இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பழைய நண்பர்கள் வீடு தேடி வருவர். குடும்ப வருமானத்தை உயர்த்த புது முயற்சிகள் மேற்கொள்வீர். வியாபாரத்தில் லாபம் பார்க்கலாம். அலுவலகத்தில் பணிச்சுமை குறையும். மேலதிகாரிகள் பாராட்டுவர்.

ரிஷபம்: எதிர்ப்புகளையும் தாண்டி முன்னேறுவீர்கள். வீடு, வாகன பராமரிப்பு செலவுகள் அதிகரிக்கும். பங்குதாரர்களின் ஒத்துழைப்புடன் வியாபாரத்தை விரிவு படுத்துவீர். அலுவலகத்தில் அந்தஸ்து உயரும்.

மிதுனம்: எதிரிகள் பணிந்து போவார்கள். தம்பதிக்குள் நெருக்கம் அதிகமாகும். விருந்தினர் வருகையால் வீட்டில் மகிழ்ச்சி தங்கும். வெளியூர் பயணங்கள் திருப்தி தரும். வியாபாரம், உத்தியோகத்தில் ஏற்றம் காண்பீர்கள்.

கடகம்: குடும்பத்தினருடன் வீண் வாக்குவாதம் வரும். எதிலும் முன்யோசனையுடன் செயல்படவும். வரவுக்கு மிஞ்சிய செலவு இருக்கும். உத்தியோகம் சிறக்கும். வியாபாரத்தில் பணியாட்களிடம் கோபப்படாதீர்கள்.

சிம்மம்: உங்களின் இலக்கை நோக்கி முன்னேறுவீர்கள். அரசால் அனுகூலம் உண்டு. தம்பதிக்குள் அன்யோன்யம் பிறக்கும். வழக்கில் வெற்றி பெறுவீர். வியாபாரரீதியாக பயணம் இருக்கும். உத்தியோகத்தில் ஏற்றம் காண்பீர்.

கன்னி: குடும்பத்தில் உங்கள் வார்த்தைக்கு மதிப்பு கூடும். உறவினர் வருகையால் வீடு களைகட்டும். வாகனத்தை சீர் செய்வீர். வியாபாரத்தில் முன்னேற்றம் உண்டு. அலுவல கத்தில் தேடிய ஆவணம் கிடைக்கும்.

துலாம்: இரண்டு மூன்று முயற்சிகளுக்குப் பிறகு சில காரியங்கள் முடியும். குடும்பத்தினருடன் அனுசரித்துப் போகவும். வீண் செலவுகள் வரக்கூடும். வியாபாரத்தில் லாபமுண்டு. அலுவலகத்தில் அமைதி காப்பது நல்லது.

விருச்சிகம்: சோர்வு நீங்கி சுறுசுறுப்படைவீர். சிந்தனைத்திறன் அதிகரிக்கும். குடும்பத்தில் கலகலப்பான சூழல் ஏற்படும். வியாபாரம் சூடு பிடித்து லாபம் பார்க்கலாம். அலுவலகத்தில் யாரையும் பகைத்துக் கொள்ளாதீர்கள்.

தனுசு: தைரியமான முடிவுகளை எடுத்து வெற்றி காண்பீர். வெளிவட்டாரத்தில் மதிப்பு உயரும். ஆடம்பர செலவுகளை குறைத்து சேமிப்பீர். சகோதர வகையில் மகிழ்ச்சி தங்கும். வியாபாரம், உத்தியோகம் சிறக்கும்.

மகரம்: உங்களை சுற்றியிருப்பவர்களில் நல்லவர் யார், அல்லாதவர் யார் என்பதை உணர்வீர். சகோதரர்களின் ஆதரவு கிடைக்கும். வியாபாரத்தில் ஓரளவு லாபமுண்டு. அலுவலகத்தில் வீண் விவாதங்களை தவிர்த்துவிடவும்.

கும்பம்: மனக் குழப்பங்கள் விலகும். குடும்பத்தினரின் எண்ணங்களை பூர்த்தி செய்வீர். பயணங்கள் அலைச்சல் தரும். தாயாரின் உடல்நலம் பாதிக்கும். வியாபாரம் சிறக்கும். அலுவலகத்தில் புதிய பதவி கிட்டும்.

மீனம்: தம்பதிக்குள் இருந்த ஈகோ பிரச்சினை, வீண் சந்தேகம் விலகும். இலக்கை நோக்கி முன்னேறுவீர். அலுவலகத்தில் தேவையில்லாத விஷயங்களில் ஈடு படுவதை தவிர்க்கவும். வியாபாரம் லாபம் தரும்.

- ஜோதிஷபூஷண் வேங்கடசுப்பிரமணியன்