இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: வெளிவட்டாரத்தில் புது அனுபவம் கிடைக்கும். வீடு, வாகனத்தை சரிசெய்வீர்கள். தாய் வழி உறவினர்களால் அலைச்சல் அதிகரிக்கும். அனைவரையும் அரவணைத்துச் செல்வீர்கள்.

ரிஷபம்: நீண்ட நாள் பிரச்சினைக்கு சுமுக தீர்வு கிடைக்கும். தைரியமாக செயல்பட்டு முக்கிய முடிவு எடுப்பீர்கள். மனைவி வழி உறவினர்களுடன் இருந்த ஈகோ பிரச்சினைகள் நீங்கும்.

மிதுனம்: உங்கள் பேச்சில் அனுபவ அறிவு வெளிப்படும். எதிர்பார்த்த இடத்தில் இருந்து தக்க சமயத்தில் பணம் கிடைக்கும். கணவன் - மனைவிக்குள் நெருக்கம் அதிகரிக்கும்.

கடகம்: உடல் உஷ்ணம் அதிகரிக்கும். முக்கிய பொருட்களை கவனமாக கையாளுங்கள். சொந்த ஊர் காரியங்களை முன்னின்று நடத்துவீர்கள். யாரையும் எடுத்தெறிந்து பேசக் கூடாது.

சிம்மம்: அரசு, வங்கி வகையில் ஆதாயம் உண்டு. அதிகாரிகள் உதவிகரமாக இருப்பார்கள். எதிர்பாராத செலவுகள் வரும். விலகிச் சென்ற உறவினர், நண்பர்கள் விரும்பி வந்து பேசுவார்கள்.

கன்னி: எதையும் தாங்கும் மனவலிமை கிடைக்கும். பணவரவு உண்டாகும். எதிர்ப்புகள், ஏமாற்றங்களை முறியடித்து வெற்றி பெறுவீர்கள். சகோதர உறவுகள் பக்கபலமாக இருப்பார்கள்.

துலாம்: எதிர்பார்த்த உதவிகள் தக்க சமயத்தில் கிடைக்கும். தெளிவான முடிவுகளால் தொல்லைகள் நீங்கும். குடும்பத்தினர் ஒத்துழைப்பு அதிகரிக்கும். எதிலும் பொறுமை தேவை.

விருச்சிகம்: சவாலான காரியங்களையும் சர்வ சாதாரணமாக செய்து பாராட்டு பெறுவீர்கள். திடீர் செலவுகள் உண்டு. பழைய நண்பர்கள், உறவினர்களை சந்திப்பீர்கள். கலைப் பொருட்கள் சேரும்.

தனுசு: தேவையற்ற பயணம், அலைச்சலை தவிர்ப்பது நல்லது. பழைய சொந்த பந்தங்கள் தேடி வந்து பேசுவார்கள். புது வேலை கிடைக்க தடை, தாமதம் ஏற்படும். ஆன்மிக நாட்டம் கூடும்.

மகரம்: இங்கிதமாக, இதமாக பேசி அனைவரையும் கவர்வீர்கள். உறவினர்களால் ஆதாயம் கிடைப்பதுடன், கவுரவமும் ஒருபடி உயரும். நாடி வந்தவர்களுக்கு இயன்ற உதவியை செய்வீர்கள்.

கும்பம்: சமயோசித புத்தியுடன் பல காரியங்களையும் முடித்துக் காட்டுவீர்கள். பல வகையிலும் பண வரவு, பொருள் வரவு உண்டு. அவசரத்துக்கு கைமாற்றாக வாங்கிய பணத்தை திருப்பி தருவீர்கள்.

மீனம்: உங்கள் கல்வித் தகுதி, திறன்களை அதிகப்படுத்திக் கொள்வீர்கள். அறிஞர்களின் நட்பு கிடைக்கும். சகோதரர்கள் ஆதரவாக இருப்பார்கள். பெரிய பதவிகள், பொறுப்புகள் தேடி வரும்.

- ஜோதிஷபூஷண் வேங்கடசுப்பிரமணியன்