இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: வீண் அலைச்சல், விரயச் செலவு வரக்கூடும். குடும்பத்தில் விட்டுக் கொடுத்து போவது நல்லது. வியாபாரத்தில் பழைய சரக்குகளை போராடி விற்பீர்கள். அலுவலகத்தில் யாரை பற்றியும் குறை கூற வேண்டாம்.

ரிஷபம்: குடும்பத்தில் நிலவி வந்த குழப்பம் விலகும். பணவரவு திருப்திகரமாக அமையும். வியாபாரத்தில் சில நுணுக்கங்களை கற்றுக் கொள்வீர். உத்தியோகத்தில் செல்வாக்கு உயரும். வெளியூர் பயணம் செல்வீர்கள்.

மிதுனம்: விரும்பிய பொருட்களை வாங்கி மகிழ்வீர். கணவன் மனைவிக்குள் இருந்து வந்த பனிப்போர் மறையும். வியாபாரத்தில் பங்குதாரர்களை அனுசரித்து நடக்கவும். அலுவலகத்தில் மதிப்பு, மரியாதை கூடும்.

கடகம்: அடிமனதில் இருந்த தாழ்வு மனப்பான்மை நீங்கும். வீண் செலவுகளை தவிர்க்கவும். நண்பர்கள் மத்தியில் மதிப்பு கூடும். வியாபாரத்தில் சரக்குகள் விற்று தீரும். அலுவலகத்தில் நிதானமாக செயல்படவும்.

சிம்மம்: எடுத்த வேலையை திறம்பட செய்து முடிப்பீர். அழகு, இளமை கூடும். உங்களால் பயனடைந்தவர்கள் இப்போது உங்களுக்கு உதவி செய்வார்கள். வியாபாரத்தில் பாக்கிகள் வசூலாகும். உத்தியோகத்தில் மேன்மையுண்டு.

கன்னி: கடனாக கொடுத்த பணத்தை வசூலிப்பீர்கள். கணவன் - மனைவிக்குள் அன்யோன்யம் பிறக்கும். உடன்பிறந்தவர்கள் உதவிகரமாக இருப்பர். வியாபாரம் லாபம் தரும். அலுவலகத்தில் வீண் விவாதம் தவிர்ப்பீர்.

துலாம்: முகமலர்ச்சியுடன் காணப்படுவீர். குடும்பத்தில் குழப்பங்கள் விலகும். ஆடை, ஆபரணங்கள் சேரும். உடன்பிறந்தவர்களின் ஆதரவு உண்டு. வியாபாரம் சூடு பிடிக்கும். உத்தியோகத்தில் மேலதிகாரி மதிப்பார்.

விருச்சிகம்: தம்பதிக்குள் சின்னச் சின்ன கருத்து மோதல் வரலாம். பிள்ளைகளின் உடல்நலத்தில் அக்கறைகாட்டவும். வியாபாரத்தில் பாக்கிகளை வசூலிப்பீர். அலுவலகத்தில் தேடிய முக்கிய ஆவணம் கிடைக்கும்.

தனுசு: பழைய நண்பர்கள், உறவினர்கள் தேடி வருவர். குடும்பத்தில் உள்ளவர்களின் உணர்வுகளை புரிந்து கொண்டு அதற்கேற்ப உங்களை மாற்றிக் கொள்வீர்கள். வியாபாரத்தில் லாபம் உண்டு. உத்தியோகம் சிறக்கும்.

மகரம்: பழைய வழக்குகளை பேசித் தீர்ப்பீர். பணவரவு திருப்தி தரும். முக்கிய பிரமுகர்களின் அறிமுகத்தால் மகிழ்ச்சியடைவீர். வியாபாரத்தை விரிவுபடுத்துவீர்கள். அலுவலகத்தில் தொல்லை தந்த அதிகாரி பணிவார்.

கும்பம்: தடைபட்டு வந்த வேலைகள் இன்று முடியும். பெற்றோருடன் மோதல்போக்கு வேண்டாம். உறவினர் மத்தியில் மதிப்பு உயரும். வியாபாரத்தில் நல்ல லாபம் பார்க்கலாம். அலுவலகத்தில் மேலதிகாரி பாராட்டுவார்.

மீனம்: தள்ளிப் போய் கொண்டிருந்த சுபநிகழ்ச்சிக்கு நாள் குறிப்பீர். பணவரவு திருப்தி தரும். முன்கோபத்தை தவிர்ப்பீர். வியாபாரத்தில் வாடிக்கையாளர் ரசனையை புரிந்து கொள்வீர். உத்தியோகத்தில் ஏற்றம் காண்பீர்கள்.

- ஜோதிஷபூஷண் வேங்கடசுப்பிரமணியன்