இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பழைய வழக்கில் நல்ல திருப்பம் வரும். கடந்த காலத்தில் உங்களுக்கு எதிராக செயல்பட்டவர்கள் இப்போது ஆதரவாக நெருங்கி வர வாய்ப்பிருக்கிறது. நண்பர், உறவினர்கள் வலிய வந்து பேசுவார்கள்.

ரிஷபம்: சவால்களில் வெற்றி பெறுவீர்கள். திருமணம் கூடி வரும். வாகனம் புதிதாக வாங்குவீர்கள். வீட்டை சீரமைத்து, விரிவுபடுத்தி கட்டுவது நல்ல விதத்தில் முடியும். பால்ய நண்பர்களை சந்திக்கும் வாய்ப்பு ஏற்படும்.

மிதுனம்: கடந்த காலத்தில் நடந்த இனிமையான நிகழ்வுகள் நினைவுக்கு வரும். தாயாருடன் கருத்து மோதல் வரும். வாகனத்தை வேகமாக இயக்க வேண்டாம். பழைய கடன்களில் ஒன்று தீர வாய்ப்பு ஏற்படும்.

கடகம்: பிரச்சினைகளை கடக்க நல்ல வழி கிடைக்கும். வேற்று மொழி பேசுபவர்களின் அறிமுகம் உங்களுக்கு ஆதரவாக இருக்கும். புதிய நண்பர்களால் உங்கள் பிரச்சினைகள் பாதியாகக் குறையும். பணவரவு திருப்தி தரும்.

சிம்மம்: பணத் தட்டுப்பாடு குறைந்து தேவையான அளவு பணம் வரும். மற்றவர்களுக்கு கொடுத்த வாக்கை காப்பாற்றுவீர்கள். உறவினர்கள் வலிய வந்து உதவுவார்கள். சொந்த ஊரில் முதல் மரியாதை கிடைக்கும்.

கன்னி: மருத்துவரின் ஆலோசனையின்றி எந்த மருந்தையும் உட்கொள்ள வேண்டாம். காய், கீரை வகைகளை உணவில் சேர்த்துக் கொள்வது உடல் நலத்துக்கு நல்லது. வீடு, வாகன பராமரிப்புச் செலவு அதிகரிக்கும்.

துலாம்: தவிர்க்க முடியாத செலவுகளால் பணப் பற்றாக்குறை ஏற்படும். சகோதர வகையில் அன்புத் தொல்லை அதிகமாகும். அரசு காரியங்கள் இழுபறியாகும். குடும்ப விஷயங்களை பிறரிடம் கூற வேண்டாம்.

விருச்சிகம்: எதிர்பாராத வகையில் பணம் வரும். ஷேர் மூலமாகவும் ஆதாயமடைவீர்கள். மனைவிவழி உறவினர்கள் உதவிகரமாக இருப்பார்கள். பிள்ளைகளின் சாதனையால் பெருமை அடைவீர்கள்.

தனுசு: உறவினர்கள் வீட்டு திருமணம், கிரஹப்பிரவேசம், சீமந்தம் போன்ற சுப காரியங்களை முன்னின்று நடத்துவீர்கள். நண்பர்கள் மத்தியில் மதிப்பு, மரியாதை உயரும். தம்பதிக்குள் நெருக்கம் அதிகமாகும்.

மகரம்: தன்னம்பிக்கை பெருகும். புதிய வாய்ப்புகளும் தேடி வரும். யோகா, தியானம் என மனதை நிலைப்படுத்துவீர்கள். உறவினர்களால் ஏற்பட்ட பழைய பிரச்சினைகள் ஒவ்வொன்றாக தீரும். பொருள் சேரும்.

கும்பம்: இரவுப் பயணங்களை தவிர்ப்பது நல்லது. மற்றவர்களை நம்பி பெரிய முடிவுகள் எடுக்க வேண்டாம். உங்கள் பலம் எது, பலவீனம் எது என்பதை அறிந்து செயல்படவும். பணவரவு திருப்திகரமாக இருக்கும்.

மீனம்: உங்கள் ரசனைக்கேற்ப வீடு, மனை அமையும். வங்கிக் கடனுதவியும் கிடைக்கும். பழைய நண்பர்களை சந்தித்து மகிழ்வீர்கள். மனைவி வழியில் உதவிகள் உண்டு. யாரையும் பகைத்துக் கொள்ள வேண்டாம்.

- ஜோதிஷபூஷண் வேங்கடசுப்பிரமணியன்