நிலநடுக்கத்துக்குப் பிறகு 14 அதிர்வுகள்

நேபாளத்தில் லம்ஜங் எனும் மாவட்டத்தில் தான் நிலநடுக்கம் மையம் கொண்டதாக அமெரிக்க புவியியல் மையம் தெரிவித்துள்ளது. நிலநடுக்கத்துக்கு பிறகு 14 நில அதிர்வுகள் சுமார் இரண்டு மணி நேரத்துக்கும் அதிகமாக உணரப்பட்டதாகக் கூறப்படுகிறது. கோதரியில் தெற்கு-தென் கிழக்கு திசையில் 28 கிமீ தொலைவில் 5.1 ஆகவும், லம்ஜங்கின் கிழக்காக 49 கிமீ தொலைவில் 6.6 ஆகவும், நாகர்கோட்டில் வடக்கு-வடகிழக் காக 25 கிமீ தொலைவில் 5.5 ஆகவும், பனோட்டியின் தென் கிழக்கில் 5 கிமீ தொலைவில் 4.8 ஆகவும், நாகர்கோட்டில் வடக்கு-வடகிழக்காக 15 கிமீ தொலைவில் 5.0 ஆகவும், கோதரியின் தெற்கில் 25 கிமீ தொலைவில் 5 ஆகவும் இந்த நில அதிர்வுகள் ரிக்டரில் பதிவாகியிருந்தன.