இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பழைய நல்ல சம்பவங்களை நினைவுகூர்ந்து மகிழ்வீர்கள். தம்பதிக்குள் அன்யோன்யம் அதிகரிக்கும். ஆடம்பர செலவுகளை தவிர்ப்பீர்கள். மனக்குழப்பங்கள் நீங்கி, தெளிவு பிறக்கும்.

ரிஷபம்: ஆரவாரமின்றி சில வேலைகளை முடிப்பீர். குழப்பங்கள் அனைத்தும் தீர்ந்து குடும்பத்தில் கலகலப்பான சூழல் ஏற்படும். வெளியூர் பயணங்களால் ஆதாயம் உண்டு. பழைய வாகனம் செலவு வைக்கும்.

மிதுனம்: சில நேரங்களில் மன அமைதியற்ற நிலை ஏற்படும். தம்பதிக்குள் வீண் சந்தேகம் வந்து செல்லும். யாரையும் நம்பி உறுதிமொழி தர வேண்டாம். முன்கோபத்தால் நண்பர்கள் மத்தியில் பகை உண்டாகும்.

கடகம்: திட்டமிட்ட காரியங்களை அலைந்து, திரிந்து முடிக்க வேண்டி வரும். பிள்ளைகள் பிடிவாதமாக இருப்பர். வெளிவட்டாரத்தில் நிதானம் அவசியம். உறவினர், நண்பர்கள் மத்தியில் மதிப்பு, மரியாதை கூடும்.

சிம்மம்: நம்பிக்கைக்கு உரியவர்களின் ஆதரவு கிட்டும். தாய்வழி உறவினர்களால் ஆதாயம் உண்டு. பணவரவு ஓரளவு திருப்திகரமாக இருக்கும். முன்கோபம் குறையும். வெளியூர் பயணங்கள் மகிழ்ச்சி தரும்.

கன்னி: அதிரடியாக செயல்பட்டு சில காரியங்களை விரைந்து முடிப்பீர்கள். கிரஹப்பிரவேசம், திருமணம், சீமந்தம் என்று குடும்பத்தில் கலகலப்பான சூழல் ஏற்படும். பணவரவு திருப்திகரமாக இருக்கும்.

துலாம்: இழுத்தடித்த காரியங்கள் அனைத்தும் இனி முடிவுக்கு வரும். தம்பதிக்குள் அன்யோன்யம் அதிகரிக்கும். பிள்ளைகளின் நீண்ட நாள் கோரிக்கைகளை பூர்த்தி செய்வீர்கள். கலை பொருட்கள் சேரும்.

விருச்சிகம்: புதிய முயற்சிகள் தள்ளிப் போய் முடியும். குடும்பத்தில் ஒருவரை மாற்றி ஒருவர் குறை கூறிக் கொண்டிருக்க வேண்டாம். சில விஷயங்களுக்கு அனுபவ அறிவை பயன்படுத்துவது நல்லது.

தனுசு: நீண்ட நாட்களாக இருந்த மன உளைச்சல் நீங்கும். கலகலப்பாக சிரித்துப் பேசும் சூழல் அமையும். கணவன் - மனைவிக்குள் மனஸ்தாபம் நீங்கி, அன்யோன்யம் அதிகரிக்கும். வாகனப் பழுது நீங்கும்.

மகரம்: ஆடம்பரச் செலவுகளை குறைப்பீர். வியாபார ரீதியாக முக்கிய முடிவுகளை எடுப்பீர். குடும்பத்தினரின் எண்ணங்களைப் பூர்த்தி செய்வீர். நண்பர்கள், உறவினர்களின் உதவி கிட்டும். மனக் குழப்பங்கள் நீங்கும்.

கும்பம்: சோர்வு, அலைச்சல் நீங்கி ஆனந்தமாக காணப்படுவீர்கள். குழப்பங்கள் தீர்ந்து குடும்பத்தில் அமைதி நிலவும். கையில் பணம் தேவையான அளவு இருக்கும். பழைய பள்ளி, கல்லூரி நண்பர்களை சந்திப்பீர்கள்.

மீனம்: தன்னம்பிக்கையுடன் செயல்பட்டு காரியங்களை சாதிப்பீர்கள். குடும்பத்தினருடன் இருந்துவந்த கசப்புணர்வு நீங்கும். யாரையும் எடுத்தெறிந்து பேசுவதைத் தவிர்க்கவும். பணவரவு திருப்தி தரும்.

- ஜோதிஷபூஷண் வேங்கடசுப்பிரமணியன்