இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: உறவினர், நண்பர்கள் மத்தியில் மதிப்பு கூடும். ஆடம்பர செலவைக் குறைத்து வருங்காலத்துக்காக சேமிக்கத் தொடங்குவீர். குடும்பத்தில் நிம்மதி தங்கும். வியாபாரம், உத்தியோகத்தில் ஏற்றம் காண்பீர்கள்.

ரிஷபம்: காரியத் தடைகள், அலைச்சல் வந்து போகும். குடும்பத்தினரால் வீண் செலவு உண்டு. வியாபாரத்தில் பழைய பாக்கிகளை போராடி வசூலிக்க வேண்டி வரும். அலுவலகத்தில் யாரையும் பகைத்துக் கொள்ளாதீர்கள்.

மிதுனம்: குடும்பத்தில் உங்களின் வார்த்தைக்கு மதிப்பு கூடும். மகிழ்ச்சிகரமான சூழல் நிலவும். அலுவலகத்தில் சக ஊழியர்கள் ஆதரவாக இருப்பர். பதவிகள் தேடி வரும். வியாபாரத்தை விரிவுபடுத்த முயற்சிப்பீர்கள்.

கடகம்: இல்லத்தில் அடிப்படை வசதிகள் பெருகும். பூர்வீக சொத்து பிரச்சினை முடிவுக்கு வரும். திருமணம் போன்ற சுபநிகழ்ச்சிகளில் முதல் மரியாதை கிடைக்கும். வியாபாரம் சூடு பிடிக்கும். உத்தியோகம் சிறக்கும்.

சிம்மம்: தாமதப்பட்ட திருமணம் கைகூடி வரும். விரும்பிய பொருட்களை வாங்கி மகிழ்வீர். பூர்வீக வீட்டை அதிக செலவு செய்து சீரமைப்பீர். வியாபாரம் லாபம் தரும். அலுவலகத்தில் அமைதி காப்பது நல்லது.

கன்னி: நினைத்த காரியம் நிறைவேறும். புது முயற்சிகளில் வெற்றி காண்பீர். தம்பதிக்குள் இருந்த கசப்புகள் விலகும். வீண் அலைச்சல் குறையும். வியாபாரரீதியாக வெளியூர் பயணங்கள் செல்வீர். உத்தியோகத்தில் ஏற்றமுண்டு.

துலாம்: எந்தப் பிரச்சினையையும் சமாளிக்கும் மனப் பக்குவம் கிடைக்கும். உடன்பிறந்தவர்கள் பக்கபலமாக இருப்பார்கள். அலுவலகரீதியான பயணங்களால் புத்துணர்ச்சி பெறுவீர். அலுவலகத்தில் மதிப்பு உயரும்.

விருச்சிகம்: பிள்ளைகள் படிப்பு தொடர்பாக அலைச்சல் உண்டு. தம்பதிக்குள் மனம்விட்டு பேசி பிரச்சினைகளை சமாளிப்பீர். வியாபாரம் சிறக்கும். அலுவலகத்தில் சக ஊழியர்களுடன் இணக்கமாக செயல்படுவது நல்லது.

தனுசு: இங்கிதமாக பேசி கடினமான காரியங்களையும் சாதிப்பீர். பிள்ளைகள் பொறுப்பாக நடந்து கொள்வர். வியாபாரத்தில் பழைய பாக்கிகள் வசூலாகும். சரக்குகள் விற்பனையாகும். அலுவலகத்தில் அமைதி காக்கவும்.

மகரம்: சமூகத்தில் நல்ல அந்தஸ்தில் இருப்பவர்களின் அறிமுகம் கிடைக்கும். தம்பதிக்குள் இருந்த சங்கடங்கள் நீங்கும். குடும்ப வருமானத்தை பெருக்க வழி கிட்டும். வியாபாரம் சூடு பிடிக்கும். உத்தியோகம் சிறக்கும்.

கும்பம்: பழைய நல்ல நினைவுகளை நினைத்து அசை போடுவீர். சுற்றியிருப்பவர்கள் உங்களிடம் அன்பாக இருப்பர். வியாபாரத்தில் பழைய பாக்கிகளை போராடி வசூலிப்பீர். அலுவலகத்தில் மதிப்பு, மரியாதை உயரும்.

மீனம்: உங்களின் இலக்கை நோக்கி முன்னேறுவீர்கள். குடும்பத்தில் நல்லது நடக்கும். பிள்ளைகள் படிப்பில் ஆர்வம் காட்டுவார்கள். வியாபாரம் ஏற்றம் தரும். அலுவலகத்தில் யாரையும் பகைத்துக் கொள்ளாதீர்கள்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow