இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எதிர்பார்ப்புகள் நிறைவேறும். பெரியோரின் ஆசி கிடைக்கும். பிள்ளைகளால் மனநிம்மதி கிட்டும். கல்யாண முயற்சி வெற்றி அடையும். வியாபாரத்தை விரிவுபடுத்துவீர். உத்தியோகத்தில் மேன்மை உண்டு.

ரிஷபம்: வீண் அலைச்சல், டென்ஷன் ஏற்படும். அடுத்தவர் விஷயத்தில் தலையிடாமல் இருப்பது நல்லது. பிள்ளைகளால் நிம்மதி கிட்டும். வியாபாரம் சூடு பிடிக்கும். அலுவலகத்தில் வேலைச்சுமை அதிகரிக்கும்.

மிதுனம்: பிள்ளைகளால் மகிழ்ச்சி உண்டாகும். முக்கிய பிரமுகர்களின் அறிமுகம் கிடைக்கும். புது திட்டங்கள் தீட்டுவீர். தியானம், யோகா, ஆன்மிகத்தில் ஈடுபாடு அதிகரிக்கும். வியாபாரம், உத்தியோகத்தில் மேன்மை உண்டு.

கடகம்: சுபச் செலவுகள் வரும். வீட்டுக்குத் தேவையான பொருட்களை வாங்குவீர். நல்ல இடவசதியுடன் கூடிய குடியிருப்புக்கு செல்வீர். வியாபாரத்தில் லாபம் உண்டு. அலுவலகத்தில் மேலதிகாரியின் பாராட்டு கிடைக்கும்.

சிம்மம்: பூர்வீக சொத்துப் பிரச்சினைகளை பேசித் தீர்க்க வழி பிறக்கும். பணவரவு திருப்தி தரும். குலதெய்வம் கோயிலுக்கு குடும்பத்துடன் சென்று வருவீர். கூட்டுத் தொழிலில் லாபம் உண்டு. பொறுப்புகள் அதிகரிக்கும்.

கன்னி: மறைமுக எதிர்ப்புகளை வெல்வீர். தம்பதிக்குள் நிலவி வந்த பனிப்போர் மறையும். வெளியூரிலிருந்து நற்செய்தி வரும். வியாபாரத்தை விரிவுபடுத்துவீர்கள். உத்தியோகத்தில் புதிய பதவிக்கு தேர்வு செய்யப்படுவீர்.

துலாம்: திடீர் செலவு, மன உளைச்சல் வந்து போகும். வியாபாரத்தில் வேளையாட்களால் தொந்தரவு வரும். புதிய வாடிக்கையாளர்களிடம் கனிவாக பேசவும். அலுவலகத்தில் சக ஊழியர்கள் நேசக்கரம் நீட்டுவர்.

விருச்சிகம்: பேச்சில் அனுபவ அறிவு வெளிப்படும். பிள்ளைகள் அன்பாக நடந்து கொள்வர். எதிர்பார்த்த பணம் வரும். வியாபாரத்தை விரிவுபடுத்த முயற்சி மேற்கொள்வீர். அலுவலகத்தில் உங்கள் கை ஓங்கும்.

தனுசு: ஈகோ பிரச்சினை தீர்ந்து தம்பதிக்குள் நெருக்கம் உண்டாகும். வராது என்றிருந்த பணம் வரும். விலகிச் சென்ற உறவினர் வலிய வந்து பேசுவார். வியாபாரத்தில் பாக்கிகள் வசூலாகும். அலுவலகத்தில் மதிப்பு உயரும்.

மகரம்: பால்ய நண்பர்கள் உதவுவர். மகளுக்கு நல்ல வரனும், மகனுக்கு புது வேலையும் அமையும். அலுவலகத்தில் தான் உண்டு தன் வேலை உண்டு என்று இருக்கவும். வியாபார ரீதியாக வெளியூர் பயணம் செல்வீர்.

கும்பம்: குடும்பத்தில் எல்லாவற்றையும் இழுத்துப் போட்டு பார்க்க வேண்டியிருக்கும். மனைவி, தாயாரின் உடல்நலம் சீராகும். உத்தியோகத்தில் புதிய பதவி கிட்டும். வியாபாரத்தில் போட்டிகள் உடைபடும்.

மீனம்: எதிர்பார்த்த பணம் கைக்கு வரும். தந்தையின் உடல்நலம் சீராகும். பழைய பள்ளி நண்பர்களை சந்திப்பீர். அலுவலகத்தில் மேலதிகாரி பாராட்டுவார். வியாபாரம் சூடு பிடித்து நல்ல லாபம் பார்க்கலாம்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow