நேபாள நிலநடுக்கம்: பலி எண்ணிக்கை 7,912 ஆக அதிகரிப்பு

நேபாள நிலநடுக்கத்தில் பலியானோர் எண்ணிக்கை 7,912-ஆக அதிகரித்துள்ளது.

நேபாளத்தில் கடந்த மாதம் 25-ம் தேதி நிலநடுக்கம் ஏற்பட்டது. ரிக்டரில் 7.9 ஆக பதிவாகியது.

இந்நிலையில், நிலநடுக்கத்தில் சிக்கியும், காயங்களுக்கான சிகிச்சை பலனின்றியும் இதுவரை 7,912 பலியாகி இருப்பதாகவும், 17,871 பேர் காயமடைந்திருப்பதாகவும் தெரிவிக்கப்பட்டுள்ளது.

மேலும், நேபாளத்தைச் சேர்ந்த 264 பேரும், வெளிநாட்டவர் 111 பேரும் காணவில்லை என குறிபிடப்பட்டுள்ளது.

நேபாள நிலநடுக்க பாதிப்பு குறித்து உள் துறை அமைச்சகம் வெளியிட்டுள்ள செய்திக் குறிப்பில், "2,97,266 வீடுகளும், 10,803 அரசு அலுவலகங்களும் முற்றிலுமாக சேதமடைந்துள்ளன" எனத் தெரிவிக்கப்பட்டுள்ளது.