தீவிரவாத பிடியில் பெல்ஜியம்- 2

பெல்ஜியத்தைத் தீவிரவாதிகள் தேர்ந்தெடுக்க வேறொரு காரணமும் இருக்க வாய்ப்பு உண்டு.

பிற ஐரோப்பிய நாடுகளில் உள்ள இஸ்லாமியப் பின்னணிக் கும் பெல்ஜியத்தில் உள்ள இஸ் லாமியப் பின்னணிக்கும் ஒரு வேறு பாடு இருக்கிறது. இங்கு உள்ளூர் மதத்தலைவர்கள் (இமாம்) குறை வாகவே உள்ளனர். பெரும்பாலும் வெளிநாட்டிலிருந்து வருகிறார்கள் இவர்கள். ஐரோப்பியப் பின்ன ணியோடு ஒன்றுவதைவிட சவுதி அரேபியா போன்ற நாடுகளிலுள்ள மதச்சார்பு எண்ணங்களை பெல்ஜிய இளைஞர்களிடையே விதைக்கிறார்கள்.

மேலும் பெல்ஜியத்தில் பாது காப்பு ஏற்பாடுகள் அவ்வளவு பலமாக இல்லை என்கிறார்கள். நேட்டோ உட்பட பலவித சர்வதேச அமைப்புகளின் தலைமையகமாக விளங்கும் பெல்ஜியத்துக்கு அதற் குத் தகுந்த பாதுகாப்பு ஏற்பாடு கள் இல்லை. சமீபத்திய புள்ளி விவ ரத்தின்படி சிரியா மற்றும் இராக்கில் உள்ள ஜிகாதிகளுக்கு ஆதரவாகப் போரிட பெல்ஜியத்திலிருந்து 250 பேர் சென்றிருக்கிறார்கள்.

பாரீஸ் தாக்குதலில் ஈடுபட்டவர் களில் மூன்று பேராவது பெல்ஜியத் தில் வசித்தவர்கள் என்று செய்தி கிடைத்தது.

பாரீஸ் தாக்குதல் நடைபெறு வதற்கு மூன்று நாட்களுக்கு முன் பெல்ஜியத்தின் பாதுகாப்பு மற்றும் உள்துறை அமைச்சர் ஜென் ஜம்போன் இது குறித்துப் பேசினார். அரசின் சவால்களில் ஒன்றாக உருவாகியுள்ளது பெல்ஜியத்தில் இன ரீதியாகப் பிரிந்திருப்பது என்றார்.

காவல்துறையினரும் மாவட்ட மேயர்களும் ஒருவருக்கொருவர் சரியான தகவல் பரிமாற்றம் செய்து கொள்வதில்லை என்றார். தவிர தீவிரவாதக் குழுக்களில் சேரும் பெல்ஜிய நாட்டைச் சேர்ந்தவர்கள் வெளிநாட்டிலிருந்து வந்தவர்கள் அல்ல உள்நாட்டுக்காரர்கள். அவர் களது குடும்பங்கள் தலைமுறைக ளாக பெல்ஜியத்தில் வாழ்ந்தவை. எனவே அவர்களின் பாஸ்போர்ட் களை முடக்கி வைப்பதில் அதிகாரி களுக்குத் தயக்கம் இருக்கிறது.

பாரீஸ் தாக்குதல்களுக்கு மூல காரணமாகச் செயல்பட்ட அப்தெல் அகமது அபவட் என்ற 27 வயது இளைஞன் பெல்ஜிய நாட்டுக் குடிமகன் என்று அறிவித்துள்ளனர் பிரான்ஸ் அதிகாரிகள்.

பாரீஸ் காவல்துறை பதில் தாக்கு தல் நடத்தியதில் இப்ராஹிம் அப்டெஸ்லாம் என்பவர் இறந்திருக் கிறார். முகமது என்ற மற்றொருவர் சிறைபிடிக்கப்பட்டுள்ளார். சலா என்ற மூன்றாவது நபரை பிடிக்க பொது மக்களின் உதவியை நாடியுள்ளது காவல்துறை. ‘’அவன் மிகவும் அபாயகரமானவன். எந்தச் சூழலிலும் நீங்கள் அவனை நேரடியாகக் கையாள வேண்டாம். காட்டிக் கொடுங்கள் போதும்’’ என்று பொது அறிவிப்புகளை வெளியிட்டிருக்கிறது.

ஜிகாதிகளுடன் பெல்ஜியத் துக்கு உள்ள தொடர்பு முன்பு வேறொரு விதத்திலும் வெளியா னது உண்டு. முறியல் என்ற பெண்மணி (அதற்கு முந்தைய காலகட்டத்தில் இஸ்லாமுக்கு மாறியவர்) மனித வெடிகுண்டாக மாறி பலரை இறக்க வைத்தார்.

தீவிரவாதத்துக்கு எதிராகத் தீவிர நடவடிக்கைகளை எடுப்பதில் சில சிக்கல்கள் இருப்பதை அந் நாட்டின் பிரதமர் சார்லஸ் மிஷேல் ஒத்துக் கொண்டிருக்கிறார். ‘’நாங் கள் இன்னும் சிறப்பாகச் செயல்பட வேண்டும். தீவிரவாதத்துக்கு எதிரா கப் பல புதிய நடவடிக்கைகளை மேற்கொள்ள வேண்டும் என்று ஒத்துக் கொள்கிறோம்’’ என்றார்.

பல வருடங்களாகவே நீதித் துறைக்கும், காவல்துறைக்கும் அதிக பட்ஜெட்டை பெல்ஜியம் ஒதுக்க வேண்டும் என்ற குரல்கள் எழும்பி வருகின்றன. என்றாலும் சிக்கன நடவடிக்கை என்ற பெயரில் அதற்கெல்லாம் பெல்ஜியம் செவி சாய்க்காமல் இருந்து வந்திருக்கிறது.

இன்னொரு முக்கிய சிக்கலும் இதில் இருக்கிறது. அந்த நாட்டின் காவல் துறையினர் தேசத்தின் எல் லைகளைத் தாண்டிச் செல்ல முடியாது. அப்படி எந்த ஒப்பந்தமும் அவர்களை அனுமதிப்பதாக இல்லை. ஆனால் தீவிரவாதிகளால் பெல்ஜிய எல்லையை எளிதில் தாண்டிச் செல்ல முடிகிறது. காரணம் ஷெங்கன் விசா. பாரீஸ் தாக்குதலுக்கு முக்கிய காரண கர்த்தா என்று கருதப்படும் அப்தெல் ஹமீத் அபவ்டு சுட்டுக் கொல்லப்பட் டார். இந்தத் தாக்குதலில் முக் கியப் பங்காற்றி இருக்கலாம் என்று சந்தேக வளையத்தில் இருக்கும் ஸலா அப்தெஸ்லாம் என்பவரை பெல்ஜியம் மற்றும் பிரான்ஸ் அரசு கள் தீவிரமாகத் தேடிக் கொண் டிருக்கின்றன. இவர் பெல்ஜியத் தலைநகர் பிரஸ்ஸல்ஸில் நீண்ட காலமாக வசித்தவர் என்பது குறிப் பிடத்தக்கது. தீவிரவாதிகள் சிலரை பிரான்ஸ் அரசு கைது செய்திருந் தாலும் அவர்களில் ஸலாவும் ஒரு வரா என்பது உறுதியாகவில்லை.

(உலகம் உருளும்)