இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எதிர்மறை எண்ணங்கள் நீங்கும். முக்கிய பிரமுகர்களின் வீட்டு விசேஷங்களில் பங்கேற்பீர்கள். கல்யாண பேச்சுவார்த்தை நல்ல விதத்தில் முடியும். வியாபாரம் சூடு பிடிக்கும். உத்தியோகம் சிறக்கும்.

ரிஷபம்: இழுபறியாக இருந்து வந்த வேலை முடியும். தந்தையாரின் உடல் நிலை சீராகும். அரசு தொடர்பான காரியம் சாதகமாகும். வியாபாரத்தில் சரக்குகள் விற்று தீரும். அலுவலகத்தில் மதிப்பு, மரியாதை உயரும்.

மிதுனம்: மன தைரியம் பிறக்கும். வருங்காலம் பற்றிய பயமும் விலகும். பணப் பிரச்சினையை சமாளிக்க வழி கிடைக்கும். வியாபாரத்தில் பிரபலங்கள் அறிமுகமாவர். உத்தியோகத்தில் நீங்கள் எதிர்பார்த்த இடமாற்றமுண்டு.

கடகம்: திட்டமிட்ட வேலைகள் தடைபட்டு முடியும். பெற்றோரின் உடல்நலத்தில் கவனம் தேவை. பணவரவு திருப்தி தரும். அலுவலகத்தில் வீண் விவாதங்களை தவிர்த்துவிடவும். வியாபாரத்தில் போட்டி குறையும்.

சிம்மம்: குடும்ப உறுப்பினர்களின் ஆதரவு கிட்டும். பிள்ளைகளால் மகிழ்ச்சி உண்டு. அலுவலகத்தில் நீண்ட நாட்களாக தேடிய ஆவணம் கிடைக்கும். வியாபாரத்தில் பணியாட்கள் ஒத்துழைப்பு தருவர். லாபம் பார்க்கலாம்.

கன்னி: பிரச்சினைகளை சமாளிக்கும் சக்தி கிடைக்கும். ஓரளவு பணவரவு உண்டு. பழைய பிரச்சினைகளுக்கு தீர்வு கிடைக்கும். வியாபாரத்தில் ஏற்றம் காண்பீர்கள். உத்தியோகத்தில் மேலதிகாரி உதவிகரமாக இருப்பார்.

துலாம்: கைமாற்றாக கேட்டிருந்த பணம் கிடைக்கும். சொத்து பிரச்சினைகள் தீரும். பிரபலங்களுடன் வீட்டு விசேஷங்களில் பங்கேற்பீர். உங்களால் ஆதாயமடைந்த சிலரை சந்திப்பீர். வியாபாரம், உத்தியோகம் சிறக்கும்.

விருச்சிகம்: சவாலான காரியங்களை செய்து முடிப்பீர். எதிர்பார்த்த பணம் வரும். குழப்பம் நீங்கி குடும்பத்தில் ஒற்றுமை பிறக்கும். வியாபாரத்தை விரிவுபடுத்துவீர்கள். அலுவலகத்தில் யாரையும் பகைத்துக் கொள்ளாதீர்கள்.

தனுசு: பணவரவு திருப்தி தரும். உங்களின் நிர்வாகத் திறன் அதிகரிக்கும். பிள்ளைகளின் திறமைகளை கண்டறிந்து வளர்ப்பீர். வியாபாரத்தில் லாபம் உண்டு. அலுவலகத்தில் மற்றவர் விஷயத்தில் தலையிடாதீர்கள்.

மகரம்: சொத்து விவகாரங்களில் கவனம் தேவை. எடுத்த வேலையை முடிக்க போராடுவீர். பழைய வாகனம் செலவு வைக்கும். வியாபாரத்தில் ஓரளவு லாபமுண்டு. அலுவலகரீதியாக வெளியூர் பயணம் மேற்கொள்வீர்கள்.

கும்பம்: மறைமுகமாக செயல்பட்டவர்களை அறிந்து ஒதுக்குவீர். குடும்பத்தில் உங்கள் பேச்சுக்கு ஆதரவு கூடும். வியாபாரத்தில் புதிய யுக்திகளை கையாள்வீர்கள். உத்தியோகத்தில் சக ஊழியர்கள் கனிவாக நடப்பார்கள்.

மீனம்: பிரபலங்களின் வீட்டு சுப நிகழ்ச்சிகளில் கலந்து கொள்வீர். குடும்பத்தில் மகிழ்ச்சி தங்கும். பிள்ளைகள் உங்கள் அறிவுரையை ஏற்று கொள்வர். உத்தியோகத்தில் மேலதிகாரியின் ஆதரவு உண்டு. வியாபாரம் சிறக்கும்.

- ஜோதிஷபூஷண் வேங்கடசுப்பிரமணியன்