இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தினருடன் கலந்தாலோசித்து சில முக்கிய முடிவுகளை எடுப்பீர்கள். பிள்ளைகள் உதவிகரமாக இருப்பார்கள். நண்பர்கள் உங்களை புரிந்து கொள்வார்கள். வீடு, வாகன பராமரிப்பு செலவு அதிகரிக்கும்.

ரிஷபம்: வெளிப்படையான பேச்சால் சில காரியங்களை முடித்து காட்டுவீர். எதிலும் மகிழ்ச்சி கிட்டும். தம்பதிக்குள் அன்யோன்யம் பிறக்கும். நண்பர்கள் வீட்டு விசேஷங்களை முன்னின்று நடத்துவீர்.

மிதுனம்: சிக்கனமாக இருக்க வேண்டுமென்று நினைத்தாலும், அத்தியாவசிய செலவு அதிகரிக்கும். சொந்த - பந்தங்களால் அன்புத் தொல்லைகள் உண்டு. பால்ய நண்பர்களை சந்திக்கும் வாய்ப்பு இருக்கும்.

கடகம்: மனசாட்சிக்கு விரோதமின்றி செயல்பட வேண்டுமென நினைப்பீர்கள். குடும்பத்தில் கலகலப்பான சூழல் ஏற்படும். ஆடம்பர செலவுகளை தவிர்ப்பீர்கள். வெளியூர் பயணம், சுற்றுலா செல்ல திட்டமிடுவீர்.

சிம்மம்: சகோதரரின் விருப்பங்களை நிறைவேற்றுவீர். கல்யாண முயற்சிகள் பலிதமாகும். குடும்பத்தில் உங்கள் ஆலோசனையை ஏற்றுக் கொள்வார்கள். பழைய வாகனத்தை விற்பனை செய்ய முயற்சிப்பீர்கள்.

கன்னி: புது முயற்சிகளில் ஆர்வம் காட்டுவீர்கள். குடும்பத்தினரின் எண்ணங்களை பூர்த்தி செய்வீர்கள். நண்பர்களிடம் இருந்து எதிர்பார்த்த உதவி கிடைக்கும். இழுபறியாக இருந்த வழக்கில் முன்னேற்றம் இருக்கும்.

துலாம்: மகிழ்ச்சியுடன் காணப்படுவீர்கள். பணவரவு திருப்திகரமாக இருக்கும். அரசு காரியங்களில் வெற்றியுண்டு. நல்லவர்களின் நட்பு கிடைக்கும். பழைய கடன்களில் ஒன்று தீர வழி உண்டு. பொருள் சேரும்.

விருச்சிகம்: வெகுநாட்களாக மனதளவில் இருந்துவந்த பிரச்சினைகளுக்கு இன்று முடிவுகட்டுவீர்கள். குடும்பத்தாரின் ஆதரவு பெருகும். தம்பதிக்குள் அன்யோன்யம் பிறக்கும். பிள்ளைகளின் உடல்நிலை சீராகும்.

தனுசு: வெகுநாட்களாக மனதளவில் இருந்துவந்த பிரச்சினைகளுக்கு இன்று முடிவுகட்டுவீர்கள். குடும்பத்தாரின் ஆதரவு பெருகும். தம்பதிக்குள் அன்யோன்யம் பிறக்கும். பிள்ளைகளின் உடல்நிலை சீராகும்.

மகரம்: பல வேலைகளை இழுத்து போட்டுப் பார்க்க வேண்டி வரும். பிள்ளைகளால் டென்ஷன் அதிகரிக்கும். வாகனத்தை எடுக்கும் முன் எரிபொருள் இருக்கிறதா என பார்த்துக் கொள்ளுங்கள். தியானம் செய்யவும்.

கும்பம்: ஆடம்பரமான செலவுகளை குறைக்க பாருங்கள். மறைமுகப் போட்டிகளுக்கு பதிலடி தருவீர்கள். ஆன்மிகத்தில் நாட்டம் அதிகரிக்கும். விருந்தினர், நண்பர் வருகையால் வீட்டில் மகிழ்ச்சி உண்டு.

மீனம்: சுறுசுறுப்புடன் செயல்படுவதால் காரியங்கள் வெற்றியடையும். குடும்பத்தினரின் ஆதரவு கிட்டும். பேச்சில் கம்பீரம் பிறக்கும். சகோதர வகையில் எதிர்பார்த்த உதவிகள் கிடைக்கும். வாகனம் செலவு வைக்கும்.

- ஜோதிஷபூஷண் வேங்கடசுப்பிரமணியன்