இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: திருமணம், சீமந்தம் போன்ற சுபச் செலவுகள் அதிகரிக்கும்.உறவினர்கள், நண்பர்கள் வருகையால் மகிழ்ச்சி உண்டு. நீங்கள் வேடிக்கையாக பேசுவது எல்லாம் தவறாக அர்த்தம் கொள்ளப்படும். கவனம் தேவை.

ரிஷபம்: புது வீடு கட்ட வங்கிக் கடனுதவி கிடைக்கும். நினைத்திருந்த டிசைனில் ஆடை, ஆபரணங்கள் வாங்குவீர்கள். உறவினர்கள், நண்பர்கள் உங்களின் பெருந்தன்மையை புரிந்து கொள்வார்கள். பொருட்கள் சேரும்.

மிதுனம்: மனக்குழப்பம் நீங்கி தெளிவான முடிவு எடுப்பீர். குடும்பத்தில் மகிழ்ச்சி உண்டு. பிள்ளைகளின் நட்பு வட்டம் விரியும். பூர்வீக வீட்டை விற்பனை செய்துவிட்டு, நீங்கள் இருக்கும் இடத்தில் வீடு வாங்குவீர்.

கடகம்: உறவினர்கள், நண்பர்கள் மத்தியில் செல்வாக்கு கூடும். பணவரவு உண்டு. மகனுக்கு வெளிநாடு தொடர்புடைய நிறுவனத்தில் புது வேலை அமையும். சகோதரி உங்கள் வேலைகளை பகிர்ந்து கொள்வார்.

சிம்மம்: விமர்சனங்களும், தாழ்வு மனப்பான்மையும் வந்து போகும். பணம், நகையை கவனமாக கையாள வேண்டும். கொஞ்சம் நிதானித்து செயல்படப் பாருங்கள். பழைய பள்ளி, கல்லூரி நண்பர்களை சந்திப்பீர்.

கன்னி: குழப்பம் நீங்கி மனோபலம் அதிகரிக்கும். கடனாக கேட்ட இடத்தில் பணம் கிடைக்கும். வீடு, வாகனத்தை சீர் செய்வீர்கள். அடகிலிருந்த நகையை மீட்பீர்கள். மகளுக்கு நல்ல இடத்தில் திருமணம் நிச்சயமாகும்.

துலாம்: பழைய இடத்தை விற்று புது வீடு வாங்குவீர்கள். வழக்கில் வெற்றி பெறுவீர்கள். மூத்த சகோதர வகையில் உதவிகள் கிடைக்கும். நீண்ட நாளாக பேசாத உறவினர்கள் உங்களைத் தேடி வந்து பேசுவர்.

விருச்சிகம்: வீட்டை புதுப்பித்து கட்ட திட்டமிடுவீர். தூரத்து உறவினர்கள் தேடி வருவார்கள். தாய்மாமன் வகையில் எதிர்பார்த்த உதவிகள் கிடைக்கும். நீண்ட நாளாக மனதை அரித்த விஷயத்தில் தெளிவு பிறக்கும்.

தனுசு: பிள்ளைகளை உற்சாகப்படுத்த கேட்டதை வாங்கித் தருவீர்கள். பூர்வீக சொத்தை மாற்றுவீர்கள். தாயாரின் ஆரோக்கியத்தில் அக்கறை காட்டுவீர். அயல்நாடு செல்ல விசா கிடைக்கும். பணவரவு திருப்தி தரும்.

மகரம்: தாயாரின் உடல் நலம் சீராகும். வீடு கட்ட அரசு அனுமதி கிட்டும். உறவினர்கள், நண்பர்கள் உங்களை புரிந்துகொண்டு வலிய வந்து உதவுவார்கள். பூர்வீக கிராமத்தில் உங்களுக்கு முதல் மரியாதை கிடைக்கும்.

கும்பம்: புதிதாக வீடு, மனை, வாகனம் வாங்குவீர்கள். பணவரவு திருப்திகரமாக இருக்கும். குடும்பத்தில் ஒற்றுமை பிறக்கும். சாமர்த்தியமாக பேசி காரியம் சாதிப்பீர்கள். வெளியூர் பயணம், சுற்றுலா செல்ல திட்டமிடுவீர்.

மீனம்: யாரையும் பகைத்துக் கொள்ள வேண்டாம். வீண் சந்தேகம், தாழ்வு மனப்பான்மை வந்து நீங்கும். யாருக்கும்,எதற்காகவும் உறுதிமொழி தர வேண்டாம். குடும்பத்துடன் குலதெய்வ வழிபாடு நன்மை தரும்.

- ஜோதிஷபூஷண் வேங்கடசுப்பிரமணியன்