இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தில் பிரச்சினைகள் ஓயும். ஓரளவு பணவரவு உண்டு. தவிர்க்க முடியாத பயணங்கள் வரும். வியாபாரத்தில் பாக்கிகளை வசூலிப்பதில் சிரமம் இருக்கும். அலுவலகத்தில் அமைதி காப்பது நல்லது.

ரிஷபம்: திறமையுடன் செயல்பட்டு சில காரியங்களை முடிப்பீர். மனக் குழப்பங்கள் நீங்கும். தம்பதிக்குள் அன்யோன்யம் உண்டு. அலுவலகத்தில் சக ஊழியர் மத்தியில் மதிப்பு உயரும். வியாபாரத்தில் லாபம் கிட்டும்.

மிதுனம்: பளிச்சென்று பேசி எல்லோரையும் கவருவீர். தம்பதிக்குள் நெருக்கம் அதிகமாகும். வீட்டில் சுப நிகழ்ச்சிகள் ஏற்பாடாகும். வியாபாரம் சூடு பிடித்து நல்ல லாபம் பார்க்கலாம். உத்தியோகத்தில் மேன்மை உண்டு.

கடகம்: மற்றவர்களுக்கு எந்த வகையிலும் உறுதிமொழி தர வேண்டாம். திடீர் செலவினங்கள் கூடும். புண்ணிய தலங்களுக்கு சென்று வரவும். வியாபாரத்தில் ஏற்றம் உண்டு. அலுவலகத்தில் விவாதங்களை தவிர்க்கவும்.

சிம்மம்: மனநிறைவுடன் சில காரியங்களை செய்து முடிப்பீர். விருந்தினர் வருகையால் வீட்டில் மகிழ்ச்சி கிட்டும். வியாபாரத்தில் புது வாடிக்கையாளர்கள் அறிமுகமாவர். உத்தியோகத்தில் இடமாற்றம் உண்டு.

கன்னி: குழப்பம் நீங்கி தன்னம்பிக்கை பிறக்கும். உடன் பிறந்தவர்களின் ஆதரவு கிட்டும். விவேகத்துடன் செயல்பட்டு சில பணிகளை முடிப்பீர். வியாபாரத்தில் பாக்கி வசூலாகும். அலுவலகத்தில் மேலதிகாரி பாராட்டுவார்.

துலாம்: நீண்ட நாட்களாக தடைபட்டு வந்த காரியங்கள் சுமுகமாக முடியும். உறவினர், நண்பர்கள் மத்தியில் மதிப்பு கூடும். தம்பதிக்குள் மகிழ்ச்சியுண்டு. வியாபாரம் சூடு பிடிக்கும். அலுவலகரீதியாக பயணங்கள் இருக்கும்.

விருச்சிகம்: குடும்பத்தில் உள்ளவர்களிடம் மனம் விட்டுப் பேசுவீர். மனதுக்குப் பிடித்தவர்களுடன் சந்திப்பு நிகழும். வியாபாரத்தில் பழைய பாக்கி வசூலாகும். அலுவலகத்தில் சக ஊழியர்களுடன் இணக்கமாக செயல்படவும்.

தனுசு: வீண் குழப்பம் விலகும். எதிர்பாராத பணவரவு உண்டு. வீட்டில் நிம்மதி பிறக்கும். பழைய கடன் பிரச்சினையை தீர்க்க வழி பிறக்கும். சகோதர வகையில் சுபச் செலவு உண்டு. வியாபாரம், உத்தியோகம் சிறக்கும்.

மகரம்: பழைய பிரச்சினைகளை நினைத்து வருந்தாதீர். தம்பதிக்குள் விட்டுகொடுத்து போகவும். பிள்ளைகளால் மனநிம்மதி கிட்டும். வியாபாரத்தில் பாக்கியை வசூலிப்பீர். அலுவலகத்தில் அமைதி காப்பது நல்லது.

கும்பம்: சோர்வு நீங்கி, முகப் பொலிவு கூடும். வங்கிக் கடன் உதவி கிடைக்கும். உடன் பிறந்தவர்களின் ஆதரவு உண்டு. வியாபாரத்தை விரிவுபடுத்த முயற்சிப்பீர். அலுவலகத்தில் புதிய பதவிக்கு பரிந்துரைக்கப்படுவீர்.

மீனம்: தடைபட்ட காரியங்கள் நல்ல விதத்தில் முடியும். வேலைக்கு விண்ணப்பித்து காத்திருந்தவர்களுக்கு நல்ல நிறுவனத்தில் வேலை கிடைக்கும். வியாபாரரீதியான வெளியூர் பயணம் சாதகமாகும்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow