இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எதிர்பார்ப்புகள் நிறைவேறும். உறவினர், நண்பர்கள் மத்தியில் மதிப்பு, மரியாதை உயரும். புதிய பொறுப்புகளை ஏற்பீர்கள். வீடு, மனை வாங்குவது, விற்பது லாபகரமாக அமையும். வாகனம் செலவு வைக்கும்.

ரிஷபம்: கடந்த கால சுகமான அனுபவங்கள் எல்லாம் மனதில் நிழலாடும். உறவினர், நண்பர்கள் ஆதரவாக பேசத் தொடங்குவர். சுற்றியிருப்பவர்களின் சுயரூபம் தெரிய வரும். வீட்டில் சீரமைப்பு பணிகளை மேற்கொள்வீர்.

மிதுனம்: திருமணம், சீமந்தம் என்று குடும்பத்தில் கலகலப்பான சூழல் உருவாகும். பாதியில் நின்ற கட்டிட வேலைகள் முடியும். புதியவர்கள் நண்பர்களாவார்கள். புண்ணிய ஸ்தலங்கள் சென்று வருவீர்கள்.

கடகம்: காலை 10 மணி முதல் சிலரின் விமர்சனங்களுக்கு ஆளாவீர்கள். பிள்ளைகளிடம் கோபப்படாதீர்கள். பணவிஷயத்தில் சாக்கு போக்கு சொல்லி சமாளிப்பீர்கள். வெளியூர் பயணத்தால் ஆதாயம் உண்டு.

சிம்மம்: பிள்ளைகளால் மகிழ்ச்சியும், உறவினர்களால் ஆதாயமும் உண்டாகும். விலை உயர்ந்த மின்னணு சாதனங்கள் வாங்குவீர்கள். பூர்வீக வீட்டை சீரமைத்து, விரிவுபடுத்தி கட்டத் திட்டமிடுவீர்கள். பணவரவு உண்டு.

கன்னி: குடும்பத்தில் உள்ளவர்களின் உணர்வுகளை புரிந்து கொண்டு அதற்கேற்ப உங்களை மாற்றிக் கொள்வீர்கள். அதிகாரப் பதவியில் இருப்பவர்களின் நட்பு கிடைக்கும். அக்கம் பக்கத்தினருடன் அளவாகப் பழகவும்.

துலாம்: மற்றவர்களை நம்பி எந்த வேலையையும் ஒப்படைக்கக் கூடாது என்று முடிவெடுப்பீர்கள். உறவினர்களில் உண்மையானவர்களை கண்டறிவீர்கள். பழைய பள்ளி, கல்லூரி நண்பர்களை சந்தித்து மகிழ்வீர்கள்.

விருச்சிகம்: திட்டமிட்ட காரியங்களை சிறப்பாக முடிப்பீர்கள். தாய்வழி உறவினர்களால் அலைச்சல் ஏற்படும். வீடு, வாகன பராமரிப்புச் செலவுகள் வந்து போகும். பழைய கடன்களைத் தீர்க்க புது வழிகளை யோசிப்பீர்கள்.

தனுசு: துணிச்சலாக சில முக்கிய முடிவுகள் எடுப்பீர்கள். உடன் பிறந்தவர்கள் உறுதுணையாக இருப்பார்கள். மனைவி வழியில் அந்தஸ்து உயரும். மனதுக்கு இதமான செய்தி வரும். புதிய வீடு கட்ட கடனுதவி கிடைக்கும்.

மகரம்: கணவன் - மனைவிக்குள் அன்யோன்யம் பிறக்கும். கடனாக கொடுத்த பணத்தை வசூலிப்பீர். குலதெய்வ வழிபாடு செய்வீர்கள். பழைய பிரச்சினைகளுக்கு மாறுபட்ட அணுகுமுறையால் தீர்வு காண்பீர்கள்.

கும்பம்: வெளுத்ததெல்லாம் பாலாக நினைத்து சிலரிடம் பேசி சிக்கிக் கொள்ளாதீர்கள். உறவினர், நண்பர்களால் செலவுகள் அதிகரிக்கும். உயர் அதிகாரிகளின் நன்மதிப்பை பெறுவீர்கள். வாகன யோகம் உண்டு.

மீனம்: கணவன் - மனைவிக்குள் மனஸ்தாபம் வந்து நீங்கும். எக்காரணம் கொண்டும் யாரையும் தூக்கி எறிந்து பேசாதீர்கள். வாகனத்தில் செல்லும்போது அலைபேசியில் பேச வேண்டாம். வீண் அலைச்சலைத் தவிர்க்கவும்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow