இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எதிலும் முன்னேற்றம் உண்டு. தைரியமாக செயல்பட்டு முக்கிய முடிவுகள் எடுப்பீர்கள். சொந்த பந்தங்களுடன் இருந்த மன வருத்தங்கள் நீங்கி மகிழ்ச்சி உண்டாகும்.

ரிஷபம்: குடும்பத்தில் மனக்கசப்புகள் நீங்கி, கலகலப்பான சூழல் உருவாகும். உங்கள் ஆலோசனையை அனைவரும் கேட்டு நடப்பார்கள். கேட்ட இடத்தில் பண உதவி கிடைக்கும்.

மிதுனம்: பெற்றோருடன் மனத்தாங்கல் வந்து நீங்கும். மின்னணு, மின்சார சாதனங்கள் பழுதாகும். சிறுசிறு விபத்துகள் ஏற்படக்கூடும் என்பதால், பயணத்தில் நிதானம் தேவை.

கடகம்: சின்னச் சின்ன விஷயத்துக்கெல்லாம் கோபப்படா தீர்கள். எதிலும் பொறுமை அவசியம். எதிர்பார்த்த தொகைகள் தாமதமாகும். உடல்நலத்தில் கவனம் செலுத்துங்கள்.

சிம்மம்: தொட்ட காரியங்கள் துலங்கும். கணவன் -மனைவிக்குள் அன்யோன்யம் அதிகரிக்கும். வாகன வசதி பெருகும். வீடு கட்டுவதற்கான அனுமதி கிடைக்கும்.

கன்னி: உங்கள் ஆளுமைத் திறன் அதிகரிக்கும். சவாலான காரியங்களையும் சாதாரணமாக முடித்துக் காட்டுவீர்கள். உறவினர், நண்பர்கள் மத்தியில் செல்வாக்கு உயரும்.

துலாம்: தந்தை வழியில் உதவிகள் கிடைக்கும். வழக்குகள் சாதகமாக அமையும். புண்ணிய காரியங்கள், சுப காரியங்களை தலைமை தாங்கி நடத்துவீர்கள். பேச்சில் நிதானம் தேவை.

விருச்சிகம்: வீடு, வாகன வகையில் பராமரிப்பு செலவு அதிகரிக்கும். கணவன் - மனைவிக்குள் வீண் சந்தேகத்தால் மனஸ்தாபம், கருத்து மோதல், பிரச்சினைகள் வந்து நீங்கும்.

தனுசு: பழுதான வாகனம் சரியாகும். குடும்பத்தில் மகிழ்ச்சியான சம்பவங்கள் நிகழும். கல்யாணப் பேச்சுவார்த்தை கைகூடும். ஆன்மிகத்தில் நாட்டம் அதிகரிக்கும்.

மகரம்: மனைவி வழியில் சில உதவிகள் கிடைக்கும். புது வாகனம் வாங்குவீர்கள். அரசு, வங்கி தொடர்பான காரியங்கள் நல்லபடியாக நிறைவேறும். பிள்ளைகளால் பெருமை உண்டு.

கும்பம்: எதிர்பார்ப்புகள் நிறைவேறும். பழைய நண்பர்கள் தேடி வந்து பேசுவார்கள். அவர்கள் மூலமாக சில உதவிகள் கிடைக்கும். தெய்வீக சிந்தனைகள் அதிகரிக்கும். பணவரவு கூடும்.

மீனம்: ஆன்மிக நாட்டத்தால் அமைதி உண்டாகும். எதிர்காலத்தை ஊகித்து செயலாற்றுவீர்கள். மகிழ்ச்சியான செய்தி தேடி வரும். வெளி வட்டாரத்தில் மரியாதை கூடும்.