரு சிலருக்கு விரும்பிய இடமாற்றம் ஏற்படும். கடைகள் வியாபார நிறுவனங்களில் பணிபுரிபவர்களுக்கு இடமாற்றங்களும் பதவி உயர்வும் கிடைக்கும். சேவை சார்ந்த தொழில் செய்வோர் உடலுழைப்பு தொழிலாளர்கள், நல்ல முன்னேற்றம் காண்பார்கள். வருமானம் அதிகம் பெறுவார்கள். ஒப்பந்தங்கள் கூடுதலாக கிடைக்கப் பெறுவார்கள் . அரசு ஊழியர்கள் பதவி உயர்வு கிடைப்பதற்கு வாய்ப்பு இருக்கிறது. உங்கள் மீதான நடவடிக்கைகள் ரத்து செய்யப்படும்.
தொழில் - தொழிலில் நல்ல முன்னேற்றம் ஏற்படும். வாய்ப்புகள் பலவிதமாக கிடைக்கும் .பழைய கடன்களை அடைத்து புதிய வங்கிக் கடனுதவி பெற்று தொழிலை விரிவுபடுத்துவீர்கள். இயந்திரங்களை மாற்றி அமைப்பீர்கள். கூடுதல் ஊழியர்களை நியமனம் செய்வீர்கள். மொத்த வியாபாரிகளுக்கு நல்ல கணிசமான லாபம் ஏற்படும். வியாபாரத்திற்கு தேவையான புதிய வாகனங்களை வாங்குவீர்கள். கமிஷன் ஏஜெண்டுகள் நல்ல லாபம் கிடைக்கப் பெறுவார்கள். ரியல் எஸ்டேட் துறை சார்ந்தவர்களுக்கு ஒருசில அரசின் சலுகைகள் கிடைக்கும்.
பெண்களுக்கு - மனமகிழ்ச்சி ஏற்படும். குடும்பத்தினர் ஒருவரின் சுப நிகழ்ச்சிக்காக உங்கள் சேமிப்பிலிருந்து ஒரு தொகையை கொடுத்து உதவி செய்வீர்கள். வேலை இல்லாதவர்களுக்கு வேலை கிடைக்கும். ஒரு சில நண்பர்களோடு சேர்ந்து புதிய வியாபாரம் ஒன்றை ஆரம்பிக்கும் எண்ணம் ஏற்படும்.
மாணவர்களுக்கு - கல்வியில் முன்னேற்றம் உண்டு. தேர்வுகளில் அதிக மதிப்பெண் பெறுவீர்கள் உயர்கல்விக்காக இப்போதே தன்னை தயார் செய்து கொள்வீர்கள்.
கலைஞர்களுக்கு - வாய்ப்புகள் கிடைக்கும். ஒப்பந்தங்கள் ஏற்படும். பண வரவு திருப்திகரமாக இருக்கும். பழைய நண்பர் ஒருவரால் புதிய வாய்ப்பு ஒன்றை பெறுவீர்கள்.
பொதுப்பலன் - முயற்சிகள் அனைத்தும் வெற்றி பெற சுறுசுறுப்பு தேவை சோம்பல் விடுத்தால் வெற்றி எளிதாகும். வெளிநாடு செல்லும் முயற்சிகளில் வெற்றி உண்டாகும். தாயாரின் ஆரோக்கியம் முன்னேற்றம் ஏற்படும்.

இந்த வாரம் -
திங்கள் - பயணங்களால் லாபம் ஏற்படும். தூரத்து உறவினர் ஒருவர் உங்களுக்கு உதவுவார். பணவரவு திருப்திகரமாக இருக்கும். உதவிகள் பலவாறாக கிடைக்கும்.
செவ்வாய் -மருத்துவச் செலவுகள் குறையும். ஆரோக்கியம் சீராகும். பணவரவு திருப்தி தரும். வீட்டுக்குத் தேவையான பொருட்களை வாங்குவீர்கள். ஆடை ஆபரணச் சேர்க்கை ஏற்படும் பூமி சம்பந்தமான ஒரு விஷயம் பேசி முடிக்கப்படும்.
புதன் - மனம் தெளிவில்லாமல் இருக்கும் குழப்பங்கள் அதிகரிக்கும் ஒரு பிரச்சினைக்கு தீர்வு கிடைக்காமல் மனம் அலைபாயும்.
வியாழன் - பணவரவு திருப்திகரமாக இருக்கும். பணம் பல வழிகளிலும் வரும். எதிர்பார்த்த தொகை கைக்கு வந்து சேரும். எடுத்த முயற்சிகள் அனைத்திலும் வெற்றி பெறும்.
வெள்ளி - பயணங்களைத் தவிர்க்க வேண்டும் பேச்சைக் குறைத்துக்கொள்ள வேண்டும். வீண் வாக்குவாதங்கள் விவாதங்களில் ஈடுபட கூடாது அக்கம்பக்கத்தின அனுசரித்துச் செல்லவேண்டும். நண்பர்களிடம் பேசும்போது கவனமாக பேச வேண்டும்.
சனி- பூமி சம்பந்தப்பட்ட வியாபாரம் நல்லபடியாக முடியும். ஆரோக்கியம் சீராகும். தாய்வழி உறவினர்களிடம் இருந்து ஒரு ஆதாயம் தரக்கூடிய சம்பவம் நடக்கும்.
ஞாயிறு - பொதுச் சேவை செய்வதில் நாட்டம் வரும். மற்றவர்களுக்கு உதவுவதில் மனத் திருப்தி உண்டாகும். தர்ம காரியங்களில் ஈடுபட வாய்ப்பு இருக்கிறது.
வணங்கவேண்டிய தெய்வம் - ஸ்ரீவெங்கடேச பெருமாளுக்கு துளசி மாலை சாற்றி வழிபடுங்கள் நன்மைகள் பெருகும் மனம் தெளிவாகும் புத்தி கூர்மையாகும்.
***********************************************************