எப்படி இருக்கிறான் ஓம்ரான்?

தூசி படிந்த உடலில் தலை மற்றும் கண்ணில் ரத்த காயங்களுடன் சிறுவன் ஒருவன் அமர்திருந்த புகைப்படமும், வீடியோவும் கடந்த வருடம் ஆகஸ்ட் மாதம் சமூக வலைதளங்களில் வைரலாக பகிரப்பட்டது.

சிரியாவில் கிளர்ச்சியாளர்கள் பகுதியில் கடந்த ஆகஸ்ட் மாதம் நடத்தப்பட்ட வான்வழி தாக்குதலில், இடிந்த கட்டிடங்களுக்கிடையே ஓம்ரானும், அவனது குடும்பத்தினரும் காயங்களுடன் மீட்கப்பட்டனர். காயங்களுடன் ஓம்ரான் ஆம்புலன்ஸில் அமரந்திருக்கும் புகைப்படம் சிரியாவில் போரினால் நடக்கும் அவலத்தை உலக நாடுகளுக்கு உணர்த்தியது.

இந்த நிலையில் ஓம்ரான் தற்போது எவ்வாறு உள்ளார் என்ற புகைப்படங்கள் சிரிய ஊடகங்களில் வெளியாகியுள்ளது.

அப்புகைப்படங்களில் நல்ல ஆரோக்கியத்துடன் காணப்படும் ஓம்ரான் அரசு கட்டுபாட்டிலுள்ள அலெப்போ நகரில் அவரது பெற்றோருடன் வசித்து வருகிறார்.

தந்தையுடன் ஓம்ரான்

ஓம்ரான் அவரது பெற்றோருடன் இருக்கும் புகைப்படத்தை பத்திரிக்கையாளர் கினானா அல்லுஸ் தனது பேஸ்புக் பக்கத்தில் பதிவிட்டுள்ளார். இதன் மூலம் மீண்டும் ஓம்ரான் புகைப்படங்கள் வைரலாக பரப்பப்பட்டு வருகிறது.