இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: நீண்ட நாட்களாகத் தொல்லை தந்த வாகனத்தை மாற்றும் முயற்சியில் ஈடுபடுவீர்கள். முக்கியப் பிரமுகர்கள் அறிமுகமாவார்கள். ஆடை, ஆபரணங்கள் வாங்குவீர்கள்.

ரிஷபம்: எந்தப் பிரச்சினையையும் சமாளிக்கும் சாமர்த்தியம் பிறக்கும். பெரிய மனிதர்களின் நட்பு கிடைக்கும். பழைய கடனில் ஒரு பகுதியை தீர்ப்பீர்கள். விருந்தினர் வருகை உண்டு.

மிதுனம்: சகோதரர்கள், நண்பர்களுடன் நிலவிவந்த பகை நீங்கும். ஈகோ பிரச்சினைகளும், விமர்சனங்களும் அவ்வப்போது தலைதூக்கும். வேலைச்சுமை, பொறுப்புகள் அதிகரிக்கும்.

கடகம்: ஆளுமைத் திறன் அதிகரிக்கும். அதிகாரப் பதவியில் இருப்பவர் அறிமுகமாவார். பணவரவு உண்டு. அரைகுறையாக நின்றுபோன பல காரியங்களை விரைந்து முடிப்பீர்கள்.

சிம்மம்: சுறுசுறுப்புடன் காணப்படுவீர்கள். முக்கிய பிரமுகர் வீட்டு விசேஷங்களில் கலந்து கொள்வீர்கள். வழக்கு விவகாரங்களில் தீர்வு கிடைக்கும். அரசு காரியங்கள் சாதகமாகும்.

கன்னி: பிள்ளைகளால் வெளிவட்டாரத்தில் மதிப்பு உயரும். உறவினர் வீட்டு விசேஷத்தை முன்னின்று நடத்துவீர்கள். குலதெய்வப் பிரார்த்தனையை குடும்பத்துடன் சென்று நிறைவேற்றுவீர்கள்.

துலாம்: எங்கு சென்றாலும் எதிர்ப்புகள் அதிகரித்ததைப் போல உணர்வீர்கள். புதிய நண்பர்கள் அறிமுகமாவார்கள். உங்களது முயற்சிகளுக்கு உறவினர்கள் ஆதரவும், உதவியும் கிடைக்கும்.

விருச்சிகம்: நவீன மின்சாதனங்கள் வாங்குவீர்கள். சகோதரர்களால் முக்கிய காரியங்கள் நிறைவேறும். பழைய கடனில் ஒரு பகுதியை தீர்ப்பீர்கள். பணவரவு திருப்திகரமாக இருக்கும்.

தனுசு: பிரச்சினைகள், எதிர்ப்புகளை சமாளித்து முன்னேறுவீர்கள். எதிர்பார்த்த இடத்தில் இருந்து பணவரவு உண்டு. சிலருக்கு நல்ல வேலை கிடைக்கும். திடீர் பயணம் ஏற்படலாம்.

மகரம்: மற்றவர்கள் உங்களை மதிப்பு குறைவாக நடத்துவதாகவும், உதாசீனப்படுத்துவதாகவும் எண்ணுவீர்கள். பிள்ளைகளின் உயர்கல்வி சம்பந்தப்பட்ட குழப்பம் வந்து நீங்கும்.

கும்பம்: வீண் கவுரவத்துக்காக ஆடம்பரச் செலவுகளை செய்ய வேண்டாம். புண்ணிய ஸ்தலங்களுக்கு சென்று வருவீர்கள். விலகியிருந்த பழைய சொந்தபந்தங்கள் தேடி வருவார்கள்.

மீனம்: பழைய இனிமையான நிகழ்வுகளை அடிக்கடி நினைவுகூர்ந்து மகிழ்வீர்கள். உறவினர்கள், நண்பர்கள் உறுதுணையாக இருப்பார்கள். சமயோசிதமாகப் பேசி மற்றவர்களை கவர்வீர்கள்.