இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: சாதுர்யமாகப் பேசி காரியங்களை சாதிப்பீர்கள். உங்களிடம் கடன் வாங்கி நீண்ட நாட்களாக நிலுவையில் வைத்திருந்தவர்கள் பணத்தை திருப்பித் தருவார்கள்.

ரிஷபம்: உங்களின் ஆளுமைத் திறன் அதிகரிக்கும். பூர்வீக சொத்தை சீரமைப்பீர்கள். உங்கள் ரசனைக்கேற்ப வீடு, வாகனம் அமையும். விலகியிருந்த சொந்தபந்தம் விரும்பி வருவர்.

மிதுனம்: நயமான பேச்சை நம்பி சொந்த விஷயங்களை மற்றவரிடம் பகிர்ந்து விடாதீர்கள். முக்கிய பணிகளை மற்றவரை நம்பி ஒப்படைக்காமல் நீங்களே சென்று முடிப்பது நல்லது.

கடகம்: திட்டமிட்ட காரியங்களை சிறப்பாக செய்து முடிப்பீர்கள். பணப்புழக்கம் அதிகரிக்கும். வீடு, வாகனம் வாங்குவதற்கான காலம் கனிந்து வரும். விருந்தினர் வருகை உண்டு.

சிம்மம்: வெளிநாட்டு பயணம், வேற்று மதத்தினரால் உதவி உண்டு. பிரபலங்களுக்கு நண்பராவீர்கள். ஆன்மிகத்தில் நாட்டம் அதிகரிக்கும். ஆடை, ஆபரணங்கள் வாங்குவீர்கள்.

கன்னி: வெளிவட்டாரத்தில் மதிப்பு மரியாதை கூடும். கவுரவமான பதவிக்கு தேர்ந்தெடுக்கப்படுவீர்கள். தாயாரின் ஆரோக்கியம் திருப்திகரமாக இருக்கும். திடீர் பயணம் உண்டு.

துலாம்: இழுபறியாக இருந்த வேலைகள் முடியும். மனக்குழப்பம் நீங்கும். குடும்பத்தில் சந்தோஷம் நிலைக்கும். பிள்ளைகளின் வருங்காலத்தை பற்றி முக்கிய முடிவுகள் எடுப்பீர்கள்.

விருச்சிகம்: தொட்ட காரியம் துலங்கும். புதிய முயற்சிகள் வெற்றியடையும். குடும்பத்தில் உள்ளவர்களின் ஆசாபாசங்களுக்கு மதிப்பளிப்பீர்கள். வீடு, வாகன பராமரிப்பை மேற்கொள்வீர்கள்.

தனுசு: அனுபவப்பூர்வமாகவும், எதார்த்தமாகவும் பேசுவீர்கள். குடும்பத்தில் குழப்பங்களை ஏற்படுத்திய உறவினர், நண்பர்களின் சுயரூபத்தைக் கண்டறிந்து ஒதுக்குவீர்கள்.

மகரம்: வேலைச்சுமை அதிகரிக்கும். அவ்வப்போது உடல்நிலை லேசாக பாதிக்கும். நன்கு அறிமுகம் இல்லாதவர்களை வீட்டில் அனுமதிக்க வேண்டாம். வாகனம் செலவு வைக்கும்.

கும்பம்: அடுத்தடுத்த செலவுகளால் சேமிப்பு கரையும். வாகனத்தை இயக்கும்போது கவனம் தேவை. புண்ணிய தலங்களுக்கு குடும்பத்துடன் சென்று வருவீர்கள். கலைப்பொருட்கள் சேரும்.

மீனம்: சொந்த ஊரில் மதிப்பு உயரும். கவுரவப் பதவிகள் தேடி வரும். மூத்த சகோதரர், சகோதரிகளுடன் நிலவிய கருத்துவேறுபாடு நீங்கும். பணவரவு திருப்திகரமாக இருக்கும்.