இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: சமயோஜித புத்தியுடன் பல காரியங்களையும் முடித்துக் காட்டுவீர். கணவன் மனைவிக்குள் பரஸ்பரம் புரிந்து கொள்வீர். வியாபாரத்தில் பாக்கிகள் வசூலாகும். குழப்பம் நீங்கி அலுவலகத்தில் நிம்மதி பிறக்கும்.

ரிஷபம்: திட்டமிட்ட வேலையை முடிக்க போராட வேண்டியிருக்கும். அக்கம் பக்கத்தினருடன் அளவாக பேசிப் பழகவும். வியாபாரத்தில் குழப்பங்கள் வரும். அலுவலகரீதியாக வெளியூர் பயணம் மேற்கொள்வீர்.

மிதுனம்: முன்கோபத்தை குறையுங்கள். எதிர்பாராத இடத்திலிருந்து உதவி கிட்டும். அலைச்சல் இருக்கும். அலுவலகத்தில் அமைதி காக்கவும். வியாபாரத்தில் வாடிக்கையாளர்களின் ரசனையை புரிந்து கொள்வீர்.

கடகம்: பழைய பிரச்சினைகளுக்கு தீர்வு கிடைக்கும். தாய்வழி உறவினர்கள் வீடு தேடி வருவர். கையில் பணம் புரளும். அலுவலகரீதியாக இருந்து வந்த பிரச்சினைகள் தீரும். வியாபாரத்தை விரிவுபடுத்துவீர்.

சிம்மம்: பணவரவு திருப்தி தரும். உடன்பிறந்தவர்கள் உங்கள் நலனில் அதிக அக்கறை காட்டுவர். நீண்ட நாட்களாக பார்க்க நினைத்த ஒருவர் உங்களை தேடி வருவார். வியாபாரம், உத்தியோகத்தில் ஏற்றமுண்டு.

கன்னி: முன்கோபத்தை கட்டுப்படுத்தி உயர்வதற்கான வழியை யோசிப்பீர்கள். பிள்ளைகள் பொறுப்புணர்ந்து செயல்படுவர்.. தெய்வீக ஈடுபாடு அதிகரிக்கும். கூட்டுத் தொழிலில் லாபமுண்டு. அலுவலகத்தில் மதிப்புயரும்.

துலாம்: தம்பதிக்குள் இருந்த மனக்கசப்பு நீங்கும். கைமாற்றாக வாங்கியிருந்த பணத்தை தந்து முடிப்பீர். முன்கோபம் விலகும். அலுவலகத்தில் தேடிய ஆவணம் கிடைக்கும். வியாபாரத்தில் பாக்கிகள் வசூலாகும்.

விருச்சிகம்: பயணங்கள் அலைச்சல் தரும். பணிகளை முடிக்க போராடுவீர். வியாபாரத்தில் பங்குதாரர்களை பகைத்துக் கொள்ள வேண்டாம். அலுவலகத்தில் சக ஊழியர்களுடன் இணக்கமாக செயல்படுவது நல்லது.

தனுசு: அதிகார பதவியில் இருப்பவர்கள் அறிமுகமாவர். அரசால் ஆதாயம் உண்டு. முன்கோபத்தை குறைப்பீர். ஷேர் மூலம் பணம் வரும். வியாபாரத்தில் இழுபறியாக இருந்த பாக்கிகள் வசூலாகும். உத்தியோகம் சிறக்கும்.

மகரம்: பெற்றோரின் விருப்பங்களை நிறைவேற்றுவீர். மனவலிமையுடன் காரியங்களை முடித்துக் காட்டுவீர். வெளியூரிலிருந்து நல்ல செய்தி வரும். உத்தியோகத்தில் உங்கள் கை ஓங்கும். வியாபாரத்தை விரிவுபடுத்துவீர்.

கும்பம்: தன்னம்பிக்கையுடன் பொது காரியங்களில் ஈடுபடுவீர். உறவினர், நண்பர்களால் ஆதாயம் உண்டு. வியாபாரத்தில் பங்குதாரர்களுடன் இருந்த குழப்பம் நீங்கும். அலுவலகத்தில் பணிச்சுமை குறையும்.

மீனம்: நம்பிக்கைக்கு உரியவரை கலந்தாலோசித்து சில முடிவுகள் எடுப்பீர். குடும்பத்தில் நிம்மதியுண்டு. வியாபாரத்தில் பழைய பணியாட்களை மாற்றுவீர்கள். அலுவலகரீதியாக திடீர் பயணங்கள் மேற்கொள்வீர்கள்.