இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: தடைபட்ட அரசாங்க வேலைகள் முடியும். முக்கிய பிரமுகர்கள் வீட்டு சுபநிகழ்ச்சிகளில் குடும்பத்துடன் சென்று கலந்து கொள்வீர். வியாபாரம் லாபம் தரும். உத்தியோகத்தில் மேன்மை உண்டு.

ரிஷபம்: சில காரியங்களை முடிப்பதில் தடை ஏற்படும். பணவரவு உண்டு. கூட்டுத் தொழிலில் நிதானம் தேவை. பங்குதாரர்களின் ஆலோசனைகளை கேட்டு நடக்கவும். அலுவலகத்தில் வீண் விவாதங்களை தவிர்ப்பது நல்லது.

மிதுனம்: வெளியூரிலிருந்து நல்ல செய்தி வரும். புது வேலை அமையும். பிள்ளைகளால் பெருமையடைவீர். வியாபாரத்தில் வாடிக்கையாளர்கள் அதிகரிப்பார்கள். உத்தியோகத்தில் நீங்கள் விரும்பிய இடமாற்றம் உண்டு.

கடகம்: அதிகார பதவியில் இருப்பவர் அறிமுகமாவார். முன்கோபத்தை குறைப்பீர். அரசால் ஆதாயம் உண்டு. வியாபாரத்தில் இழுபறியாக இருந்த பாக்கி வசூலாகும். அலுவலகத்தில் தேடிய முக்கிய ஆவணம் கிடைக்கும்.

சிம்மம்: பழைய பிரச்சினைகளுக்கு தீர்வு கிடைக்கும். தாய்வழி உறவினர்கள் வீடு தேடி வருவர். பணம் புரளும். அலுவலகரீதியாக இருந்து வந்த பிரச்சினைகள் பனியாய் உருகும். வியாபாரத்தில் முன்னேற்றம் உண்டு.

கன்னி: பூர்வீக சொத்துப் பிரச்சினைகள் முடிவுக்கு வரும். பால்ய நண்பர்களை சந்திப்பீர்கள். பிள்ளைகள் பொறுப்பாக நடந்து கொள்வார்கள். கூட்டுத் தொழிலில் கடையை விரிவுபடுத்துவீர். உத்தியோகம் சிறக்கும்.

துலாம்: உறவினர், நண்பர்களின் ஆதரவு உண்டு. விலை உயர்ந்த பொருட்கள் வாங்குவீர்கள். வீட்டில் கூடுதலாக ஒரு தளம் கட்டுவீர். வியாபாரத்தில் போட்டி குறையும். அலுவலகத்தில் உங்கள் மீது இருந்த வீண் பழி அகலும்.

விருச்சிகம்: மனக் குழப்பங்கள் நீங்கி தெளிவான முடிவுகளை எடுப்பீர். தம்பதிக்குள் நெருக்கம் அதிகரிக்கும். வெளிவட்டாரத்தில் மதிப்பு, மரியாதை கூடும். வியாபாரம், உத்தியோகத்தில் மேன்மை உண்டு.

தனுசு: தெளிவான முடிவுகள் எடுக்க முடியாமல் குழம்புவீர். பழைய கடன், பகையை நினைத்து பயம் வரும். குடும்பத்தினரின் ஆதரவு கிட்டும். வியாபாரம் சூடு பிடிக்கும். உத்தியோகத்தில் போராட்டம் உண்டு.

மகரம்: எதிர்பாராத பயணங்களால் ஆதாயம் உண்டு. முக்கிய பிரமுகர்களின் நட்பு கிடைக்கும். அரசு காரியங்கள் விரைந்து முடியும். தம்பதிக்குள் இருந்த பிரச்சினை விலகும். வியாபாரம், உத்தியோகம் சிறக்கும்.

கும்பம்: குடும்பத்தில் உங்கள் கை ஓங்கும். மாறுபட்ட அணுகுமுறையால் பிரச்சினைகளுக்கு தீர்வு காண்பீர். அலுவலகத்தில் மதிப்பு உயரும். வியாபாரத்தில் பெரிய பதவியில் இருப்பவரின் தொடர்பு கிடைக்கும்.

மீனம்: பேசாமல் இருந்த உறவினர், நண்பர்கள் வலிய வந்து பேசுவர். குடும்பத்துடன் சென்று குலதெய்வ பிரார்த்தனைகளை நிறைவேற்றுவீர். வியாபாரத்தில் பாக்கி வசூலாகும். அலுவலகத்தில் அமைதி காக்கவும்.