பரிசு தராததால் கணவரின் கழுத்தை நெறித்த பெண்

தனக்குப் பரிசு தராமல் ஏமாற்றிய கணவரை, அவரின் கழுத்தை நெறித்துக் கொலை செய்ய பெண் ஒருவர் முயன்றுள்ளார். இந்தச் சம்பவம் ஜப்பானில் நடந்துள்ளது.

உலகம் முழுக்க பிப்ரவரி 14-ம் தேதி காதலர் தினமாகக் கொண்டாடப்படுகிறது. அன்று ஜப்பானில் அந்நாட்டுப் பெண்கள் தங்களின் கணவர், நண்பர்கள், குழந்தைகள், உயரதிகாரிகள் போன்றோருக்கு பரிசுப் பொருட்கள் வழங்குவது வழக்கம்.

இதற்குப் பிரதிபலனாக, மார்ச் 14-ம் தேதி அந்நாட்டில் `வெள்ளை தினம்' கடைப்பிடிக்கப்படுகிறது. இந்த தினத்தில் ஆண்கள் தங்கள் வாழ்க்கையில் தங்களோடு பயணிக்கும் பெண்களுக்கு பரிசுப் பொருட்கள் தந்து மகிழ்வர்.

கடந்த 14-ம் தேதி அங்கு `வெள்ளை தினம்' கடைப் பிடிக்கப்பட்டது. அந்த நாளில் தனக் குப் பரிசுப் பொருள் தராமல் ஏமாற் றிய 31வயது கணவரை, கழுத்தில் கட்டும் `டை'யைப் பயன்படுத்தி, அவரின் கழுத்தை நெறித்துக் கொலை செய்ய மி நிஷியாமா என்பவர் முயன்றுள் ளார்.

அதிர்ஷ்டவசமாக, அவரின் கணவருக்கு ஏதும் பாதிப்பு ஏற்படவில்லை. இதைத் தொடர்ந்து சகாய் எனும் நகரில் உள்ள தன் வீட்டில், மி நிஷியாமா கைது செய்யப்பட்டார்.