இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: தடைபட்ட செயல்களில் இனி வெற்றி உண்டு. கணவன் - மனைவிக்குள் மனம் விட்டு பேசுவீர்கள். சகோதர வகையில் நன்மை கிட்டும். பணவரவு திருப்தி தரும். பால்ய நண்பர்களை சந்தித்து மகிழ்வீர்கள்.

ரிஷபம்: சவால்கள், விவாதங்களில் வெற்றி பெறுவீர்கள். உடன்பிறந்தவர்கள் உங்கள் நலனில் அதிக அக்கறை காட்டுவார்கள். பெரிய பொறுப்புகள் தேடி வரும். பூர்வீக வீட்டை சீரமைத்து விரிவுபடுத்தி கட்டுவீர்கள்.

மிதுனம்: மனஸ்தாபம் நீங்கி கணவன் - மனைவிக்குள் அன்யோன்யம் பிறக்கும். கைமாற்றாக வாங்கியிருந்த பணத்தை தந்து கடனை பைசல் செய்வீர்கள். பிள்ளைகளின் கோரிக்கைகளுக்கு முக்கியத்துவம் தருவீர்கள்.

கடகம்: குடும்பத்தை அனுசரித்துச் செல்வது நல்லது. வாகனத்தை கவனமாக இயக்குவது அவசியம். மின்சாரம், மின்னணு சாதனங்கள் பழுதாகும். நண்பர்கள் மத்தியில் மதிப்பு, மரியாதை கூடும். பணவரவு உண்டு.

சிம்மம்: திடமாக சில முடிவுகள் எடுப்பீர்கள். சீமந்தம், கிரஹப்பிரவேசம் என்று குடும்பத்தில் கலகலப்பான சூழல் ஏற்படும். வர வேண்டிய பணம் கைக்கு வரும். மனைவிவழி உறவினர்கள் உங்களுக்கு ஆதரவுக் கரம் நீட்டுவர்.

கன்னி: தடைகளை தாண்டி முன்னேறுவீர்கள். விஐபிகளின் உதவியால் சில காரியங்களை முடிப்பீர்கள். சோர்வு நீங்கி சுறுசுறுப்படைவீர்கள். பிள்ளைகளின் படிப்பு விஷயத்தில் அதிக கவனம் செலுத்துவீர்கள்.

துலாம்: உறவினர்கள், நண்பர்களின் வீட்டு சுப நிகழ்ச்சிகளில் கலந்து கொள்வீர்கள். புது வீடு, மனை வாங்குவீர்கள். கலை, இசை போன்றவற்றில் ஈடுபாடு அதிகரிக்கும். புதிய தொழில் முயற்சிகள் வெற்றியடையும்.

விருச்சிகம்: நெடுநாட்களாக திட்டமிட்டுக் கொண்டிருந்த காரியம் இப்போது கைகூடி வரும். அதிகாரப் பதவியில் இருப்பவர்கள் அறிமுகமாவர்.குடும்பத்தினருக்கு விலையுயர்ந்த நகைகள், ஆடைகள் வாங்குவீர்கள்.

தனுசு: கணவன் - மனைவிக்குள் விட்டுக் கொடுத்து போவீர்கள். புது வேலை கிடைக்கும். பூர்வீக சொத்து கைக்கு வரும். பிள்ளைகளின் பொறுப்புணர்வுகள் அதிகமாகும். பால்ய நண்பர்களை சந்திக்கும் வாய்ப்பு ஏற்படும்.

மகரம்: பணவரவு அதிகரிக்கும். பிரபலங்களின் சந்திப்பு நிகழும். தடைகள் அனைத்தும் நீங்கி குடும்பத்தில் நல்லது நடக்கும். பிள்ளைகளின் கூடா பழக்க வழக்கம் விலகும். வெளியூர் பயணத்தால் ஆதாயம் உண்டு.

கும்பம்: வீண் பகை, விரயச் செலவு, முன்கோபம், திடீர் பயணங்கள் வந்து செல்லும். அரசாங்க அதிகாரிகளை பகைத்துக் கொள்ளாதீர்கள். பிள்ளைகளை அவர்கள் விரும்பும் படிப்பில் சேர்க்க முயற்சிக்கவும்.

மீனம்: வேலைகளை உடனே முடிக்க வேண்டுமென நினைப்பீர்கள். பிள்ளைகளால் அலைச்சல் உண்டு. அண்டை, அயலார் சிலரின் செயல்பாடுகளால் கோபம், எரிச்சல் அடையலாம். இருப்பினும் அமைதி காக்கவும்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow