சீனாவில் மிதமான நிலநடுக்கம்

சீனாவின் மேற்கு பகுதியில் மிதமான நிலநடுக்கம் ஏற்பட்டது.

இதுகுறித்து அமெரிக்க புவியியல் ஆய்வு மையம் கூறும்போது, "சீனாவின் சிசுவான் மாகாணத்தில் இன்று (சனிக்கிழமை) மிதமான நிலநடுக்கம் ஏற்பட்டது. இந்த நில நடுக்கம் ரிக்டர் அளவுகோலில் 5.5-ஆக பதிவாகியது. நிலநடுக்கம் பூமிக்கடியில் 10 கிலோமீட்டர் ஆழத்தில் ஏற்பட்டுள்ளது. ” என்று கூறியுள்ளது.

இந்த நில நடுக்கத்தினால் ஏற்பட்ட பாதிப்புகள் குறித்த உடனடி தகவல் ஏதும் தெரிவிக்கப்படவில்லை.

எனினும் நிலநடுக்கம் ஏற்பட்டபோது கட்டிடங்கள் குலுங்கியதாக சமூக வலைதளங்களில் மக்கள் பதிவேற்றி வருகின்றனர்.