இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: தம்பதிக்குள் இருந்து வந்த பிணக்குகள் நீங்கி அன்யோன்யம் அதிகரிக்கும். பணவரவு திருப்திகரமாக இருக்கும். புதிய பங்குதாரரின் ஆலோசனையால் வியாபாரத்தை விரிவுபடுத்துவீர். உத்தியோகம் சிறக்கும்.

ரிஷபம்: எதிர்பார்த்த இடத்திலிருந்து உதவி கிடைக்கும். உங்களின் நிர்வாக திறமை வெளிப்படும். அரசால் அனுகூலம் உண்டு. பிள்ளைகளின் தனித் திறமைகளை கண்டறிவீர். வியாபாரம், உத்தியோகத்தில் மேன்மை உண்டு.

மிதுனம்: பேச்சில் நிதானம் தேவை. தம்பதிக்குள் விட்டு கொடுக்கவும். அலுவலகத்தில் நீங்கள் எதிர்பார்த்த இடமாற்றம் உண்டு. வீண் விவாதம் தவிர்ப்பீர். வியாபாரத்தில் போட்டி அதிகரிக்கும். புதிய யுக்திகளை கையாளுவீர்.

கடகம்: விருந்தினர் வருகையால் வீடு களைகட்டும். மாணவர்களின் கவனம் படிப்பில் திரும்பும். வியாபாரம் சூடு பிடிக்கும். உத்தியோகத்தில் மேலதிகாரிகள் முக்கிய பொறுப்புகளை உங்களிடம் ஒப்படைப்பார்கள்.

சிம்மம்: சவாலான விஷயங்களையும் சாதாரணமாக செய்து முடிப்பீர். குடும்ப உறுப்பினர்கள் உங்கள் ஆலோசனையை கேட்டு நடப்பர். வியாபாரம் லாபம் தரும். அலுவலகத்தில் மதிப்பு, மரியாதை உயரும்.

கன்னி: குடும்பத்தினரின் விருப்பங்களை கேட்டறிந்து நிறைவேற்றுவீர். கையில் பணம் புரளும். விஐபிகளை சந்திப்பதால் புத்துணர்ச்சி பெறுவீர்கள். வியாபாரத்தில் பாக்கிகள் வசூலாகும். அலுவலகப் பிரச்சினை விலகும்.

துலாம்: ஊர் விசேஷங்களை முன்னின்று நடத்துவீர். தம்பதிக்குள் நெருக்கம் உண்டாகும். கையில் பணம் புரளும். தாயாரின் உடல்நலம் சீராகும். வியாபாரம் சூடு பிடிக்கும். அலுவலகத்தில் அமைதி காப்பது நல்லது.

விருச்சிகம்: எதையும் தாங்கும் மனவலிமை கிட்டும். பணவரவு உண்டு. ஏமாற்றங்களை முறியடித்து வெற்றி பெறுவீர். கூட்டுத்தொழிலில் போட்டிகள் குறையும். அலுவலகத்தில் உங்கள் மீது இருந்த வீண் பழி அகலும்.

தனுசு: திடீர் பயணங்கள் அலைச்சல் தரும். உடல்நலத்தில் கவனம் செலுத்துங்கள். எடுத்த வேலையை முடிக்கபோராடுவீர். வியாபாரத்தில் பழைய பாக்கி வசூலாகும். அலுவலகத்தில் யாரையும் குறை கூறாதீர்கள்.

மகரம்: திர்பார்த்த உதவி தக்க சமயத்தில் கிடைக்கும். தம்பதிக்குள் இருந்து வந்து குழப்பங்கள் விலகும். அலுவலகத்தில் புதிய பதவிக்கு பரிந்துரை செய்யப்படுவீர். வியாபாரத்தில் பழைய சரக்குகள் விற்றுத் தீரும்.

கும்பம்: குடும்பத்தினரின் ஒத்துழைப்பு கிட்டும். வர வேண்டிய பணம் கைக்கு வரும். முன்கோபம் குறையும். அலுவலகத்தில் எதிர்பாராத திருப்பங்கள் உண்டாகும். கூட்டுத்தொழிலில் பங்குதாரர்கள் ஆதரவாக இருப்பர்.

மீனம்: நீண்ட நாள் பிரச்சினைகளுக்கு தீர்வு கிடைக்கும். வழக்கு சாதகமாகும். உறவினர்களுடன் இருந்த பிரச்சினைகள் நீங்கும். வியாபாரத்தில் பணியாட்களின் ஆதரவு கிட்டும். அலுவலகத்தில் அமைதி காக்கவும்.

- ஜோதிஷபூஷண் வேங்கடசுப்பிரமணியன்